Wepila 19:10 - mzwDBL

¹⁰ Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 19:10 ပူးပေါင်းရင်းမြစ်များ

Amanesoma Jɔn Aa Chwera Tɔn 5:39

He swɛɛ siwi dɛɛ kure Korowii Tɔn la, ásɛ dɛɛ lii kɛŋɔ hɛɛ dɔ mkpa aa wola jaɡa dɔe le a ta. Asɛ ɡɛ tɔn nɔ bini waa ɡe ɛɛ di danseɛ dɛɛ tɛ mɛ.

Hibru 1:14

Korowii bonɔɔna laa o nyundua toroma la te naa? Nɛra Korowii aa ba lɛ la waa o yon dɛɛ tomɛ o nyundua toroma la ásɛ baa cha o nɛra o won lɛɛ ba.

Wepila 4:10

dɛ nomonome fifraanɛ dɛ banaarɛ la laa ba kooɡbɛrɛre pili bil kookara la sie dɛ ɡuŋi naate waa soɡe kookara la ta dɛ do le saŋ bɛlbwa la, dɛɛ duuru ŋɔ,

Wepila 12:17

Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

Wepila 12:11

Ba cheɡɛ Pebie la chal la ne Korowii Waa baa bola la ta dɛ pɔ o nɛ. Ba ta ɡelɛ ba mkpa waa swɛɛ ba siwi, ba sɛh seo kwara.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

Hibru 12:25

Anomanta, hé nyiŋi kɛrɛdɛ ásɛ dɛ bɛ deŋne taŋ Korowii waa waa dɛ bol la ta. A saŋ la tena fa aa vɛh nɛn ba ne waa lɔ harɛ bonɔ waa waa bola dɛ kpɔ ja ba la, dɛ ba ta wone lɛ ba te naa, ya nɛra yaa vɛh naate waa lɔ nyundua waa waa kpɔa dɛɛ ja yaa la, ɛrɛɛ yá ɛ dɛ won lɛ ya te nɔ?

Matiu 4:10

Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

Kaala 34:14

He bɛ voɡ bɛlbwa tomɛ ka ja men Korowii nɛ, maa nomɛlbwa nyin dɛ ja n nɛ.

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

We-ɛɛla 10:43

Korowii keamere la bwa bol Yeesu waa ŋɔ nomɛlbwa waa yarada o waa la, o nomanta, Korowii ɛɛ kpɔ naate wechɔɡaa kɛo.”

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Felepae 3:3

Ya banɔ la yaa dɛ tomɛ Korowii o Domadɛɛɡe kpeɡri ta dɛɛ tɛ Yeesu Kristo sɔn, yaa wola bɔtɔn mɔna waa maŋkura la, yanee jemɛ penteŋ tenten la.

Amanesoma Luk Aa Chwera Tɔn 24:44

Ate, dɛ ŋɔ ba be ŋɔ, “Anɔ waa ɡɛ saŋ n ne haa lole la, n yon dɛɛ bol he be ŋɔ a chɛ kɛ n bwara wobɛlbwa baa chwera Mosis Mmara la bini ne Korowii keamere tɔne la bini ne Korowii Kpɛɛra Tɔn bini la ɛ kpela la.”

Amanesoma Luk Aa Chwera Tɔn 1:19

Anee nyundua torome la chaŋo ŋɔ, “Menee Gebreɛl maa dɛ che Korowii sie la. Onee tom mɛ ŋɔ ń ba bol Amanesoma nɔ he be.

Amanesoma Mak Aa Chwera Tɔn 5:22

Belaa cheremi dea nomonome la bɛl baa dɛ yerɔ Jaerɔs ba bela dɛ ba na Yeesu, dɛ ɡuŋi o sie dɛ lawɛ o nakpala,

2 Koranar 17:36

Hé tomɛ men Korowii maa cheɡɛ n kpeɡri ne nyokpowe-ɛɛla ta, dɛ kpɔ heyaa le Ijipt harɛ ta la ɡbosoo. N ɡbosoo chɛ kɛ hé tomɛ, dɛ́ kpo kwaa ɛ sarahare tɛ mɛ.

We-ɛɛla 13:27

Jerusalam tena ne ba nomonome ta jemɛ kɛ Yeesuu nɛwɛnyini Lɛɛ la. Korowii waa o keamere aa chwera asɛ ba kure dɛɛ baɡ ba Ona Tɔpera bwa ta la, dɛ baa a mun no. A waa ba bol o waa dɛ pao bolchɔɡe, dɛ kpoo ɡɛ Korowii keamere aa baɡla ŋɔ baa ɛo la.

Daneɛl 7:10

Asɛ nii do kɛŋɔ moo dɛɛ palɛ o sie. Nɛra kaɡboŋa bele kaɡboŋa ɛɛ tomɔ, nɛra kaɡboŋa fi bele kaɡboŋa fi ɡe che o sie. Saŋ telo kɛŋɔ nɛra so dɛ bol ba waa dɛ́ pa bole, asɛ ba pili tɔne.

Yela 45:11

He wer ɡelɔ kooro bambile do he nɛ, dɛɛ duuru, dɛkalkɛ he dɔɔree on.

1 Jɔn 5:21

N bidɛɛɡa, hé nyiŋi he te kɛrɛdɛ dɛ́ laa he te kpɔ komɛlbwa waa wola Korowii tenten ɛɛ la ta.

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

Ɛfesos 5:15

Anomanta, hɛ́ɛ nyiŋi he soɡa bini kɛrɛdɛ dɛ́ ɛ wejerema dɛ bɛ ɡɛn.

2 Kɔrent 8:7

He dɛ ɛ waa Yeesu waa bwa ta, yarada ta, waa bola ta, wejema ta, ne nyina haa dɛ nyin nɛra chae ta, ne nyina haa dɛ nyin yaa la ta. Anomanta, ya dɛ nyin kɛ hɛɛ ɛ waa kwaa kɛɛ ɡe ta.

Amanesoma Mak Aa Chwera Tɔn 7:25

Belaa haah bɛl kwaa aa dɛ ir o bihaah nɛɛ no Yeesu waa dɛ ba ɡuŋi o sie,

Ɛfesos 5:33

Anomanta, he bɛlbwa takapɔ dɛ́ nyin o haah kɛŋɔ o ɡbaɡba, háah ɡe kpɔ duure dɛɛ tɛ o jaa.

Daneɛl 2:46

Ate, Kooro Nebukadnesa kpɔ sie pi harɛ dɛ kpɔ duure tɛ Daneɛl. Dɛ ŋɔ bá ɛ saraha dɛ fuh konsɔɔhsoma tɛ Daneɛl.

Wepila 1:1

Waa nɔ aa lɔ tɔn nɔ bini nɔ, Korowiirii kpɔa baɡle Yeesu Kristo, ásɛ o kpɔ baɡle o bonɔɔna ne toli bá won jemɛ wa aa dɛ ba ɛɛ taraken. Yeesu Kristo ɡelɔ nyundua torome bɛl ba o bonɔɔ Jɔn be dɛ ba baɡlo a wa.

Wepila 19:9

Anee nyundua torome la ŋɔ n be ŋɔ, “Chwerɛ waa nɔ bil. Nɛra baa yer ba ŋɔ bá ba di Pebie la hanfale kwaa la na som,” dɛ́ berɛ ŋɔ, “Korowii wobolee, a ɛ kasinteŋ.”