Wepila 14:14 - mzwDBL

¹⁴ Asɛ n nyiŋi dɛ na bampoŋ bɛl, nomɛl so o ta kɛŋɔ nɛn, dɛ pi suuɡaswɛm kooɡbɛrɛ, dɛ kpoŋe kerenyɛɡ.

Wepila 14:14 ပူးပေါင်းရင်းမြစ်များ

Yela 21:3

He swee andɛɛɡa tɛo kohona, dɛ kpɔ suuɡaswɛm kooɡbɛrɛ tenten piu.

Yela 97:2

Baama ne biro baro cheme, waa aa toɡra ne kasinteŋ nee wɛɛ di kora.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Ɛsekeɛl 1:26

Kon waa bɔle hweera kwaa la nyundua la, n na komɛl waa do kɛŋɔ kookara, ba kpɔ bwedɛɛɡa ane aa ɛ burum baa yera safaaya ɛ o doa, asɛ a do kɛŋɔ nɛn soɡe kookara la ta ken.

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Matiu 13:30

Hé ɡel a bwa pɛ che dɛ́ kpeɡ. A koma ta la, mɛɛ ŋɔ nɛra baa dɛ ba a koma la bee bá tɔ sie kɛ kpɔɡchɔɡa la, dɛ́ vɔrɔwa, dɛ́ che ka ta nii ta dɛ́ fuah, mɔɔ dɛ́ ba komɛ mea tenten la, dɛ́ pa ka do mɛ n dɔndɔŋ bini.’ ”

Matiu 17:5

O nyoa taa lɔ waa ta wɛɛ bol la, dɛ bampoŋ bɛl denɔ ba tɔ ba nɛ, asɛ ba no taa bɛl bam la bini kɛ, “N Bie maa dɛ nyinu o wa ɛɛ su n siwii nɔ. Hé cheɡ deŋne dɛ́ no o be.”

Amanesoma Mak Aa Chwera Tɔn 4:29

Belaa kwaa la aa ɛa dɛ be la, o kpɔ kere ka koma, dɛkalkɛŋɔ dɛ a koma telo.”

Amanesoma Luk Aa Chwera Tɔn 21:27

Belaa baa ba Men Nɛn Bie nae kɛŋɔ maa lɔ bam bini dɛɛ ba kpeɡri ne jirima a dɔŋa aa wola toole ne.

Hibru 2:9

Kɛ ya dɛ na Yeesu te kɛŋɔ Korowii aa ba o ne harɛ, asɛ nyundua toroma ɡwaalo tama, asɛ waa na wahala dɛ sewɛ la, o tɛo jirima dɛ ɡel komɛlbwa ɛɛ tɛo duure. Korowii alaworomɛɛ o sewɛ tɛ nɛwɛnyini bwa la.

Wepila 1:13

dɛ na komɛl kɛŋɔ nɛn ken, o do batakaarejaŋ o tel o napaala ta, dɛ vɔwɛ suuɡaswɛm kiriso o bambile ta, dɛ do suuɡaswɛm kandea daa la baah ta.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Wepila 10:1

Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.

Wepila 11:17

dɛɛ ŋɔ, “Korowii Haa Ɛ Koranar Bwa Kooro dɛ do le dɛ le saŋ la bwa ba le fini, ya dɛ jaame kɛŋɔ haa kpɔ he kpeɡri dɛɛ di kora komɛlbwa nɛɛ nɔ.

Wepila 19:12

O sibie do kɛŋɔ ninlao ken. O pi kooɡbɛrɛre a warɛ pirim. O sɔn bɛl dawɛ o nɛ, nomɛlbwa aa wola sɔn la jemɛ nemenɛ o ɡbo.

Wepila 20:11

N berɔ na kookara damanta ompoŋ bɛl. Nɛn waa soɡe o ta la, nyundua ne harɛ nao dɛ nyoɡre, ba ta on nae kpa.

Wepila 6:2

N nao kɛŋɔ jaaɡɔpoŋ bɛl aa lea, nɛn so o ta dɛ kpoŋe to. Ba kpɔ kooɡbɛrɛ tɛo, asɛ o dɔ kpeɡri dɛ le kaa, dɛ ka yo laa dɛ pɔ o dɔma nɛ.