Wepila 17:8 - mzwDBL

⁸ Olchɔɡe la haa nao la, o siwi fa lole. Kɛ taraken te o siwi toole kpa. O dɛ ba teehna dɛ́ le Bɔnsam Bɔluŋ la bini, dɛ́ la Korowii ka chɔɡo. Nɛra baa lɔ harɛ nɔ ta Korowii aa wola ba sɔna chwerɛ do Mkpa Tɔn la bini nyundua ne harɛ mumpar bwa la, ba nyoa ɛɛ kpoo ɡɛ saŋ baa na olchɔɡe la kɛŋɔ o fa aa lole waa wola berɛ do le kpa dɛ berɛ le la.

Wepila 17:8 ပူးပေါင်းရင်းမြစ်များ

Yela 69:28

Gel ba fee ba sɔna le Mkpa Tɔn la bini, bɛ ba sɔna kpɔ ja he nɛra nɛ.

Daneɛl 11:45

A habɔɔ la, wɛɛ baŋre tɛnte dedɛɛɡa aa kana á ɛ o koodem, Mɛdetereenea Mpo ne bwejen bela Korowii Dea aa cheɡa la baah ta. Kɛ wɛɛ ba sewɔɔ, dɛ nomɛlbwa toole bela dɛ́ chao.”

Daneɛl 7:11

N ta aa dɛ nyiŋi la, dɛ nyeɡlejeɡa la dɛ bol mbarafo wobol. N nyiŋo ka tel kɛŋɔ baa kpo oljen waa teŋa naarɛ la, dɛ chɔɡ o ol, dɛ ɡɔɔ ta nii aa dɛ hɔ la ta.

Daneɛl 7:26

Nomonome ɛɛ soo dɛ́ bol o wa, dɛ́ laa kpeɡri waa dɔa la lɛ o be, dɛ́ chɔɡo kwaraa a tonɛ.

Daneɛl 7:3

Asɛ mpo bini oljena anaarɛ ɛɡɛ le mpo la ta, bɛlbwa korɛ o dɔŋ ta.

Daneɛl 7:7

A habɔɔ, n na oljen waa teŋa naarɛ. O ɔma o waa dɔ nyokpoa o do kpeɡri ɡe kohona. O nyena ɛ bune dɛ do kan, komɛlbwa waa lawɛ la, o dɛ di o ola, dɛ́ tiɡri o kabora do harɛ. O korɛ oljena la bwa bini, dɛ dɔ nyeɡlare fi.

Matiu 25:34

Belaa mɛɛ ba n ŋɔ banɔ la baa lɔ diɡ ta la be ŋɔ, ‘He banɔ n Mɛɛ aa swee andɛɛɡa tɛ heyaa la, hé ba di kora waa le harɛ mumpar dɛ kwaa cheɡ heyaa la,

Amanesoma Luk Aa Chwera Tɔn 10:20

He bɛ ɡel a do he som kɛŋɔ kwaa aa dɛ ir nɛra nɛɛ aa no he wobol nɔ. Waa aa chɛ kɛ hé koh a waa dɛ́ ɡel he sie lɛ laanee kɛŋɔ bá chwerɛ he sɔna nyundua ja Korowii bii nɛ.”

Amanesoma Luk Aa Chwera Tɔn 8:31

Anee kwaa la soŋe Yeesu ŋɔ o bɛ an doŋi ka ta bela baa dɛ ba wechɔɡ-ɛɛra bwa hɔhɔrɔwa doe la.

Amanesoma Jɔn Aa Chwera Tɔn 17:24

N Mɛɛ, henee kpɔ ba tɛ mɛ. N dɛ nyin kɛ ba ja n nɛɛ bela maa lole, ásɛ dɛ won na n jirima haa kpɔa tɛ mɛ. He tɔ sie nyin mɛ mɔɔ dɛ ta harɛ, a waa he tɛ mɛ jirima la.

We-ɛɛla 15:18

A saŋ la bwaa o ɡel nɛra na ɡɛ waa nɔ.’

Ɛfesos 1:4

Korowii felo dɛ le yaa tɛ o te saŋ la o fa aa wola harɛ ɡba tae la, dɛ ŋɔ o dɛ ba ɡela ya ne Yeesu Kristo pɛ yá won do kaih dɛ bɛ doŋa bɛlbwa dɔ o be.

Taetos 1:2

Korowii mkpa aa wola jaɡa dɔe la hwɛɡaa n dɔ. Korowii waa wola nyosone teŋe laanee baɡɛ ɡɛ mkpa nɔ nyoa bil mɔɔ dɛ ta komɛlbwa.

1 Pita 1:20

Korowii aa leo ŋɔ ó ɛ a ɡɛ toma nɔ, dɛ ba ta nyundua ne harɛ tae mɔɔ. Kɛ he waa o koh dɛ ɡel o ba harɛ nɛra nao, tɔpera aa ka mun nɔ ta la.

Wepila 11:7

Dɛ danseɛ tena la bol waa la tonaa, olchɔɡe bɛl ɛɛ le Bɔnsam Bɔluŋ la taa, dɛ́ ba yoo ba, dɛ́ pɔ ba nɛɛ dɛ́ kpoo ba,

Wepila 17:11

Olchɔɡe la o fa aa lole waa wola berɛ do le kpa la, o ɡe ɛ kooro nuatorote dɛ ja banuanɛ la nɛ. O dɛ ba kaala Korowii ka chɔɡo.

Wepila 17:2

O ne harɛ nɔ ta koranar bwa di sɛm. O wedoŋa la ɛo kɛŋɔ sen, asɛ o kpɔ tɛ harɛ nɔ ta nɛra ba nyɔ dɛ dɛɛ.”

Wepila 20:10

Ba lawɛ Bɔnsam waa neɡ ba la ɡe, dɛ ta bela nii ne jebɔrɔwe aa yɛɛra chɔ kɛŋɔ moo la, bela olchɔɡe ne keame nyosonteŋna la aa lole la. Baa na hɔhɔrɔwa chɔɔ ne jwaanaa aa wola jaɡa dɔe.

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Wepila 3:10

Haa noa tɛ mɛ, dɛ lawɛ bambile dɛ na wahala nomanta, mɛɛ lɛ heyaa le wahala aa dɛ ba harɛ nɔ ta nɛra bwa nɛɛ dɛ́ ba daah ba la ta.

Wepila 3:5

Naate waa won yo le la, mɛɛ tɔɔ yapoŋee kɛ ban. Maa o sɔnee fee le Mkpa Tɔn la bini bwa. Mɛɛ bol o waa n Mɛɛ ne o nyundua toroma la bee, kɛŋɔ n nɛnee on.