Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wepila 18:22 - mzwDBL

22 Baa nɛra baa dɛ lɔ janjela, ne banɔ la baa dɛ hoh kalipere ne bɛle, ne komɛlbwaa na he bini kpa. Gɛɛ baa wola nɛra baa dɛ sɛh kwa, ne nɛra baa dɛ sɔh kwa, ne banɔ la baa jemɛ toma bwa soo siwi he binii na kpa. Baa nambwe ɡe sii no bela kpa.

အခန်းကိုကြည့်ပါ။ ကော်ပီ




Wepila 18:22
10 ပူးပေါင်းရင်းမြစ်များ  

Bɛ ɡel ba kpoŋe bie tea a ɡɛ jwaana la ta, bɛ ɡel silɛɛ ɡbɔɡa bɛlbwa le o ta.


Berɛ lii mɔɔ saŋ tel ba tɔɔɡe doonyoo aa lɔ fɔɡbaahna ɡbeni, ásɛ manikare aa dɛ namɛ kwaa ɡel sii, ásɛ mɔɔ jumbii sii ɡel nɛra ir dom ta, kɛɛ yela ɡoe ɡbɔɡa bwa ba a jaɡa,


Korowii berɔ ŋɔ, “Bwɛjen Sidon haa wera kɛŋɔ bitolo waa wola baa jemɛ, taraken he chɔɡɔ! Silɛɛ aa lɔ he ta la bwa toole kpa. Ir dɛ́ kaa Saepros harɛ ta, hale bela ɡba haa ona dɔe ba.”


Anomanta, no waa men Koranar Bwa Kooro, Israel tena aa dɛ tom mɛ la aa dɛ bol. Mɛɛ ɡeloo hɛɡra ne silɛɛ ɡbɔɡa, dɛ hanfalwaa mun chema dɛɛ lɛ sie bwa ba a jaɡa. Nɛra baa lɔ bonɔ ɛɛ na ɡɛ waa nɔɔ, á ɛ ba siwi ta.


Wɛɛ ɡeloo ba silɛɛ ne ba hanfalwaa ɡbɔɡa bwa ba a jaɡa. Nɛra aa mea baa dɛ nama nambwe ta ɡbɔɡaa no, kɛɛ dɛ na kandere chaahna.


silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”


Harɛ la ɛɛ berɛ pua hɛŋle ɡbo harɛɛ. Mɛɛ laa silɛɛ ɡbɔɡa te bɛlbwaa kpɔ Juda ne Jerusalam fɔɡbaahnaa, hale ba hanfalwaa silɛɛ bwa. Dɛkalkɛ harɛ la ɛɛ berɛ dimɡbiaa.”


Mɛɛ ɡeloo he yela ne janjela sii bwa ba a jaɡa. Bɛlbwa aa a waa no kpa.


Belaa Yeesu jo cheremi dea nomoa la dem. Waa na ɡɛ nɛra aa dɛ hoh kalipere ne nɛra baa dɛ ɛ lwe la aa dɛ do ɡbɔɡa la,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ