Wepila 16:8 - mzwDBL

⁸ Nyundua torome naarɛte la ɡe leɔ, dɛ ka fuɡe o kwaa ta wee ta, asɛ a tɛo kpeɡri wɛɛ nyaa kɛŋɔ nii ken,

Wepila 16:8 ပူးပေါင်းရင်းမြစ်များ

Aesaya 24:23

Dɛ Koranar Bwa Kooro baa di o kora Saayɔn Bwejen ta Jerusalam aa, o kora dii jirima ɛɛ ɡwaa korobie chaahna ne wee lɔe, ásɛ bwɛjen la nomonome na dɛ́ jemɛ ɡɛ waa kana.

Jona 4:8

Wee aa baa baŋɛ la, Korowii ɡelɔ peuwɔb bɛl ta le wee leebɔr, wee ɡe do nyɛɡre dɛɛ lɔ Jona nɛɛ kohona, o fe ɛɛ ba sewa dɛ ŋɔ, “N sewɔ bɔ kɛŋɔ maa soɡe le.”

Matiu 13:6

Kɛ a lune ta wone kaa bini. Anomanta, wee aa lɔa la, a jwalɔ dɛ serewe.

Amanesoma Luk Aa Chwera Tɔn 21:25

Hɛɛ na nyokpowaa wee ne korobie ne weweela taa. Harɛ ta ɡe, mpo ɛɛ jiɡruu dɛɛ lɔ nehɛma kohona, ásɛ nɛra bwa ɔmɛ, ba bwara yɔr.

We-ɛɛla 2:20

Wee dɛ ba bira, ásɛ korobie swɛɛ kɛŋɔ chal ken mɔɔ Korowii jirima Tɔpejen la ba.

Wepila 14:18

Bɛl ɡe waa dɔ nii kpeɡri le konsɔɔhsoma fuih bɔr, dɛ kpɔ takpeɡ ŋɔ kerenyɛɡ te la be ŋɔ, “Kpɔ he kerenyɛɡ la, dɛ́ chaa harɛ ta daa baa kpɔ a nɔna dɛɛ ɛ sen la nɔna. A beɔ!”

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.

Wepila 7:16

Lɔr ne nyɔɡre aa ban kpo kpa bwa. Wee aa ba nɛɛ lɔ cheihcheih, bɔr ɡe aa ba nɛɛ wɔrɔbe bambam.

Wepila 8:12

Nyundua torome waa teŋa naarɛ la ɡe hoɔh. Waa hoah la, wee ne korobie ne weweela bwa ɛo kɛŋɔ baa lɔa, a pera biri. Dɛ ba bɔne a bɛlbwa kpeɡri bini bɔre atoro naa, a bɛlbwa bɔr beŋkpoŋ aa won chaah kpa. Webaŋa ne jwaana ɡba, ɡɛɛ a do. Ba bɔne a bini atotoro naa, wee aa lɔ bɔr beŋkpoŋ ta webaŋa. Korobie ne weweela ɡe ɡɛɛ jwaana.

Wepila 9:2

Asɛ o laa bɔluŋ la pili. Waa pilu la, chuu leɔ puul kɛŋɔ nijena chuu aa dɛ le la, asɛ wee bir, bɔr bwa ɛ jwumaa ken.