Wepila 14:4 - mzwDBL

⁴ Gɛ nɛra nɔ do kɛŋɔ baala baa wola haah jemɛ, dɛkalkɛŋɔ ba lawɛ ba te dɛ do kaih. Ba dɛ teŋɛ Pebie la nɛɛ bobɛlbwa waa dɛ la. Banee nɛnloɡla Korowii aa lɛɛ ba nɛra waa dɛ ba ba lɛɛ la bwa bini, dɛ́ kpɔ ba tɛ o te ne Pebie la.

Wepila 14:4 ပူးပေါင်းရင်းမြစ်များ

Yela 45:14

O do batakaarejaŋ ba sɔh kwaa dawɛ o ta, baa ba o ne hen kooro be, o toli teŋɛ o nɛ, baa ba ba ɡe ne he be.

Yela 74:2

Lii he nɛra saŋ la haa lee ba cheɡ tɛ he te la wa, nɛra haa lɛɛ ba le fiiɡa baa dɛ fiɡ ba ta. Lii Saayɔn Bwejen he fa aa soɡe o ta la wa.

Yelsom 1:3

He nosɔɔhsoma sɔɔh som, he sɔn do kɛŋɔ baa fuɡe nosɔɔhsoma ta. A waa ɡela bitoli bwa ɛɛ nyin he wa.

Yelsom 6:8

Dɛ haŋkoranar fifraanumɛl, ne sɛnanar fifraanuatoro, dɛ toli baa wola baala jemɛ mɔɔ, baa wola nyoa dɔe kwara baa che naa,

Jeremia 2:3

Israel tena, he fa do ɡoroŋ tɛ men Korowii ɡbo, dɛ do kɛŋɔ koo kondikonloɡla baa koma ken, asɛ nɛra baa fiiɡi heyaa la, n kpɔ wenaale kohona ba ta ba nɛ. Men Korowiirii bola.’ ”

Emɔs 6:1

Saayɔn tena haa dɛ lii kɛŋɔ wobɛlbwa aa heyaa ha, ne Samaria Bwejen dor tena haa dɛ lii kɛ he soɡe deŋnesɔɔhna ta la, hé bwɛɛlɛ! Nomonjena haa dɛ tɔ Israel harɛ waa sie, Israel tena ɛɛ ba he be hɛɛ cha ba la bwa, hé bwɛɛlɛ!

Matiu 19:12

Nɛra bane haahna bɛ moe la ne a ŋwɛnɛree. Bane le a ne Korowii doa ba. Asɛ bane ɡe, fɔɡaa ba fɔɡɛ ba lure, asɛ bane ɡe koh Korowii Kora la waa dɛ ɛ ba te ɡɛ. Naate waa won teŋɛ n waa maa baɡla nɔ ta la, ó takapɔ dɛ́ teŋɛ a ta.”

Matiu 25:1

Yeesu berɔ ŋɔ, “Men Nɛn Bie bala la telaa, kenii Korowii Kora ɛɛ ba doe. O dɛ ba doe kɛŋɔ toli fi bane baa ira dɛ kpɔ ba kandere dɛɛ la ká cheme hanfale jaa.

Matiu 8:19

Tɔnjereme bɛl balɔ dɛ ba ŋɔ o be ŋɔ, “Nomoa, bobɛlbwa haa dɛ la la, mɛɛ teŋɛ he nɛɛ kaa.”

Amanesoma Jɔn Aa Chwera Tɔn 10:27

N peera dɛ no n taa, asɛ n jema aa teŋɛ n nɛ,

Amanesoma Jɔn Aa Chwera Tɔn 12:26

Nomɛlbwa waa sɛh dɛɛ tom mɛ la, wɛ́ɛ teŋɛ n nɛ. Bobɛlbwa maa do la, belaa n toroma ɡe ɛɛ ba doe. N Mɛɛ la ɛɛ tɛ nomɛlbwa waa dɛ tom mɛ la sɔnee.”

Amanesoma Jɔn Aa Chwera Tɔn 13:37

Belaa o pɛɛro ja ŋɔ, “N Dɔɔ, ɛrɛ waa maa wola won teŋɛ he nɛɛ taraken ɔ? Dɛ seo kwaraa yaa, mɛɛ koh he waa sewɛ.”

Amanesoma Jɔn Aa Chwera Tɔn 8:12

Yeesu bol waa baɡle Farisii tena la ja, dɛ ŋɔ, “N ɛ kandea dɛɛ chaah harɛ nɔ ta nɛra. Nomɛlbwa waa dɛ teŋɛ n nɛɛ la aa biro taa valɛ bwa, wɛɛ valɛ bochaah taa dɛ́ dɔ mkpa.”

We-ɛɛla 20:28

Hɛ́ɛ nyiŋi he te kɛrɛdɛ, dɛɛ nyiŋi nɛra Korowii Domadɛɛɡe aa kpɔ ba do he nɔn ta ŋɔ hɛ́ɛ nyiŋi ba nɛɛ la kɛrɛdɛ. Korowii Bie ɡbaɡba chalee o kpɔ yawɛ o nɛra asɛ ba ɛ o kwa, anomanta, hɛ́ɛ nyiŋi ba nɛ.

1 Kɔrent 16:15

Yabala, he jemɔ kɛŋɔ Stɛfanas ne o dem tenaa tɔ sie yarada Yeesu waa la Akaya harɛ nɛra la bwa bini, dɛ kpɔ ba te tɛo dɛ swɛɛ siwi dɛ ɛ toma dɛɛ tɛ Korowii nɛra ba wa aa toɡra.

1 Kɔrent 6:20

dɛkalkɛŋɔ o kpɔ Yeesu Kristo chal yawɛ heya. Anomanta, hé nyiŋi he bwadabii ta kɛrɛdɛ, dɛ́ kpɔ tomɛ Korowii dɛ́ tɛo sɔn.

1 Kɔrent 7:28

He mo haah naa, a ta wechɔɡa ɛɛ. Dɛ haah ɡe yalaa, a ta wechɔɡa ɛɛ. Kɛ waa lɔ a ta he soɡa bini, a waa mɛɛ nyin n lɛ heyaa le a ta la.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Ɛfesos 1:14

O Domadɛɛɡe la taa a che ya jemɛ kɛŋɔ yaa dɔ kwaa Korowii aa baɡɛ o nɛra nyoa laanee. Anee baɡla kɛŋɔ Korowii ɛɛ lɛ o nɛra bwaa ta, dɛ́ lɛ sɔn ne jirima tɛ o te.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

1 Timoti 4:3

Gɛ nɛra nɔɔ vala dɛɛ chaɡle nɛra ŋɔ aa were kɛ baa mo haah kɛɛ haah yalɛ la, dɛ berɛ ŋɔ kondikwaa ane aa were kɛŋɔ nɛra di la. Kɛ Korowiirii ta ɡɛ kondikwaa nɔ ŋɔ bánɔ la baa jemɛ kasinteŋ waa la dɛɛ yaradao la kpɔ jam tɛo dɛ́ dia.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.

Jems 1:18

O ɡbaɡba tetooraa ya dɔ o waa aa ɛ kasinteŋ la dɛɛ no, dɛ che a ta ɛ o bii, ásɛ dɛ su o siwi kwaa waa taa la bwa bini.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 21:22

Korowii Dea baa cheme o bini dɛɛ tomɔ toole bela. Korowii Waa Ɛ Kpeɡri Bwa Dɔɔ la ne Pebie laanee cheɡa tɛ dea la.

Wepila 21:23

A ta hiaih kɛŋɔ wee ne korobie chaah bela. Korowii jirima dɛ chaah bela, asɛ Pebie la ɡe ɛ kandea bela.

Wepila 3:4

He ta dɔ nɛra tama baa wola ɡelɛ a do kɛŋɔ wechɔɡa doŋa do ba nɛ. Mɛɛ tɛɛ ba yapoŋaa bá tɔ, n ne ba valɛ, dɛkalkɛŋɔ ba chɛ ɡɛ.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,