Wepila 14:2 - mzwDBL

² Asɛ n no ɡbɔɡa nyundua kɛŋɔ chuubu aa dɛ si ken, a berɛ do kɛŋɔ bwaala aa kɔra kohona la. Dɛ o dɛ si kɛŋɔ baa dɛ lɔ janjela la.

Wepila 14:2 ပူးပေါင်းရင်းမြစ်များ

2 Samoɛl 6:5

Dɛ Kooro Devid ne Israel tena la bwa dɛ lɛ ba sie. Ba ɡo yela silɛɛ ne kohona, dɛɛ lɔ janjela dɛɛ hoh kalipere, dɛɛ lɔ kwaa anɛ ane baa kpɔ ayaawa ɛa, dɛɛ yiiɡi loŋa ɡe Korowii sie.

2 Webena 20:28

Baa tel Jerusalam la, ba lɔ janjelare dɛ hoh bɛle ka jo Korowii Dea.

Yela 147:7

Hé ɡo yela kpɛɛ Korowii, hé kpɔ janjela lɔ yela tɛ Korowii yaa dɛ tomɔ.

Yela 149:3

Hé ɡo yela kpɛɛro dɛɛ sa, hé lɔ ɡboŋri ne janjela kpɛɛro.

Yela 33:2

Hé lɔ janjela kpɛɛ Korowii, hé kpɔ koŋkwaa baa kpɔa dɛɛ hɛlɛ bwa soo siwi, lɔ yela kpɛɛro.

Yela 43:4

Ásɛ n la hen Korowii saraha kon la ta, henee dɛɛ tɛ mɛ silɛɛ. Mɛɛ ɡo yelaa, dɛ́ lɔ janjela kpɛɛre, henee Korowii maa dɛ tomɛ.

Yela 57:8

Mɛɛ iruu che, dɛ́ kpɔ janjela ne kwaa bwa soo siwi lɔ yela! Mɛɛ feluu ir mɔɔ bɔr chaah.

Yela 92:3

dɛ́ lɔ janjela ne kwaa bwa soo siwi baa kpɔa dɛɛ hɛlɛ ɡo yela kpɛɛre.

Yela 93:4

Kɛ hen Korowii te, he dɛ di kora nyundua, dɛ do kan ɡwaa mpo sii waa dɛ si. He kpeɡri ɡwaa mpo nehɛma kwara.

Yela 98:5

Hé ɡo yela kpɛɛ Korowii, hé kpɔ janjela lɔ yela kpɛɛro.

Kaala 19:16

Tɔpetooro wee la chɔɔ, bwaala nyɛɡlɔ dɛɛ kɔɡre kohona bam tɔ bwejen la doa bwa kpirkpir ken, asɛ bɛla sii ɛɛ le kohona. Nomɛlbwa waa soɡe o tɛnte dea bini ɔmɔ kohona.

Kaala 20:18

Nɛra la aa na bwaala nyɛɡla dɛ no o kɔɡra, ne bɛla la sii dɛ na chuu tɔ bwe la ta la, ɔmee laɡ ba dɛ kpɔ bochechela ta ba nɛ ba ka che bojaŋ.

Aesaya 17:13

Hale nɛra warɔ dɛɛ moo kɛŋɔ mpo nehɛma sii aa, Korowii ɛɛ kah baa ásɛ ba chwa kaa bojaŋ. Baa chwao dɛ́ peɡre kɛŋɔ peu aa kpɔ haahra, kɛɛ kawulewule aa kpɔ doŋa kaa la ken.

Ɛsekeɛl 43:2

asɛ n na Korowii Israel tena aa dɛ tomɔ la jirima o le wee leebɔr dɛɛ ba. O taa do kɛŋɔ chuubu sii ken, asɛ o jirima chaah kohona harɛ la ta bwa.

Sekaria 9:14

Korowii ɛɛ le nyunduaa dɛ́ ba o nɛra be, ásɛ o hɛm nyɛɡle kɛŋɔ bwaala nyɛɡla ken. Nemenɛ Korowii ɛɛ hoh laa bɛlaa, dɛ́ valɛ peujen bini kpeɡri ne le weekaŋle harɛbɔr ba.

1 Kɔrent 13:1

Dɛ n wono dɛɛ bol nɛra bwa ne nyundua toroma wobol, kɛ dɛ maa nɛn nyin aa, dɛ ɡbɔɡaa mɛɛ do kɛŋɔ baa dɛ lɔ dawuro waa pera wɛɛ do ɡbɔɡa la.

Wepila 1:10

Awola bɛl, ya Dɔɔ Tɔpere ta, Korowii Domadɛɛɡe ir n nɛ, n no takpeɡ bɛl n habɔɔ kɛŋɔ bɛla aa dɛ si ken.

Wepila 1:15

O nakpale ɡe swɛɛrɔ kɛŋɔ baa kpɔ ayaawa do nii ta wɛɛ nyɛɡle la. Asɛ o taa ɡe do kɛŋɔ chuubu aa dɛ si la.

Wepila 11:12

Bela la, ɡɛ baala banɛ la no takpeɡ bɛl nyundua o ŋɔ ba be ŋɔ, “Hé ir ba bonɔ!” Asɛ ba ir, bam bɛl kpɔ ba kaa nyundua asɛ ba dɔma che dɛɛ nyiŋ ba baa kaa.

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 15:2

N na bobɛl o do kɛŋɔ mpo aa chɔa dɛ do ɡereŋ asɛ nii do o ta. Asɛ nɛra baa pɔ olchɔɡe la ne kon la baa mao la nɛɛ dɛ vɛh o namba waa cheɡa tɛ o sɔn la kpoŋe Korowii janjelare dɛ che nee la jwɛh,

Wepila 18:22

Baa nɛra baa dɛ lɔ janjela, ne banɔ la baa dɛ hoh kalipere ne bɛle, ne komɛlbwaa na he bini kpa. Gɛɛ baa wola nɛra baa dɛ sɛh kwa, ne nɛra baa dɛ sɔh kwa, ne banɔ la baa jemɛ toma bwa soo siwi he binii na kpa. Baa nambwe ɡe sii no bela kpa.

Wepila 5:8

Waa lɛ tɔn la, hweera kwaa anaarɛ la ne nomonome fifraanɛ dɛ banaarɛ la, ɡuŋi Pebie la sie dɛɛ duuru. Bɛlbwa ne o janjela ne o suuɡaswɛm loɡ, asɛ daawiile baa dɛ fuah a sɔɔh do som la do ba loɡa la bini. Konsɔɔhsoma la cheɡɔ tɛ Korowii nɛra ba wa aa toɡra wesoŋa.

Wepila 6:1

Maa dɛ nyiŋi la, n na Pebie la aa swe kwaa baa kpɔa marɛ tɔn la kera anuanɛ la bini sitɔ kon la. Asɛ n no hweera kwaa anaarɛ la bɛl taa kɛŋɔ bwaala aa dɛ kɔɡre la. O ŋɔ, “Ba!”

Wepila 8:7

Nyundua torome waa tɔ sie la hoɔh. Waa hoah la, dombwea ne nii koo chal ta, dɛ le nyundua kɛŋɔ baa kpɔa ta harɛ. Ba bɔne harɛ bini bɔre atoro naa, anɔ la aa fuah la ɛɛ tel bɔr beŋkpoŋii, a ka bɔre anɛ. Ba bɔne daa ne kpɔɡa bini bɔre atoro naa, anɔ la aa fuah la ɛɛ tel bɔr beŋkpoŋii, a ka anɛ.