Wepila 16:3 - mzwDBL

³ Asɛ nɛɛte ɡe ka fuɡe o kwaa do mpo ta. Asɛ mpo nee chɔɡ, dɛ do kɛŋɔ lale chal, asɛ kwaa aa lɔ mpo ta bwa serewe.

Wepila 16:3 ပူးပေါင်းရင်းမြစ်များ

Mumpar 7:22

Nɛwɛnyina ne ola ne kwaa aa dɛ tuuɡi tea ta, ne anɔ la aa dɛ huuh, ne jumbii bwaa o chɔɡ kwara. Nemenɛ Nowa ne banla baa dɔ bɔr ja o nɛɛ dɛ jo daka la bini laanee baa ka.

Yela 105:29

O ɡelɔ ba neerare berɛ chal a pɛŋa bwa serewe.

Yela 78:44

O ɡelɔ Ijipt harɛ neerare bwa berɛ chal, ba nyin nee dɛ́ nyɔ kahonɛ.

Ɛsekeɛl 16:38

Mɛɛ tɛr he deŋnee kɛ haahna baa dɛ le ba jaranar habɔɔ, dɛɛ kpoo nɛra la ken. Mɛɛ kpɔ n bandia kohonaa ba ta he nɛ, dɛ́ kpoe bɔ kem.

We-ɛɛla 2:41

Nɛra la kɛrɛdɛ yarada Pita wobol la, asɛ ba sɔ ba Korowii ne. Ba nɛra kaɡboŋa batoroo yarada Yeesu waa dɛ kpɔ ba te tɛo awola tɔpere la ta dɛ ba ja ba nɛ.

Wepila 10:2

O dɔ tɔnjeɡa bɛl waa pila do o nɔn ta, dɛ kpɔ o nadiɡ do mpo ta, o naɡal ɡe che baŋ,

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.

Wepila 13:1

A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.