Wepila 18:23 - mzwDBL

²³ Kandea bɛlbwa aa belaa chaah kpa. Baa hanfala ne ba jaranar taa no bela bwa. He bonadiire ɛ nɛnjena ba dɔŋa aa wola toole harɛ nɔ ta bobɛlbwa. He wono berɛ harɛ nɔ ta nɛra bwa liire, ba nyoɡre kɛŋɔ baa kpɔ tɛɡchɔɡa dɛɛ berɛ nɛn liire la.

Wepila 18:23 ပူးပေါင်းရင်းမြစ်များ

2 Koranar 9:22

Kooro Joram aa na Kooro Jehu la, o bɔɔro ŋɔ, “Kooro Jehu, a somaa?” O chaŋe ŋɔ, “Ɛrɛɛ deŋnesɔɔhna ɛɛ ba wona do le nɔ? He nya Jɛsɛbɛl ɡelɔ nomɛlbwa ɛɛ tomɛ voɡa dɛɛ ɛ sɔm we-ɛɛla.”

Job Tɔn 21:17

Korowii ɡelɔ nyubinikpeɡ tena piɡri dɛɛ sewaa? Wekpeɡa toolo dɛɛ ba ba nɛ aa? Korowii baah diu o tɛr nɛnchɔɡe deŋne bwa naa?

Sɛɡla 24:20

Wechɔɡ-ɛɛ ta hwɛɡa bɛlbwa dɔe kerekere, wobɛlbwa toole o sie dawɛ a ta.

Aesaya 23:8

Umee ɡela ɡɛ waa nɔ chiɡ Taaya ɔ? Kondɛɛɡa bwɛɛ o bonadiire aa beɡre koobii dɛ dɔ nyanyini harɛ nɔ ta bwa laanee nɔ naa?

Aesaya 47:9

Gɛ webele anɛ nɔ ɛɛ piɡri tɔpebeŋkpoŋii. Ane he kaberere bwa, hɛɛ di bisewee, he jaa sewɛ.

Jeremia 16:9

Anomanta, no waa men Koranar Bwa Kooro, Israel tena aa dɛ tom mɛ la aa dɛ bol. Mɛɛ ɡeloo hɛɡra ne silɛɛ ɡbɔɡa, dɛ hanfalwaa mun chema dɛɛ lɛ sie bwa ba a jaɡa. Nɛra baa lɔ bonɔ ɛɛ na ɡɛ waa nɔɔ, á ɛ ba siwi ta.

Jeremia 25:10

Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna.

Jeremia 7:34

Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”

Neehum 3:4

A bwa cheɡɛ Niniwe tena baa do kɛ hanjwamane la pɛlchɔɡa ta. Ba cheɡɛ voɡra nɛɛ dɛ ɡel nɛra pɛla do ba nɛ. Ba kpɔ jwamane ŋwɛnɛ ta dɛ lawɛ harɛre nɛra kɛrɛdɛ yoma, ne sɔm ŋwɛnɛ ta, dɛ lawɛ nɛra bane ɡe.

We-ɛɛla 8:11

Seemɔn soɡe bela biɡri. O bela soɡa la saŋ bebeewaa waa ɛa la ta wekokori ɛɛ, anomanta, ba ta kane so dɛ cheɡ deŋne no o be kɛrɛdɛ.

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 17:2

O ne harɛ nɔ ta koranar bwa di sɛm. O wedoŋa la ɛo kɛŋɔ sen, asɛ o kpɔ tɛ harɛ nɔ ta nɛra ba nyɔ dɛ dɛɛ.”

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.

Wepila 18:22

Baa nɛra baa dɛ lɔ janjela, ne banɔ la baa dɛ hoh kalipere ne bɛle, ne komɛlbwaa na he bini kpa. Gɛɛ baa wola nɛra baa dɛ sɛh kwa, ne nɛra baa dɛ sɔh kwa, ne banɔ la baa jemɛ toma bwa soo siwi he binii na kpa. Baa nambwe ɡe sii no bela kpa.

Wepila 18:3

dɛkalkɛŋɔ o ɡelɔ harɛ ta nɛra bwa wedoŋa ne ba pɛlchɔɡa dɛɛ ba kɛŋɔ sen, asɛ ba waa fuh Korowii baah. Harɛ nɔ ta koranar ne o bɔ jwamane. O kondɔɔh kwaa nyina kohona nomanta, harɛ nɔ ta bonadiire cheɡɛ o nɛɛ dɛ dɛɡ.”

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.

Wepila 21:8

Kɛ ɔmeera ne nɛra baa wola men yarada, ne nɛra baa dɛ ɛ waa maa kia, ne nɛra baa dɛ kpoo nɛra, ne nɛra baa dɛ bɔ jwamane, ne nɛra baa dɛ ɛ bebeewa, ne voɡtoroma dɛ nyosonteŋna. Ba bwa bɔree nii ne jebɔrɔwe aa yɛɛra chɔ kɛŋɔ moo dɛɛ fuh la ta. Anee seo nɛɛtena la.”

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Wepila 22:5

Bɔr aa belaa dɛɛ jo, baa kandea ne weeree hiah, dɛkalkɛ N Naa Korowii ɛɛ dɛɛ chaah ba nɛɛ, ásɛ baa di koraa saŋ te bɛlbwa.

Wepila 6:15

Harɛ koranar ne nɛnjena, ne soojare nomonome, ne dɔɔhna, ne bokpeɡa tena, ne nɛn te bɛlbwa, banɔ la baa ɛ yoma, dɛ banɔ la baa wola yoma ɛɛ bwa chwa ka sɔh bwebɔɔne ne bwetala aa lɔ bwejena ta lɔɡre,

Wepila 9:21

Ba ta ba liire charɛ ba nɛŋkpoa ne sɔm we-ɛɛla ne jwamane ne ŋwɛɛ ta.