Wepila 18:11 - mzwDBL

¹¹ Ásɛ harɛ nɔ ta bonadiire ɛɛ wiu dɛ́ɛ dooɡe lɔŋɔre, dɛkalkɛŋɔ nɛn toole dɛ́ yawɛ ba kwaa kpa.

Wepila 18:11 ပူးပေါင်းရင်းမြစ်များ

Sɛɡla 3:14

a dɔ tɔnɔ dɛ ɡwaa suuɡapoŋ, a ɛ kondɔɔh ɡwaa suuɡaswɛm.

Aesaya 13:19

Babelɔn kora wer ɡwaa bwɛɛre bwa kora, bela tena kpɔɔ dɛɛ ta nyoa. Kɛ men Korowii, mɛɛ chɔɡ kora laanee kɛŋɔ maa ɛ Sodom ne Gomoora la.

Aesaya 47:15

Waa nɛra haa le he bechale saŋ dɛɛ la ba be baa jae la aa dɛ ba ɡela he na laanee. Bɛlbwa ɛɛ nyin bɔree dɛ́ chwa kaa, bɛlbwa aa lee do, dɛ́ lɛɛ.”

Ɛsekeɛl 27:9

Nɛmbena baa jemɛ stiimaere kwaara kɛrɛdɛ le Beblɔs, dɛ ja ba nɛ. Nɛra baa le bobɛlbwa dɛ kpɔ stiimae dɛɛ kpɔ mpo ta balɔ ba ne hɛɛ di bona.

Sefania 1:11

He nɛra haa soɡe bwɛɛ la yawa ta bɔr pera, hɛ́ɛ wi kohona, he bonadiire ne banɔ la baa dɛ peɡri suuɡapoŋa la bwa dɛ́ ba serewa.

Sefania 1:18

Korowii bwaawee Tɔpere la, ba suuɡaswɛm kɛɛ suuɡapoŋa aa won lɛɛ ba. O bwaawee dɛ ba harɛ nɔ bwa fuih kɛŋɔ nii ken. Nomɛlbwa waa soɡe harɛ nɔ ta waa ɛɛ ba a jaɡaa buɡ ta.

Matiu 22:5

A bwa pɛpɛrɛ nɛ, ba vɛoh dɛ kaa ba tomare ta. Bɛl kaa o koo, bɛl ɡe kaa o bonadibɔr,

Amanesoma Jɔn Aa Chwera Tɔn 2:16

dɛ kɔr banɔ la baa dɛ yoɡ borɔnomare la ŋɔ bá le a ne bela, dɛ ŋɔ ba bɛ o Mɛɛ dem kpɔ berɛ bonadibɔr.

2 Pita 2:3

Ba sibeɡra baa dɔa kohona nomanta, baa dɛɛ teŋe nyosonee ŋɔ waa baa chaɡle heya, dɛ́ neɡre heyaa dɛɛ di. Naate waa pa ba bolchɔɡe dɛɛ ba ba deŋne tɛra la, kpɔ o te dɛɛ kpaa ba saŋ bɛlbwa. Waa dom chɔ. Wɛɛ ɛɛ ba posaposa kenii.

Wepila 18:15

Banɔ la ba fa aa yoɡ a ɡɛ kwaa dɛ dɔ suuɡa a ta la ɛɛ che bojaŋee, dɛkalkɛŋɔ ba dɛ ɔmɛ hɔhɔrɔwa aa puu la, dɛɛ wiu dɛɛ dooɡe lɔŋɔre,

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 18:23

Kandea bɛlbwa aa belaa chaah kpa. Baa hanfala ne ba jaranar taa no bela bwa. He bonadiire ɛ nɛnjena ba dɔŋa aa wola toole harɛ nɔ ta bobɛlbwa. He wono berɛ harɛ nɔ ta nɛra bwa liire, ba nyoɡre kɛŋɔ baa kpɔ tɛɡchɔɡa dɛɛ berɛ nɛn liire la.

Wepila 18:3

dɛkalkɛŋɔ o ɡelɔ harɛ ta nɛra bwa wedoŋa ne ba pɛlchɔɡa dɛɛ ba kɛŋɔ sen, asɛ ba waa fuh Korowii baah. Harɛ nɔ ta koranar ne o bɔ jwamane. O kondɔɔh kwaa nyina kohona nomanta, harɛ nɔ ta bonadiire cheɡɛ o nɛɛ dɛ dɛɡ.”

Wepila 18:9

Harɛ nɔ ta koranar ba ne waa dɛ bɔ jwamane dɛɛ di ba bwara la, baa ba na o chuu kɛ o dɛ fuh la, baa wiu dɛ́ɛ dooɡe lɔŋɔre.