Wepila 18:13 - mzwDBL

¹³ ne konsɔɔhsoma bwa soo siwi, anɔ la baa dɛ fuh, ne anɔ la baa dɛ fɔɡle, ne sen, ne noo, ne mendɛɛɡa, ne mea, ne nae, ne peera, ne jaɡre, dɛ torɔɡore ba yon vɔwɛ pɛl la. Ba yoɡ nɛra ɡe kɛŋɔ kondɛɛra ken.

Wepila 18:13 ပူးပေါင်းရင်းမြစ်များ

1 Koranar 10:10

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

1 Koranar 10:15

Anɔ la waa dɔa dɛɛ le bonadiire ne kon-yoɡra ne Arab harɛ koranar dɛ nomonome baa chɔ harɛre nyoo be te ta jae.

1 Koranar 10:25

Benanyoa bɛlbwa ba dɛ ba o be naa, koŋkɛɛla aa ɛ kwaa baa kpɔ suuɡapoŋa ne suuɡaswɛm ɛa, ne batakaani ne dɔmkwa ne konsɔɔhsoma ne jaɡre, dɛ keeɡoree ba kpɔ baa tɛo.

1 Webena 5:21

Ba lawɛ Haɡri tena kondɛɛra bwa kaa. Nyoɡmare lɔ kaɡboŋa fifraanue, ne peera kaɡboŋa lafraanɛ fifraanue, dɛ keeɡore kaɡboŋa anɛ. Ba lawɛ nɛra kaɡboŋa lafa laa la ta,

2 Webena 9:9

O kpɔ suuɡaswɛm a tɔɡre aa ɡwaa kilore kaɡboŋa anaarɛ, ne konsɔɔhsoma aa wara pirim, dɛ bwedɛɛɡa a yoɡ aa kpeɡa tɛ Kooro Solomɔn. Seeba kooro waa ɛ haah konsɔɔhsoma waa kpɔa ka tɛ Kooro Solomɔn kan aa doa la, nomɛlbwa ta a dɔŋa ne balɛ ɡɛ bwa.

Nehemia 5:8

dɛ ŋɔ ba be ŋɔ, “Ya lɛ ya bala Juu tena baa yoɡ ba te tɛ nɛra baa wola Juu tena ɛɛ. Taraken he ɡe berɔ ɛɡre he ɡbaɡba nɛra ba yoɡ ba te dɛɛ tɛ yaa!” Ate, nomonome la hel, dɛkalkɛ ba ta wobɛlbwa dɔe dɛ́ bol.

Kaala 21:16

Nomɛlbwa waa ɡuɡri o dɔŋ dɛ lawɔ ka yoɡ, kɛɛ dɛ o ta lɔ o nɔn ta ba lawɔ waa, kpoe chɛ kɛ bá kpoo.

Sɛɡla 7:17

Dɛ kpɔ korobo ne konsɔɔhsoma bwa soo siwi merɛ o ta.

Yelsom 1:3

He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.

Yelsom 3:6

Bɔkwaa le pua hɛŋle ɡbo harɛ ta, dɛ le chuu dɛɛ kaa nyundua a sɔɔh do som, kɛŋɔ daawiile ne korobo bonadiire aa dɛ yoɡa nɔɔ?

Yelsom 5:5

N iro ŋɔ n yao ɡbera, n nonie ne n nɔɔra bwa maa korobo, ɡɛ saŋ maa lawɛ ɡbera la koŋkare kon la.

Aesaya 50:1

Korowii ŋɔ, “He dɛ lii kɛŋɔ doŋaa n doŋi n nɛra ta, kɛŋɔ baa aa vɛh o haah la kɛɛ? Dɛ ɡɛɛ yaa, leperaa tɔn maa chwera a baɡle kɛŋɔ n vɛoh la dɔɔ? He dɛ lii kɛŋɔ, baa lawɛ heyaa laa ta kaa bojaŋ harɛre ta la, yoɡaa n yoɡ heyaa kɛ yoma kɛɛ? Hé no, he wechɔɡa waa a ba ɡɛ, a do kɛŋɔ n vɛh heyaa la.

Ɛsekeɛl 27:13

Bonadiire baa le Tubal ne Mɛsɛk dɛ Grik tena harɛre, kpɔ kwaa baa kpɔ ayaawa ɛa ne yoma ba charɛ he laala.

Emɔs 2:6

Korowii ŋɔ, “Israel tena teŋɔ dɛɛ ɛ wechɔɡa, a chɛ kɛ ń tɛr ba deŋne a wa. Ba yoɡ nɛra ba wa aa toɡra, dɛ di kema baa wola won bɔ la. Ba lɛ suuɡapoŋa ba ka ɛ yoma, dɛ yoɡ nyaara baa di kema, kema la suuɡa aa wola won yawɛ naŋɡawa ɡba.

Emɔs 6:6

He dɛ nyɔ numojena ne sen, dɛ kpɔ konsɔɔhsoma aa wera dɛɛ ɛ he te, kɛ haa chɔɡa Israel aa dɛ ba chɔɡa te waa wi.

Emɔs 8:6

dɛ́ kpɔ suuɡapoŋa aa wola naŋɡawa ɡba yoɡ tele yawɛ nyaara yoma, dɛ́ kpɔ yoɡ dawɛ mea ta.”

Mmarare 24:7

Nomɛlbwa waa lawɛ o dɔŋ bokpeɡa ne, dɛ ɛo o yom kɛɛ dɛ yoɡu he na la, o chɛ kɛŋɔ hé kpoo, ásɛ ɡɛ wechɔɡa la le Israel harɛ ta.

Mmarare 28:68

Wɛɛ berɔɔ kpɔ heyaa do stiimaere bini, dɛ́ kaa he ne Ijipt harɛ ta. Kɛ onee fa ŋɔ he be ŋɔ haa belaa tire kpa la. Ásɛ he yoɡ he te tɛɛ ba kɛŋɔ yoma ba vɛh he yawa.”

1 Timoti 1:10

ne jwamane tena, ne baala ba ne ba bandɔŋa aa dɛ chɔ haah ne baa, ne nɛra baa lawɛ nɛra dɛɛ yoɡ ba kɛ yoma, ne nyosonteŋna, ne nɛra ba yon jemɛ kɛ nyosonee baa teŋe dɛ ɡarɛ dɛɛ ŋwɛɛ Korowii la, ne nɛra baa dɛ ɛ we-ɛɛla te bɛlbwa a ne webaɡla aa toɡra la aa wola kaa la, ba waa ba koh dɛɛ do mmara.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Wepila 18:14

Bonadiire la ɛɛ bol bwɛjen Babelɔn la waa ŋɔ, “Kwaa a pɛla aa dɔe la le he nɔn ta. He kondikondɛɛɡa ne kondɛɛɡa fuoh. Haa an na kpa bwa.”

Wepila 18:15

Banɔ la ba fa aa yoɡ a ɡɛ kwaa dɛ dɔ suuɡa a ta la ɛɛ che bojaŋee, dɛkalkɛŋɔ ba dɛ ɔmɛ hɔhɔrɔwa aa puu la, dɛɛ wiu dɛɛ dooɡe lɔŋɔre,