Wepila 17:3 - mzwDBL

³ Belaa Korowii Domadɛɛɡe ir n nɛ, asɛ nyundua torome la kpɔ mɛ kaa pua hɛŋle ɡbo harɛ ta, asɛ n na haah bɛl o so olchɔɡe bɛl nɛ. Olchɔɡe la swɛɛrɔ dɛ dɔ sɔnchɔɡa o bwa, a bwa ɛ chɛɡa dɛɛ yaɡɛ Korowii. O dɔ nyuune anuanɛ, o nyeɡlare ɡe ɛ fi.

Wepila 17:3 ပူးပေါင်းရင်းမြစ်များ

1 Koranar 18:12

Dɛ n kaalɔ Korowii Doma la kpɔe kaa bobɛl, asɛ n ka ŋɔ o be o ta hen ba nae yaa, wɛɛ kpo mɛɛ. Men maa ɛ he bonɔɔ nɔ, n bechale saŋ bwaa n yarada Korowii dɛɛ tomɔ.

2 Koranar 2:16

dɛ ŋɔ o be ŋɔ, “Yan yaa ɛ he bonɔɔna lɔ baala fifraanue ya bwara aa kpeɡa bonɔ. Gel yá ka ɡaaɡe he nomoa bɔr, Korowii domaa ken baa kpɔɔ kaa dɛ ka ɡelo bwejen bɛl doa kɛɛ fɛlembɔjen bɛl bini.” Anee Elaesa ŋɔ, “Akai, he bɛ nomɛlbwa tomɛ.”

Yelsom 8:5

Umee le pua hɛŋle ɡbo harɛ ta dɛɛ ba dɛ kpɔ o te dawɛ o sɛno nɛɛ nɔɔ? N iro che daa waa dɛ nɔnɛ lɔɡa, dɛ lawɛ ir bela baa lolɛ la.

Ɛsekeɛl 11:24

Wepila la ta la, Korowii Doma la kpɔ mɛ ir ba n bala baa laɡ ba kaa harɛfale ta Babelɔn la be. Belaa wepila la ba a jaɡa,

Ɛsekeɛl 3:12

Belaa Korowii Doma la ɡɔɔ mɛ ir che, asɛ n no takpeɡ bɛl n habɔɔ kɛŋɔ bwaala aa kɔra ken ŋɔ, “Hé kpɛɛ jirima Korowii aa dɔa o soŋnibɔr.”

Ɛsekeɛl 8:3

O tɛr komɛl kɛŋɔ nɛn nɔn dɛ lawɛ n nyumpona, asɛ Korowii Doma ɡɔɔ mɛ n do harɛ ne nyundua baah ta. A ɡɛ wepila nɔ ta la, Korowii kpɔ mɛ kaa Jerusalam o Dea la dembaah doonyoa waa lɔ weekaŋle nyundua pera, dɛ voɡ Korowii aa kiu kɔkɔkɔkɔ lɔ bela.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 7:20

N berɔ dɛɛ nyin ń jemɛ nyeɡlare fi aa paaɡe o nyu ta, ne nyeɡle bɛl o ɡe aa lea pa asɛ nyeɡlare atoro tu la mun. O dɔ sibie ne nyoa dɛɛ bol mbarafo wobol. A ɡɛ nyeɡle laanee do ɔma ɡwaa o bala bwa la.

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Daneɛl 7:8

Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.

Matiu 27:28

dɛ laa o laala foo, dɛ kpɔ yaswɛm bɛl kɛŋɔ ba bela kooro yal ba tɔɔ,

We-ɛɛla 8:39

Baa le nee la ta la, Korowii Domadɛɛɡe baa kpɔ Felep kaa buɡ la ta. Nomoa la ta on nae kpa, dɛ chiɡ ŋwɛnɛ ta kaa silɛɛ ne.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

Wepila 12:14

Anee ba tɛ haah la kee kena anɛ o kpɔ dɛ ir kaa pua hɛŋle ɡbo harɛ, bela baa ɛa tɛo dɛ nyiŋu bene atoro ne fah la, ásɛ kontuuɡi damanta la bɛ won ɛo wobɛlbwa.

Wepila 12:3

Nyokpowaa ane ɡe aa dɛ baɡle waane berɔ ɛ nyundua bela ja. Kontuuɡi damanta bɛl waa le lɛŋɔ leɔ. O swɛɛrɔ dɛ dɔ nyuune anuanɛ dɛ nyeɡlare fi. Asɛ kooɡbɛrɛ pi o nyuune la bɛlbwa ta.

Wepila 12:6

Asɛ haah la ɡe chwa jo pua hɛŋle ɡbo harɛ, bela Korowii aa ɛ bɔr tɛo ŋɔ bá nyiŋu tɔpera kaɡboŋ lafraanɛ fifraanumɛl bwa la.

Wepila 17:18

Haah la haa nao la cheɡɔ tɛ bwɛjen la waa dɔ harɛ nɔ ta kora bwa la.”

Wepila 17:4

Haah la di toli dɛ do laaladɛɛɡa, ane swɛɛ a sie do ɡimeɡime, ane ɡe swɛɛ peihpeih dɛ do wer. O do baŋa kwaa ne deŋna kwaa ne nɔnloɡa baa kpɔ suuɡaswɛm ne bwedɛɛɡa bwa soo siwi ɛa, dɛ kpoŋe suuɡaswɛm luwee, wedoŋa ne jwamane we-ɛɛla suu.

Wepila 18:12

Nɛn toole dɛ́ yawɛ ba suuɡaswɛm, suuɡapoŋa, ne bwedɛɛɡa a yoɡ aa kpeɡa, ne yapondɛɛɡa bwa soo siwi, ne dasɔɔhsoma a yoɡ aa kpeɡa bwa soo siwi, ne kwaa baa kpɔ bala nyena ɛa, ne kwaa baa kpɔ dadɛɛɡa a yoɡ aa kpeɡa sɛah, ne anɔ la baa kpɔ ayaawa ne bune loɡa, ne anɔ la baa kpɔ bwedɛɛɡa ane soo siwi ɛa la,

Wepila 18:16

dɛɛ wi ŋɔ, “Akwe! Akwe! Waa pu bwɛjen la o nɛra fa aa dɛ do yapondɛɛɡa a sie aa swɛɛra, dɛ do ɡimeɡime ne answɛɛma peihpeih, dɛɛ do baŋa kwa, ne deŋna kwa, ne nɔnloɡa baa kpɔ suuɡaswɛm dɛ bwedɛɛɡa bwa soo siwi ɛa la,

Wepila 21:10

Anee Korowii Domadɛɛɡe ir n nɛ, asɛ nyundua torome la kpɔ mɛ kaa bwejen bɛl doa. O kpeɡo kɛrɛdɛ. Belaa o baɡ mɛ Korowii bwɛjen Jerusalam la kɛ waa le Korowii be nyundua dɛɛ ba harɛ.

Wepila 4:2

Buɡ la ta, Korowii Domadɛɛɡe la den ir n nɛ, asɛ n na kɛŋɔ kookara bɛl cheɡɛ nyundua, nomɛl so o ta.