Wepila 15:4 - mzwDBL

⁴ Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Wepila 15:4 ပူးပေါင်းရင်းမြစ်များ

Yela 105:7

Onee Korowii yaa dɛ tomɛ, o bol harɛ nɔ ta nɛra waa dɛɛ pa bole.

Yela 111:9

O berɔ kwaa lɛ o nɛra, dɛ ɡel ba di ba nyu. O ne ba fɔwɛ fɔo waa do le saŋ bɛlbwa dɛɛ la. O sɔn do ɡoroŋ dɛ do ɔma kohona.

Yela 22:23

“He banɔ haa dɛ ɔmɛ Korowii la, hé kpɛɛro! Jekɔb naanar, hé kpɔ duure tɛo! Israel tena, hé tomɔ!

Yela 22:27

Harɛre nɛra bwa ɛɛ lii Korowii waa dɛ́ kpɛɛro, baa le harɛ jaɡa bwaa, dɛ́ ba o be, harɛre nɛra bwa ba ɡuŋi o sie.

Yela 22:3

N jemɔ kɛ he ɛ Korowii Waa Do Goroŋ dɛɛ di kora, henee Israel tena ɛɛ kpɛɛ.

Yela 86:9

Harɛre nɛra haa ta ba bwa ɛɛ ba he siee, dɛ́ ba ɡuŋi, dɛ́ kpɔ jirima tɛ he sɔn haa dɔa.

Yela 89:7

Nyundua toroma bwa chemaa, hen Korowiirii do ɔma kohona, a bwa dɛ ɔmɛ, dɛ kpɔ duure dɛɛ tɛɛ.

Yela 97:8

Bwɛjen Saayɔn tena noɔ ba sie lɛ, Juda bwɛjena tena ɡee hɛɡre, hen Korowii waa bola dɛ́ pa bole wa.

Yela 99:5

Hé kpɛɛ Korowii yaa dɛ tomɔ la, hé ɡuŋi o kookara sie dɛ́ tomɔ, onee do ɡoroŋ kohona!

Yela 99:9

Hé kpɛɛ Korowii yaa dɛ tomɔ, dɛɛ tomɔ o bwejen waa do ɡoroŋ ta. Korowii yaa dɛ tomɔ la do ɡoroŋ.

Aesaya 24:15

He banɔ la haa lɔ wee leebɔr pera ɡe, hé tɛ Korowii sɔn. Ekwie harɛre aa lɔ mpo ta bwa nɛra, hé kpɛɛ Korowii Israel tena aa dɛ tomɔ la.

Aesaya 25:3

Anomanta, harɛre nɛra baa kpeɡa ɛɛ kpɛɛree, ásɛ bwɛjena a nɛra nyu bini aa kpeɡa duuri.

Aesaya 26:9

N sie dɛ che chiŋ jwaana he wa, chɔɔbɔr ɡe, n pɛla dɛ lawɛ. He baa bol harɛ nɔ ta nɛra waa dɛ pa bole aa, aa ɡeloo ba hweli waa aa toɡra.

Aesaya 45:23

N ŋwɛɛ n ɡbaɡba, maa nentanee ta dɛ́ berɛ kpɛla. N nyoa wobol bɛlbwa toɡrɔ. Nomɛlbwa ɛɛ ɡuŋ mɛ harɛɛ, ásɛ dɛ che n sɔn ta ŋwɛɛ kɛŋɔ ba Dɔɔree men.

Aesaya 57:15

Menee dɔ sɔn dɛ ɡwaa komɛlbwa dɛ do ɡoroŋ, dɛ do le saŋ bɛlbwa. N soɡe n kookara waa daŋa ta boɡoroŋ nyundua, dɛ berɛ so nɛra ba tea bini aa chɔɡa ba wechɔɡa wa. Ba pwɛr ba te baah ta, dɛ́ ɡel ba sie sɔɔh, bá dɔ hwɛɡa ja.

Aesaya 6:3

Asɛ a bini bɛlbwa ɛɛ ŋɔ o dɔŋ be ŋɔ, “Koranar Bwa Kooro do ɡoroŋ, o do ɡoroŋ kɛrɛdɛ. O jirima su harɛ nɔ bwa ta.”

Aesaya 60:5

Hɛɛ na ɡɛɛ he hɛɡra ir, he tea ɡe too. Ba dɛ ba harɛre kondɔɔh ne dɛ́ ba tɛɛ. Mpo baŋ le kwaa bwa ɛɛ bao.

Jeremia 10:7

Harɛre nɛra bwa Kooro, umee dɛ ŋɔ waa duuree kpɔ tɛɛ nɔ? A chɛ kɛ nomɛlbwa duuri. Harɛre bwa nɛra ne wejerema dɛ ba koranar, bɛlbwa ta do kɛ hen.

Jeremia 16:19

N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Hosia 3:5

Tɔpere bɛl dɛ ba bala, ásɛ Israel tena berɛ ba Korowii baa dɛ tomɔ, ne kooro waa ɛ Kooro Devid naa be. Bochela nee baa ba Korowii be bala, ásɛ o swee andɛɛɡa tɛɛ ba.

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Sekaria 14:16

Harɛre ta nɛra baa ba yo Jerusalam tena ásɛ ba bini bane ka la, baa di Kukure Tɔpejen la Jerusalam benanyoa bɛlbwaa, dɛɛ tomɛ Kooro waa ɛ Koranar Bwa Kooro la.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Malakae 1:11

Harɛre nɛra ɛɛ duu mɛ kohonaa, le wee leebɔr ba kaa wee cholibɔr. Baa fuh daawiile a sɔɔh aa somaa, dɛ́ kpɔ saraha kwaa aa wera le harɛ bɛlbwa ta ba, dɛ́ kpɔ dɛɛ duu mɛ.

Tɔn Pɔɔl Aa Chwerɛ Rom Tena 15:9

ásɛ a che a ta nɛra baa wola Juu tena ɛɛ la ɡe kpɛɛ Korowii kɛŋɔ waa dɛ sune nɛra nɛɛ kohona. Ba chwerɛ Korowii Tɔn bobɛl ŋɔ, “Anomanta, mɛɛ yerɛ he sɔn nɛra baa wola Israel tena ɛɛ baahnee, dɛ́ ɡo yela kpɛɛre.”

1 Pita 1:16

dɛkalkɛŋɔ ba chwerɛ Korowii Tɔn bini ŋɔ, “Hé do ɡoroŋ, dɛkalkɛ n do ɡoroŋ.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 16:5

Asɛ n no nyundua torome la waa chɔ neerare nyoa la kɛ waa ŋɔa, “Hen haa lole saŋ la bwa dɛ ba le fini, henee ɛ Korowii Waa Do Goroŋ dɛ ka tonɛ la, he waa haa bola dɛ pa nɛra bolchɔɡe la toɡrɔ,

Wepila 16:7

Asɛ n no taa bɛl konsɔɔhsoma fuih bɔr, o ŋɔ, “Korowii Haa Ɛ Koranar Bwa Kooro la, he waa haa ɛa dɛ tɛr ba deŋne toɡrɔ dɛ ɛ kasinteŋ.”

Wepila 19:2

dɛkalkɛ ɡɛ waa bol waa dɛɛ pa bole la ɛ kasinteŋ dɛ toɡre. O pa hanjwamane tenten la waa ɛ wedoŋa, dɛ chɔɡ harɛ nɔ la bolchɔɡe, dɛ tɛr o deŋne dɛ kpɔ bɔ o bonɔɔna ne toli waa kpoo ba la kem.”

Wepila 19:8

Ba kpɔ yapondɛɛɡe kpelkpel tɛo ó tɔ.”

Wepila 3:7

Tɔn nɔ dɛ kaa nyundua torome waa cheɡa tɛ asɔre tena baa lɔ Feladɛlfea la be. “Kenii men maa do kaih, dɛ ɛ kasinteŋ te, dɛ dɔ Devid safoa, dɛ o pili komɛl nomɛlbwa aa wola won tɔɔ, dɛ o tɔ komɛl ɡe aa, nomɛlbwa aa wola won pilu la ŋɔ,

Wepila 4:8

Bɛlbwa dɔ kena anumɛl, dɛ dɔ sibie a bwara bobɛlbwa ne a kena lɔɡre ɡba. A lɔ o be chɔɔ ne jwaana dɛɛ kpɛɛro aa wola ɡel bwa, dɛɛ ŋɔ, “Korowii Haa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, he do ɡoroŋ noo, he do ɡoroŋ kɛrɛdɛ.”

Wepila 6:10

Ba kpɔ takpeɡ ŋɔ, “Nemenɛ Korowii haa do ɡoroŋ dɛ dɔ kasinteŋ, saŋ besoo hɛɛ ba nɛra baa lɔ harɛ ta nɔ waa bola dɛ́ pa bole, dɛ́ bɔ ba ya kpoora nɔ kem ɔ?”

1 Samoɛl 2:2

Nomɛlbwa toole dɛ do ɡoroŋ kɛ hen Korowii, he habɔɔ nɛn toole, Lɛɛ bɛlbwa toole kɛ hen Korowii haa ɛ Bwetal yaa tomɛ nɔ.