Wepila 18:2 - mzwDBL

² O nyɛɡɔ kohona ŋɔ, “O paɡrɔ oo, o paɡrɔ! Babelɔnjen la paɡrɔ, dɛ berɛ kwaa aa dɛ ir nɛra nɛɛ ne Bɔnsam kwaa te bɛlbwa ne jumbisale baa kia la dobɔr,

Wepila 18:2 ပူးပေါင်းရင်းမြစ်များ

Aesaya 14:23

Mɛɛ ɡeloo bela berɛ kataŋa ne kwiure dobɔr, dɛ́ ɡbaa bela bwa ó chɔɡ. Men Koranar Bwa Kooroo bola.”

Jeremia 25:30

Hen Jeremia, bol n waa la ba be ŋɔ, ‘Korowii dɛ kɔɡre kɛŋɔ nyujente dɛ le nyundua dɛɛ ba. O taa do kɛŋɔ bwaala kɔra, dɛ le o soŋnibɔr waa do ɡoroŋ bela, dɛɛ nyɛɡ o nɛra baa lɔ o harɛ nɔ ta nɛ. Wɛɛ tiɡri ba nɛɛ kɛŋɔ ba yon dɛɛ tiɡri ɡrepo daa nɔna la ken.

Jeremia 51:37

Babelɔn dɛ ba paɡra dɛ́ berɛ dimɡbia ne kalampoŋare sobɔr, dɛ́ berɛ kon nɛra aa na ba bambile teŋe baa mamɔ, nomɛlbwa aa won so bela.

Jeremia 51:8

Babelɔn ɛɛ piɡru paɡre dɛ́ chɔɡ. Hé wi dɛɛ tɛ o nɛra! Hé nyin noo aa ɛ tɛɛɡa do ba ŋwɛra ta, a ken ɛɛ ɡeloo bá dɔ bokpeɡa.

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Sefania 2:14

Peera ne nae dɛ ola bwa soo siwi ɛɛ kpɔ belaa berɛ a chɔɔbɔra. Kwiure kpɔ o dimɡbeeni berɛ a sobɔra, a sii ɛɛ le a tokorore taa, ásɛ ɡaahɡaahre ɡe ɛɛ si a doonyoo. Peleme daa baa kpɔa ɛ doli dawɛ deene la ta la bwa chɔ baŋ.

Wepila 1:15

O nakpale ɡe swɛɛrɔ kɛŋɔ baa kpɔ ayaawa do nii ta wɛɛ nyɛɡle la. Asɛ o taa ɡe do kɛŋɔ chuubu aa dɛ si la.

Wepila 10:3

dɛ si kpeɡri nɛɛ kɛŋɔ nyujente yon dɛɛ si la. Waa sia la, bwaala kɔra anuanɛ la ɡe sɛoh.

Wepila 11:8

ásɛ ba lala chɔ bwɛjen la ba fa aa kpo ba Dɔɔ daɡaɡre ta la fɔɡbaah. Baa wonoo dɛɛ yerɛ bela Sodom, dɛ́ berɛ won dɛɛ yerɛ bela Ijipt.

Wepila 14:15

Anee nyundua torome bɛl le Korowii Dea bini, dɛ kpɔ takpeɡ ŋɔ onɔ la waa soɡe bam ta la be ŋɔ, “Kpɔ he kere la dɛ́ komɛ. Kwaa koma saŋ telo. Harɛ ta kondikwaa beɔ ne koma.”

Wepila 14:8

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”

Wepila 16:13

N berɔ na kwaa aa dɛ ir nɛra nɛɛ atoro a do kɛŋɔ sapone ken, bɛl le kontuuɡi damanta la nyoa, anɛ aa kaa la ɡe le olchɔɡe la ne keamechɔɡe la nyoa bini.

Wepila 16:19

Bwɛjen la peɡri atoro, asɛ harɛ nɔ ta bwɛɛre bwa paɡre. Korowii lii Babelɔnjen tena wechɔɡa la wa, dɛ ɡel ba nyɔ o danana nee a nyoa aa kpeɡa kohona kɛŋɔ seŋkpeɡa la.

Wepila 17:18

Haah la haa nao la cheɡɔ tɛ bwɛjen la waa dɔ harɛ nɔ ta kora bwa la.”

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.

Wepila 18:10

Baa che bojaŋee, dɛkalkɛŋɔ baa ɔmɛ o hɔhɔrɔwa waa dɛ na laanee dɛ́ɛ ŋɔ, “Akwe! Akwe! Bwɛjen Babelɔn la o tena fa aa dɛ di kpeɡri ɡa la, waa puu kerabeŋkpoŋ o paɡre.”

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.

Wepila 5:2

N na nyundua torome bokpeɡa te bɛl wɛɛ bol waa takpeɡ ne ŋɔ, “Umee ń dɔ ó laa kwaa baa kpɔa marɛ tɔn la kera anuanɛ la swe, dɛ́ pilu wɔ?”