Wepila 18:20 - mzwDBL

²⁰ Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 18:20 ပူးပေါင်းရင်းမြစ်များ

Yela 107:42

Nɛra ba wa aa toɡra nao ba sie lɛ, kɛ nyubinikpeɡ tena te, ba helɔ.

Yela 109:28

Baa taah mɛɛ, kɛ hɛɛ swee mɛ andɛɛɡaa. Ba dɛ yoo mɛ naa, hɛɛ ɡeloo sihiih kpo ba, ásɛ men maa ɛ he bonɔɔ nɔ sie lɛ.

Yela 18:47

Korowiirii tɔ n wel tɛ mɛ, o kpɔ harɛre nɛra do n nɔn ta.

Yela 48:11

Nɛra haa lɔ Saayɔn Bwejen doa, hé ɡel he sie lɛ. Juda harɛ bwɛjeɡre tena ɡe sie lɛ, kɛ haa dɛ pa bole aŋwɛnɛ ta.

Yela 58:10

Nɛra ba wa aa toɡra sie ɛɛ lɛo kɛŋɔ wechɔɡ-ɛɛra aa dɔ deŋnetɛra, baa valɛ ba chal taa.

Yela 94:1

N Naa Korowii, henee dɛɛ tɛr nɛra deŋne, ɡel ba na he bandia.

Sɛɡla 11:10

Nɛn o wa aa toɡra dɔ kɛrɛdɛ naa, bwɛɛ la tena bwa sie dɛ lɛ, kɛ dɛ nɛnchɔɡe baa sewaa, bɛlbwa dɛ mamɛ.

Aesaya 26:21

Hé no! Korowii le o dobɔr nyundua dɛɛ ba, dɛ́ ba tɛr nɛra baa lɔ harɛ ta deŋne ba wechɔɡa wa. Harɛ ɛɛ le nɛra baa sɔah kpoo nɛra laanee tɛ, waa ban kpɔ sɔh kpa.

Aesaya 44:23

Kwaa aa lɔ nyundua, hé ɡo silɛɛ yela. Komɛlbwa aa lɔ harɛ ta ɡe, hé ɡo hɛɡra yela, hale bwejena ne kɔr bini daa bwa. Dɛkalkɛŋɔ Korowii lɛ Israel tena, dɛ baɡle o jirima waa dɔa.

Aesaya 49:13

Kwaa aa lɔ nyundua, hé do lɔŋɔre silɛɛ ne, kwaa aa lɔ harɛ ta ɡe, hé hɛɡre! Bwejena ɡe ɡo silɛɛ yela. Korowii ɛɛ larawe o nɛra bwaraa, wɛɛ dɔ tedomaa tɛ wahala tena ɡe.

Sefania 3:15

Korowii ɡel he deŋne tɛra, dɛ le he dɔma bwa ne. Korowii waa ɛ Israel kooro la ja he nɛ. Komɛlbwa toole he ɔmɛ kpa.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

Ɛfesos 3:5

Korowii fa ta o wesɔɔhla bini pile baɡle saŋ la tena. Kɛ taraken o Domadɛɛɡe baɡle o nɛra baa ɛ o toromedɛɛɡa ne o keamedɛɛɡa la be,

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Mmarare 32:42

N hɛma ɛɛ jo ba chal taa, ásɛ n tokobii ɡe kpoo banɔ la baa dɛ tɔ mɛ ŋwɛnɛ. Maa nomɛlbwa waa cheɡɛ n nɛɛ ɡel, banɔ la baa do ba bola, ne banɔ la baa laɡ ba bwa ɛɛ sewɔɔ.’

2 Pita 3:2

N dɛ nyin kɛŋɔ he lii waa Korowii keamere la fa aa bola a saŋ la, ne waa Yeesu toroma la fa aa ŋɔa ya Dɔɔ waa ɛ ya Lɛɛ la ŋɔ hé ɛ la.

Tɔn Jud Aa Chwera 1:17

N dandɛɛɡa, hɛ́ɛ lii waa ya Dɔɔ Yeesu Kristo toroma la fa aa bol he be la.

Wepila 12:12

Anomanta, Korowii doa tena, hé ɡel he sie lɛ. He banɔ la haa lɔ harɛ ta ne mpo ta ɡe la, hé bwɛɛlɛ, dɛkalkɛŋɔ Baradeɛre Te la tuo ba he be. O baah diu kɛrɛdɛ, o jemɔ kɛ o tɔpere aa kanɛ kpa.”

Wepila 18:6

O chɔɡra, hé ɛo ɡɛ o fa aa ɛa la. Hé bɔɔ o tonchɔɡa la kem kera anɛ. Sen la o yon ɛ tɛ nɛra bá nyɔ dɛ́ɛ dɛɛ la, hé ɡe ɛ ane tɛo á do kpeɡri ɡwaa ɡɛ kera anɛ ó ɡe nyɔ.

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

Sitɔɔla 5:31

N Naa Korowii, ɡel he dɔma bwa serewe, Kɛ nɛra baa dɛ nyini la, ɡel ba dɔ kpeɡri kɛŋɔ wee yon le kpeɡri nɛɛ la.” Ate, deŋnesɔɔhna ba harɛ la ta bene fifraanaarɛ.