Wepila 19:1 - mzwDBL

¹ A habɔɔ la, n no waane Korowii doa kɛŋɔ nɛnlaa tenten ɡbɔɡa baa si, “Hé kpɛɛ N Naa Korowii! Onee lɛ nɛwɛnyina, on chɛ jirima, on dɔ kpeɡri bwa,

Wepila 19:1 ပူးပေါင်းရင်းမြစ်များ

1 Webena 29:11

Henee kana dɛ do kpeɡri, dɛ dɔ jirima dɛ dɔ sɔn kohona, dɛkalkɛ kwaa aa lɔ nyundua ne harɛ bwa ɛ he kwa. Henee dɛɛ di kora, dɛ ɡwaa nomɛlbwa.

Yela 104:35

N Naa Korowii, n dɛ soŋe kɛ he chɔɡ wechɔɡ-ɛɛra le harɛ nɔ ta, nyubinikpeɡ tena bɛ le do kpa. N dɛ kpɛɛ Korowii n bambile bwa ne! Hé kpɛɛ Korowii.

Yela 106:1

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

Yela 111:1

Hé kpɛɛ Korowii! Mɛɛ jam Korowii n bambile bwa nee, o nɛnlaa baa chema bini.

Yela 115:18

Kɛ yan ya taa soɡe le nɔ te, yaa kpɛɛroo le fini ne saŋ bɛlbwa dɛɛ la. Hé kpɛɛ Korowii!

Yela 146:1

Hé kpɛɛ Korowii! N wee, kpɛɛ Korowii!

Yela 148:1

Hé kpɛɛ Korowii! He kpɛɛ Korowii le nyundua, kwaa haa lɔ o be nyundua la.

Yela 149:1

Hé kpɛɛ Korowii! Hé ɡo yelfale tɛ Korowii! Hé kpɛɛro bela o nɛra ba wa aa toɡra aa wara dɛ cheme!

Yela 150:1

Hé kpɛɛ Korowii! Hé kpɛɛ Korowii o Dea bela! Hé kpɛɛro, o kpeɡri waa dɔa nyundua wa!

Yela 3:8

N Naa Korowii, henee dɛɛ lɛ nɛra, swee andɛɛɡa tɛ he nɛra.

Yela 62:11

N noɔ Korowii aa bola keraŋwɛnɛ bwa kɛŋɔ onee dɔ kpeɡri,

Jeremia 51:48

Belaa koŋkwaa aa lɔ nyundua ne harɛ ɛɛ ba silɛɛ lɔŋɔre doe Babelɔn wa, dɛkalkɛ nɛra dɛ ba weekaŋle nyunduabɔr lee dɛ́ ba yoo dɛ́ chɔɡo.

Jona 2:9

Kɛ n te, mɛɛ jaame yel nee, anee dɛɛ ba saraha ɛɛ. Nyoo maa baɡa bwa, mɛɛ chuɡraa. Korowiirii dɛɛ lɛ nɛwɛnyini.”

Matiu 6:13

Dɛɛ ke yaa wechɔɡa luɡri ta. Le yaa musu ta. He kora dii, ne he kpeɡri, ne he jirima ta jaɡa dɔe bwa. Aamen.’

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 12:10

N berɔ no takpeɡ bɛl Korowii doa o ŋɔ, “Taraken N Naa Korowii lɛɛ waa dɛ ba dɛ́ ba lɛ nɛra la telo. O kpeɡri ne o kora dii saŋ telo. Taraken o Kristo waa tomɔ ó ba lɛ yaa la lɛ kpeɡri dɛɛ di, dɛkalkɛŋɔ naate waa chɔɡ yabala dɛɛ tɛ Korowii saŋ bɛlbwa la, Korowii kpɔɔ ta.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.