Wepila 15:8 - mzwDBL

⁸ Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.

Wepila 15:8 ပူးပေါင်းရင်းမြစ်များ

Yela 29:9

Korowii taa yiiɡi dakpeɡa, dɛ chure kɔr bini daa papooni ta. Asɛ nɛra baa lɔ o Dea ɛɛ dooɡe lɔŋɔre ŋɔ, “Hé kpɔ jirima tɛ Korowii!”

Kaala 19:18

Dɛ chuu tɔ Sinai Bwejen la bwa, dɛkalkɛ Korowii cheɡɛ nii ta dɛ ba tu o doa. Chuu la nyundua kaala do kɛŋɔ nijena chuu ken. Dɛ bwejen la bwa dɛ jiɡri kikikiki ken,

Aesaya 6:4

Asɛ a taa ɡel Korowii Dea la doonyoo ɡbeni daa la ne a doonyojoo bwa ɛɛ jiɡri, chuu tɔ Dea bela bwa.

Jeremia 15:1

Belaa Korowii bol n be ŋɔ, “Hale Mosis ne Samoɛl ba fa aa ɛ n bonɔɔna baa che n sie dɛɛ soŋe kwaraa naa, maa nɛra nɔ nɛɛ sune. Gel ba kaa, bá le n sie bonɔ kaa.

Wiile 3:44

He kpɔ bandia bɔle he te kɛŋɔ bam, ásɛ ya wesoŋa bɛ won tel he be.

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Tɔn Pɔɔl Aa Chwerɛ Rom Tena 11:33

Ei! Korowii liire ne o wejema kan te! Umee dɛ́ won jemɛ Korowii waa mun ɔ? Umee dɛ́ won jemɛ o waa bini bwa nɔ?

2 Tesalonika 1:9

dɛ́ per ba le o be. Baa o kpeɡri aa ɡela o dɔ jirima laanee na kpa, ásɛ o kpɔ hɔhɔrɔwa aa wola jaɡa dɔe bwa ta ba nɛ.

Wepila 15:1

N berɔ na wejena ane Korowii doa, a do kan dɛ baɡle waane. A ɛ nyokpoa taeh. N na nyundua toroma banuanɛ ba kpoŋe hɔhɔrɔwa bele anuanɛ. Anee hɔhɔrɔwa aa ka mun ba ɛ, dɛkalkɛŋɔ anee dɛɛ ba ɛɛ mɔɔ Korowii baah sɔɔh.

Wepila 21:11

Dɛ Korowii jirima ɡelɔ o bwa ɛɛ nyɛɡle kɛŋɔ bwedɛɛɡe baa dɛ yerɔ jasepa o do wer kohona dɛ do ɡereŋ la.