Wepila 16:21 - mzwDBL

²¹ Tombwejena le nyundua dɛ do tɔɡre kɛŋɔ paanoo men bɔɡtɔ del dɛ ba lee nɛra nɛɛ dɛ a ɔma. Asɛ nɛra koh a waa dɛ chɛɡre Korowii.

Wepila 16:21 ပူးပေါင်းရင်းမြစ်များ

Job Tɔn 38:22

He jemɛ bela maa ɡela mɛn ne dombwea do aa?

Job Tɔn 38:23

N lea cheɡ tɛ wenaale ne laa yoi tɔpera.

Kaala 9:18

Anomanta, n dɛ ba ɡela dombwea aa tɔɡa lee kere saŋ nɔ bɔr. Le saŋ la baa vɔrɔwe Ijipt bwa ɡɛ dombwea nɔ dɔŋa ta o ta leere mɔɔ.

Kaala 9:22

Belaa Korowii ŋɔ Mosis be ja ŋɔ, “Tɛr he nɔn pa nyundua, ásɛ dombwea lee nɛra ne kondɛɛra ne koo kondikwa, dɛ komɛlbwa aa lɔ Ijipt harɛ bwa ta.”

Aesaya 30:30

Korowii ɛɛ ɡeloo nɛra no o taa, dɛ́ jemɛ ɡɛ waa do kan, dɛ́ ɡel ba na o bandia waa dɛ́ ba o ne, dɛ́ ba tɛr ba deŋne. Bandichɔɡe ne nii aa dɛ chɔɡ kwa, ne bwaalachɔɡe ne peu, ne bwaala kɔɡra dɛ dombwea nee wɛɛ ba bala.

Aesaya 8:21

Ba bwara ɛɛ hwaoh baa valɛ harɛ la ta, lɔr ɡe kpo ba, ba kpɔ bandia ha sie nyundua dɛ́ taah ba kooro ne Korowii baa dɛ tomɔ.

Ɛsekeɛl 13:11

Ŋɔ keamechɔɡa la be ŋɔ, ba danjwɛɛ la dɛ ba chola. Mɛɛ ɡeloo bwaala nɛ kohona, dombwea lee o ta, ásɛ peukpeɡ ta kohona lɔɔ.

Ɛsekeɛl 13:13

Nemenɛ Korowii ŋɔ o baah diu wɛɛ ba ɡela peukpeɡ ta, ásɛ bwaala nɛ kohona dombwea lee, dɛ́ chɔɡ danjwɛɛ la.

Josua 10:11

Amɔre tena la aa chwaa tɔ Israel tena laa tena sie dɛ ka tel Bɛt Hɔrɔn dɛɛ kaa Aseka la, Korowii ɡelɔ dombwea lee ba nɛɛ kohona asɛ ba ɡalɡa bwa serewe ɡwaa ɡɛ Israel tena la aa kpoo ba la kwara.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 16:11

dɛɛ chɛɡre Korowii waa lɔ nyundua ba bonyɛɡa ne ŋwɛra aa lɔ ba nɛɛ la wa. Ba ta liire charɛ dɛ le ba tonchɔɡa ta.

Wepila 16:9

dɛɛ nyaa nɛra, dɛkalkɛŋɔ o nyɛɡre taeh, asɛ baa bol Korowii waa dɔ kpeɡri hɔhɔrɔwa la nɛɛ nɛnhɛlwa. Ba ta ba liire charɛ dɛ le ba wechɔɡa ta. Ba ta on jirima tɛɛ.

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.