Wepila 14:13 - mzwDBL

¹³ N berɔ no taa bɛl nyundua o ŋɔ, “Chwerɛ waa nɔ. Le fini dɛɛ kaa, nɛra baa yarada ya Dɔɔ la dɛ kpɔ ba te tɛo la, dɛ ba sewaa, ba na som.” Korowii Domadɛɛɡe la bolɔ ŋɔ, “Kpelaa, ba onɔ. Ba lee ba ba koeh ta. Ba sɔndɛɛɡe ɛɛ teŋɛ ba nɛɛ kaa.”

Wepila 14:13 ပူးပေါင်းရင်းမြစ်များ

Yela 19:11

A cheɡɛ a ta men maa ɛ he torome ɛɛ dɔ wejema, dɛɛ dɔ kembɔr a ta teŋa ta.

Yela 85:13

Toɡra Korowii aa toɡra la ɛɛ tɔ o siee kɛŋɔ nɛn, dɛɛ kwaa ŋwɛnɛ ó kpɔ o ta.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Daneɛl 12:13

Kɛ hen Daneɛl, he te kaa, di kasinteŋ ka tel waa bwa jaɡa saŋ. Hɛɛ sewɔɔ kɛ hɛɛ iruu, dɛ́ dɔ he kembɔr waa bwa jaɡa saŋ.”

Matiu 3:17

Asɛ taa bɛl le nyundua ŋɔ, “N bie maa dɛ nyinu o wa ɛɛ su n siwii nɔ.”

Amanesoma Luk Aa Chwera Tɔn 16:25

Anee Abraham ŋɔ, ‘N bie, lii kɛŋɔ ɡɛ saŋ he fa aa lɔ harɛ ta la, he di yɛɛ kɛrɛdɛ, asɛ Lasorɔs na wahala. Taraken nɔ o dɛ di yɛɛ, asɛ he ɡee na wahala.

Amanesoma Luk Aa Chwera Tɔn 16:9

Yeesu berɔ ŋɔ ja ŋɔ, “Hé kpɔ he laala ne suuɡa aa ɛ harɛ nɔ ta kondɔɔh la dɛɛ nyin daamanar, ásɛ dɛ a baa hiah heya aa, bá won lɛ heyaa silɛɛ ne bwɛɛ waa wola chɔɡ bwa la ta.

Tɔn Pɔɔl Aa Chwerɛ Rom Tena 14:8

Yaa lɔ mkpa ta nɔ, dɛ ya Dɔɔ Yeesu waa ya do le. Dɛ ya baa sewɛ ɡe aa, dɛ onee ya sewɛ tɛ. Anomanta, ya lɔ mkpa ta noo, sewaa ya sewoo, ya Dɔɔ Yeesuu dɔ yaa.

1 Kɔrent 15:18

A berɔ dɛɛ baɡle kɛŋɔ nɛra ba fa aa dɛ yarada Yeesu Kristo mɔɔ dɛ serewe la, Korowii aa ban lɛ.

1 Kɔrent 15:20

Kɛ ɡɛ laa a do. Korowiirii ir Yeesu Kristo seo ta. Onee tɔ sie ir seo ta nɛra baa serewa la nɛɛ mɔɔ ba ɡe baa ir.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

2 Kɔrent 5:8

Ya bwara aa yaa hwah tamaa bɛlbwa. Dɛ ya ɡel ya bwadabii nɔ waa do kɛ dea nɔ dɛ ka do ya Dɔɔ be naa, ɡɛɛ yaa nyin.

Felepae 2:17

Kɛ dɛ yarada haa dɛ yarada Korowii dɛɛ tomɔ la do kɛŋɔ saraha, asɛ a chɛ kɛ n chal fuɡe a ta naa, n dɛ nyin ɡɛ. A ba ɡɛ naa, n sie ɛɛ lɛo, ásɛ he puu mɛ lɛ sie.

1 Tesalonika 4:14

Ya yaradao kɛ Yeesu sewɔ dɛ ir. Gɛ tentenee yaa yarada kɛŋɔ Korowii dɛ ba banɔ la baa yarada Yeesu mɔɔ dɛ serewe la kpɔe dɛ́ ja Yeesu nɛɛ ba ne o ba ɡɛ saŋ waa ba la.

1 Tesalonika 4:16

dɛkalkɛŋɔ ya Dɔɔ la ɡbabir ɛɛ le nyundua dɛ́ tu ba, dɛ́ ba yerɛ o nɛra takpeɡ ne, ásɛ o nyundua toroma nomoa ɡe yerɛ, Korowii bɛla si tɔ o sie, ásɛ banɔ la baa yarada Yeesu Kristo mɔɔ dɛ serewe la ir,

1 Tesalonika 5:10

Onee sewa tɛ yaa, ásɛ awola o balaa, dɛ ya soɡe mkpa ta noo, sewaa ya sewɛ oo, yá ne Korowii won pɛ.

1 Timoti 5:24

Nɛra bane lole, ba te ne wechɔɡa ɛɛ dɛ nɛra bwa nao, a yon che a ta ba la ba ne kɔɔto ka pa ba bolchɔɡe. Kɛ nɛra bane ɡe ɛ wechɔɡa aa, waa la peu dɛ kaa kwaraa mɔɔ nɛra jemɛ.

1 Timoti 5:25

Gɛ tentenee wedɛɛɡa ɛɛ ɡe aa wola won sɔh. Dɛ nɛn ɛ wedɛɛɡa sɔh ɡba aa, aa le baŋee.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 10:4

Bwaala kɔra la aa dɛ bol waa la, n fe dɛ nyin n chwerɛ, dɛ berɛ no taa bɛl nyundua o ŋɔ, “Gel waa bwaala kɔra anuanɛ la aa bola la do he ɡbo nyu bini. Gel a chwera!”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 16:17

Asɛ nyundua torome waa teŋa nuanɛ la ɡe fuɡe o kwaa do peu ta. N no takpeɡ bɛl le kookara la te be Korowii Dea bela, o ŋɔ, “A tonɔ.”

Wepila 19:9

Anee nyundua torome la ŋɔ n be ŋɔ, “Chwerɛ waa nɔ bil. Nɛra baa yer ba ŋɔ bá ba di Pebie la hanfale kwaa la na som,” dɛ́ berɛ ŋɔ, “Korowii wobolee, a ɛ kasinteŋ.”

Wepila 2:1

“Tɔn nɔ dɛ kaa nyundua torome waa cheɡa tɛ asɔre tena baa lɔ Ɛfesos la be. Kenii men maa kpoŋe weweela anuanɛ n nɔndiɡ ta, dɛɛ valɛ suuɡaswɛm kandea daa anuanɛ baah la ŋɔ,

Wepila 2:7

Nomɛlbwa waa dɔ deŋna la, ó no waa Korowii Domadɛɛɡe la aa dɛ bol asɔre tena be la. Naate waa won yo le la, mɛɛ ɡeloo ó di mkpa daa la waa lɔ Korowii Eden bodɛɛɡe la ta nɔna.”

Wepila 20:6

Nɛra baa tɔ sie ir seo ta la na som. Korowii nɛraa ban. Seo nɛɛtena la ta kpeɡri dɔe ba nɛɛ kpa. Baa ɛ Korowii ne Kristo sɔforee, ásɛ ba ne o pɛ di kora bene kaɡboŋ.

Wepila 21:5

Anee naate waa soɡe kookara la ta la ŋɔ, “Taraken n ɡelɔ wobɛlbwa berɛ anfala.” Dɛ berɛ ŋɔ, “Chwerɛ ɡɛ waa nɔ, dɛkalkɛŋɔ n wobol nɔ ɛ kpela, neɡra toole a ta.”

Wepila 22:17

Korowii Domadɛɛɡe la ne hanfale la dɛ yerɛ ŋɔ, “Ba!” Nomɛlbwa waa no ɡɛ waa nɔ la, ó ɡe ŋɔ, “Ba!” Nomɛlbwa waa dɛ wi nyɔɡre la, wɛ́ɛ ba. Nomɛlbwa waa dɛ nyin nee aa dɛ tɛ mkpa la dɛ́ nyɔ la, wɛɛ dɔɔ nyɔ pɛɛpɛɛ.

Wepila 6:11

Dɛ ba tɛ bɛlbwa yapoŋ ó tɔ, dɛ ŋɔ báa onɛ tama ka tel kɛŋɔ ba bala Korowii bonɔɔna ne toli baa dɛ ba ba ɡe kpoora kɛŋɔ ban la nyoa aa chiɡa.