Wepila 17:4 - mzwDBL

⁴ Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.

Wepila 17:4 ပူးပေါင်းရင်းမြစ်များ

1 Koranar 14:24

Hale dɛ baala dɛ bɔ jwamane voɡare mune harɛ la ta. Juda harɛ ta tena jo kii we-ɛɛla bwa soo siwi nɛra ba fa aa lɔ bela dɛɛ ɛa mɔɔ Korowii doŋ ba le dɛ kpɔ tɛ Israel tena la ta.

2 Koranar 21:2

O ɛ wechɔɡa dɛ jo Korowii nɛ, dɛ teŋɛ harɛre nɛra baa tɔ sie ba so bela, Korowii aa doŋ ba le ba harɛre ta tɛ Israel tena we-ɛɛla baa ɛa Korowii kia la ta.

Ɛsra 9:11

he cheɡɛ he bonɔɔna baa ɛ he keamere la nɛɛ dɛ ŋɔ, ‘Harɛ haa dɛ kaa o ta ka so la, wechɔɡa ɡelɔ nɛra baa soɡe o ta chɔɡo. Ba kpɔ we-ɛɛla men Korowii aa kia ne wedoŋa su harɛ la bwa.

Aesaya 66:3

Gɛ nɛra la dɛ ɛ waa aa too ba tea. Ba kpo nao ɛ saraha tɛ mɛ naa, a do kɛŋɔ baa kpo nɛn ken, a do kɛŋɔ baa kpo nyoate. Gɛɛ nomɛlbwa waa ɛ mea saraha la, a do kɛŋɔ parakoo chal, bɛlbwa fuh daawiile ɡe aa, a do kɛŋɔ waa dɛ tu voɡa. Kwaa maa kia la taa ba sie ɛɛ lɛ.

Jeremia 51:7

Babelɔn fa do kɛŋɔ suuɡaswɛm numol, dɛ do men Korowii nɔn ta, dɛ ɡel harɛre nɛra bwa nyɔ o bini sen, dɛ dɛɛ dɛ bwa ɛɛ we choɡla.

Wiile 1:9

Bɛlbwa na wechɔɡa waa ɛa dɛ kpɔ doŋa kah o te, o ta waa aa dɛ ba o nɛɛ chiɡa kerekere waa liire. O chola waa chola la ɔma kohona, nomɛlbwa toole dɛ́ larawe o bwara. O ŋɔ, “N Naa Korowii, sune n nɛ, dɛkalkɛ n dɔma pɔ n nɛ, dɛ kpɔ wenaale ba ta n nɛ.”

Ɛsekeɛl 20:30

Nɛwɛnyini bie, bol Israel tena la be ŋɔ Men Nemenɛ Korowii ŋɔ, ‘He ɡee ɛ wechɔɡa he naawa aa ɛa, dɛ tomɛ voɡa maa kia, dɛ kpɔ doŋa kah ba te la anee kɛɛ?

Ɛsekeɛl 24:11

Hé kpɔ buni vii ɡbo chɔŋɛ ninhɔla ta, dɛ́ ka tel kɛŋɔ waa bea dɛ swɛɛ, ásɛ doŋa bɛlbwa aa lɔ o bini la fuh, ó berɛ do wer kohona.

Ɛsekeɛl 24:13

Jerusalam tena, he wedoŋa la ɡelɔ he kah doŋa. N takapɔ kɛŋɔ ń laa he doŋa bwa kpɔ he nɛ, kɛ n ta wone. Aa won le he nɛ, nemenɛ haa na n bandia kohona la bwa mɔɔ.

Ɛsekeɛl 28:13

Dɛ he fa lɔ Eden bodɛɛɡe men Korowii aa du daa la, dɛɛ do kwaa aa wera kɛŋɔ, bwedɛɛɡa bwa soo siwi baa dɛ yera rubi, ne topas, ne emirad, ne kresolet, ne onis, ne jasepa, ne safaaya, ne tɛɛkoes dɛ bɛrel. Awola baa tae laanee ba ɛ ɡɛ kwaa nɔ ne suuɡaswɛm kwaa tɛɛ.

Ɛsekeɛl 36:25

Mɛɛ ɛ nedɛɛɡaa merɛ he nɛ, dɛ́ laa doŋa haa kaah la kpɔ he nɛ. Mɛɛ laa doŋa bɛlbwaa kpɔ he nɛ, dɛ́ le heyaa le voɡa toma ɡe ta.

Daneɛl 11:38

Wɛɛ kpɔ duuree tɛ voɡ waa dɛ nyiŋi dekpeɡa ta, ne voɡ o naawa aa wola on jemɛ la. Wɛɛ kpɔ suuɡaswɛm, ne suuɡapoŋa, ne bwedɛɛɡa dɛ kwaa a yoɡ aa kpeɡa bwaa tɛo.

Hosia 9:10

Korowii ŋɔ, “Gɛ saŋ maa na he Israel tena la, n sie lɛo kɛŋɔ maa na ɡrepo nɔna pua hɛŋle ɡbo harɛ ta ken. Maa na he naawa la, a do kɛŋɔ maa na fiɡ nɔnloɡle waa swɛɛra ken. Kɛ baa bera ka tomɛ voɡ Baal Bwejen Peɔ la, ba waa doŋo kɛ voɡ la ken.

Mmarare 29:17

He na voɡa aa ɛ kii kwaa ba kpɔ daa ne bwea ne suuɡapoŋa dɛ suuɡaswɛm ɛa.

Wepila 14:8

Nyundua torome nɛɛte ɡe iro teŋɛ onɔ la nɛɛ dɛ ŋɔ, “O paɡrɔ! O paɡrɔ! Babelɔn bwɛjen la waa ɡela pɛlchɔɡa ne wedoŋa dɛɛ harɛ nɔ ta bwa nɛra kɛŋɔ sen asɛ ba waa fuh Korowii baah la paɡrɔ.”

Wepila 18:12

Nɛn toole dɛ́ yawɛ ba suuɡaswɛm, suuɡapoŋa, ne bwedɛɛɡa a yoɡ aa kpeɡa, ne yapondɛɛɡa bwa soo siwi, ne dasɔɔhsoma a yoɡ aa kpeɡa bwa soo siwi, ne kwaa baa kpɔ bala nyena ɛa, ne kwaa baa kpɔ dadɛɛɡa a yoɡ aa kpeɡa sɛah, ne anɔ la baa kpɔ ayaawa ne bune loɡa, ne anɔ la baa kpɔ bwedɛɛɡa ane soo siwi ɛa la,

Wepila 18:16

dɛɛ wi ŋɔ, “Akwe! Akwe! Waa pu bwɛjen la o nɛra fa aa dɛ do yapondɛɛɡa a sie aa swɛɛra, dɛ do ɡimeɡime ne answɛɛma peihpeih, dɛɛ do baŋa kwa, ne deŋna kwa, ne nɔnloɡa baa kpɔ suuɡaswɛm dɛ bwedɛɛɡa bwa soo siwi ɛa la,

Wepila 19:2

dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”

Wepila 21:21

Doonyoone fi dɛ anɛ la ɡe la, bwedɛɛɡa baa dɛ yera pɛɛlre laanee ba kpɔ kwaa a bwa ɡbeni, bɛlbwa di ombir. Bwɛɛ la fɔɡbaah ɡe ɛ suuɡaswɛm tenten dɛ do ɡereŋ kɛŋɔ diɡi ken.

Wepila 9:21

Ba ta ba liire charɛ ba nɛŋkpoa ne sɔm we-ɛɛla ne jwamane ne ŋwɛɛ ta.