Wepila 15:6 - mzwDBL

⁶ Asɛ nyundua toroma banuanɛ baa kpoŋe hɔhɔrɔwa bele anuanɛ la le Korowii Dea la bini. Ba laala baa doa la wer dɛɛ nyɛɡle. Ba kpɔ suuɡaswɛm kirisore vɔrɔwe ba bambile.

Wepila 15:6 ပူးပေါင်းရင်းမြစ်များ

Daneɛl 10:5

N ha sie nyiŋi, dɛ na baa bɛl waa do laalapoŋa, asɛ kiriso baa kpɔ suuɡaswɛm tenten ɛo vɔwɛ o chara.

Amanesoma Luk Aa Chwera Tɔn 24:4

Ba nyoa aa kpoa ba che bela la, dɛ baala banɛ bane baa do laalapoŋa aa nyɛɡle al-al ken denɔ ba che ba jwɛh.

Wepila 1:13

dɛ na komɛl kɛŋɔ nɛn ken, o do batakaarejaŋ o tel o napaala ta, dɛ vɔwɛ suuɡaswɛm kiriso o bambile ta, dɛ do suuɡaswɛm kandea daa la baah ta.

Wepila 14:15

Anee nyundua torome bɛl le Korowii Dea bini, dɛ kpɔ takpeɡ ŋɔ onɔ la waa soɡe bam ta la be ŋɔ, “Kpɔ he kere la dɛ́ komɛ. Kwaa koma saŋ telo. Harɛ ta kondikwaa beɔ ne koma.”

Wepila 14:17

Nyundua torome bɛl ɡe le Korowii Dea waa lɔ nyundua la bini, dɛ ɡe kpoŋe kerenyɛɡ.

Wepila 15:1

N berɔ na wejena ane Korowii doa, a do kan dɛ baɡle waane. A ɛ nyokpoa taeh. N na nyundua toroma banuanɛ ba kpoŋe hɔhɔrɔwa bele anuanɛ. Anee hɔhɔrɔwa aa ka mun ba ɛ, dɛkalkɛŋɔ anee dɛɛ ba ɛɛ mɔɔ Korowii baah sɔɔh.

Wepila 19:8

Ba kpɔ yapondɛɛɡe kpelkpel tɛo ó tɔ.”