Wepila 18:6 - mzwDBL

⁶ O chɔɡra, hé ɛo ɡɛ o fa aa ɛa la. Hé bɔɔ o tonchɔɡa la kem kera anɛ. Sen la o yon ɛ tɛ nɛra bá nyɔ dɛ́ɛ dɛɛ la, hé ɡe ɛ ane tɛo á do kpeɡri ɡwaa ɡɛ kera anɛ ó ɡe nyɔ.

Wepila 18:6 ပူးပေါင်းရင်းမြစ်များ

Yela 137:8

Babelɔn tena, ɡɛ haa kpɔa ɛ yaa nɔ, Korowii swee andɛɛɡa tɛ nɛra baa bá bɔ heya a kem.

Yela 28:4

Tɛr ba deŋne ba we-ɛɛla, ne ba wechɔɡa baa ɛa wa. Bɔ ba kem ba we-ɛɛla baa ɛa bwa wa, ɡɛ aa chɛa.

Aesaya 40:2

Hé bol bansɔɔh waa baɡle Jerusalam tena dɛ́ ŋɔ, ba weweele baa naa kohona teŋo, ba bɔ ba wechɔɡa kem tonɛ. Ba dɔ ba wechɔɡa bwa deŋnetɛra kohona, dɛ le men Korowii be.”

Aesaya 61:7

He sihiih ne ncho haa dia bwa tonɔ. Hɛɛ so he ɡbaɡba harɛ taa ásɛ he kondɔɔh warɛ kohona, he silɛɛ aa jaɡaa dɔ.

Jeremia 16:18

Dɛ wɛɛ bɔ ba kem bele anɛɛ, ba nyubinikpeɡ ne wechɔɡa baa ɛa la wa, dɛkalkɛ ba teŋɛ voɡare waa kia aa wola mkpa dɔe nɛ, a su harɛ la bwa dɛ kpɔ doŋa kaoh.

Jeremia 17:18

Gel sihiih kpo nɛra baa cheɡɛ n nɛ, kɛ bɛ ɡel sihiih kpo mɛ. Gel ɔmee laɡ ba kohona, dɛ laa ɔmee kohona kpɔ n nɛ. Gel ba na he sibeɡra tɔpere la, dɛ́ chɔɡ ba, dɛ́ berɛ chɔɡ ba ja.”

Jeremia 50:15

Hé pa mun ka yo bwɛjen Babelɔn tena dɛɛ do laa lɔŋɔre, Babelɔn tena sɛoh dɛ ba ba te ne harɛ, ba dekpeɡa ne danjwɛɛre bwa kuuɡo. A ɛ kembɔr men Korowii aa kpɔa dɛɛ tɛr ba deŋne, bɛlbwa ɡe tɛr ba deŋne bɔ kem. Hé ɛɛ ba ɡɛ tenten baa ɛ ba bala la.

Jeremia 50:29

“Hé yerɛ nɛra baa jemɛ hɛma tae bwa bá ba yo Babelɔn tena. Hé bar bwɛjen la cheme, he bɛ ɡel bɛlbwa dɔ bɔr chwa le. Hé bɔ ba kem ɡɛ ba we-ɛɛla aa doa, ɡɛ baa kpɔa ɛ ba bala la, dɛkalkɛ ba vɛh men Korowii, Israel Nɛŋɡoroŋ la.

Jeremia 51:24

He siwi taa mɛɛ ba bwɛjen Babelɔn ne nɛra baa soɡe Babelɔn harɛ ta kem bɔe, wechɔɡa baa ɛa Jerusalam la wa. Men Korowiirii bola.

Jeremia 51:49

A chɛ kɛ bwɛjen Babelɔn paɡre, kpoora baa kpoo Israel tena dɛ kpoo harɛ nɔ ta nɛra la ɡe wa. Men Korowiirii bola.”

Wiile 3:64

N Naa Korowii, tɛr ba deŋne ɡɛ aa chɛa, ba waa baa ɛa la wa.

Sekaria 9:12

Hé berɛ ba kaa, he nɛra baa lawɛ heyaa kaa bojaŋ harɛ ta, taraken he dɔ hwɛɡa, hé berɛ ba kaa he harɛ bosɔɔhna aa lɔ o ta. Taraken n dɛ ŋɔ he be, mɛɛ tɛ heyaa anɔ la haa paŋa la bele anɛɛ.

2 Timoti 4:14

Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Wepila 17:2

O ne harɛ nɔ ta koranar bwa di sɛm. O wedoŋa la ɛo kɛŋɔ sen, asɛ o kpɔ tɛ harɛ nɔ ta nɛra ba nyɔ dɛ dɛɛ.”

Wepila 17:4

Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”