Wepila 14:1 - mzwDBL

¹ Belaa n nyiŋi dɛ na Pebie la cheɡa Saayɔn Bwejen doa. Asɛ nɛra kaɡboŋa lafa fifraanaarɛ dɛ banaarɛ baa chwerɛ o ne o Mɛɛ la sɔna ba tili ta la che o be.

Wepila 14:1 ပူးပေါင်းရင်းမြစ်များ

Yela 2:6

“N cheɡ n kooro n deŋɡare waa do ɡoroŋ Saayɔn ta.”

Aesaya 49:14

Kɛ Jerusalam tena te ŋɔ, “Korowii ɡel yaa, o soh ya wa.”

Jeremia 1:11

Korowii berɔ bɔɔ mɛ ja ŋɔ, “Jeremia, bɔkwaa hɛɛ na nɔ?” N chaŋe ŋɔ, “N Naa Korowii, n na almɔn daa kpale.”

Ɛsekeɛl 1:4

N nao kɛŋɔ peukpeɡ bɛl aa taa dɛ kpɔ bam waa kana le weekaŋle nyunduabɔr, nii baro cheme, o bini ɛɛ nyɛɡle pelɔpelɔ ken. Waa dɛ nyɛɡle la, komɛl do kɛŋɔ ayaawa ken dɛ do o bini.

Ɛsekeɛl 10:1

Men Ɛsekeɛl nyiŋi kon waa bɔle Kerobim la doa, dɛ na komɛl kɛŋɔ kookara baa kpɔ bwedɛɛɡa ane aa ɛ burum baa yera safaaya ɛo.

Ɛsekeɛl 10:9

Men Ɛsekeɛl berɔ nyiŋi dɛ na saaker nakpale anaarɛ. Beŋkpoŋ bɛlbwa cheɡɛ Kerobim la jwɛh, dɛɛ nyɛɡle kɛŋɔ bwedɛɛɡa ane baa dɛ yera kresolet ken.

Ɛsekeɛl 2:9

Belaa n nyiŋi dɛ na nɔn bɛl aa tɛra ba n be asɛ dɛ kpoŋe tɔn,

Ɛsekeɛl 44:4

Baa la kpɔ mɛ kpɔ weekaŋle nyunduabɔr doonyoa ta, dɛ ba n ne Korowii Dea la sie. Asɛ n na kɛŋɔ Korowii jirima baa su o Dea la bini bwa, asɛ n ba harɛ dɛ kpɔ sie pi harɛ.

Ɛsekeɛl 8:7

Asɛ o laɡ mɛ ba dembaah la doonyoa bela. N nyiŋo dɛ na bɔɔ bɛl danjwɛɛ la ta.

Ɛsekeɛl 9:4

“Gaaɡe Jerusalam fɔɡbaahna, dɛ́ do nɛra baa na waa maa kia, asɛ baa wi dɛɛ di suna a waa la nso ba tili ta.”

Daneɛl 12:5

Asɛ men Daneɛl nyiŋi dɛ na baala banɛ ba che nee bɛl nyoa, bɛl lɔ o baŋ le, bɛl ɡe do o baŋ bonɔ.

Joel 2:32

Ásɛ nomɛlbwa waa wi yerɛ men Korowii la, mɛɛ lɛo. Saayɔn Bwejen ne Jerusalam taa nɛra ɛɛ ba ba nyu dɔe, ɡɛ men Korowii aa bola ŋɔ, ‘Ba bini bane ɛɛ chwao le Jerusalam, kɛ banɔ la maa lee ba tɛ n te la ɛɛ dɔ ba nyuu.’ ”

Emɔs 8:2

Asɛ o bɔɔ mɛ ŋɔ, “Bɔkwaa hɛɛ na nɔ?” N chaŋe ŋɔ, “N na wɛɡrɛ daa nɔna aa bea do o bini.” Ate, Korowii ŋɔ n be ŋɔ, “N nɛra Israel tena tɔpere telo kɛ n tɛr ba deŋne, maa ba bwaraa kpɔ kɛ ba kpa.

Maeka 4:7

Mɛɛ ɡeloo boobie ka, dɛ́ le nɛra baa doŋ ba le harɛfale ta ba la, berɛ warɛ kohona dɛ́ do kpeɡri. Men Korowii ɛɛ di kora ba nɛɛ le awola, ne saŋ bɛlbwa dɛɛ la Saayɔn Bwejen waa lɔ Jerusalam.”

Sekaria 4:2

O bɔɔ mɛ ŋɔ, “Bɔkwaa he na nɔ?” Asɛ n chaŋe ŋɔ, “N na kandea daa baa kpɔ suuɡaswɛm tenten ɛo, asɛ loɡ baa dɛ do noo o ta chɔŋɛ o doa. Kandere anuanɛ lɔ o ta, asɛ bɛlbwa dɔ bɔɔne anuanɛ baa do ŋwɛɛra a ta.

Amanesoma Luk Aa Chwera Tɔn 12:8

Hé ɡel ń ŋɔ he be, nomɛlbwa waa won che nɛra baah ta dɛ́ sɛh ŋɔ o ja n nɛɛ la, awola Korowii aa ba dɛ ba bol nɛra bwa waa dɛ́ pa bole la, Men Nɛn Bie la ɡee yerɛ naate sɔn nyundua toroma siee kɛ o ja n nɛ.

Tɔn Pɔɔl Aa Chwerɛ Rom Tena 9:33

O waa ba chwerɛ Korowii Tɔn bini la. Ba chwerɔ ŋɔ, “Mɛɛ kpɔ Bwee cheɡ Saayɔn, ásɛ nɛra ɛɛ lɔ naa o ta dɛɛ choɡli. Kɛ nomɛlbwa waa yaradao la, sihiih aa o kpoe ba.”

Wepila 14:14

Asɛ n nyiŋi dɛ na bampoŋ bɛl, nomɛl so o ta kɛŋɔ nɛn, dɛ pi suuɡaswɛm kooɡbɛrɛ, dɛ kpoŋe kerenyɛɡ.

Wepila 14:3

Nɛra la cheɡɛ Korowii kookara ne hweera kwaa anaarɛ la ne nomonome la be dɛɛ ɡo yelfale bɛl, nomɛlbwa aa wola won hweli yel la, nemenɛ nɛra kaɡboŋa lafa fifraanaarɛ dɛ banaarɛ Korowii aa lɛɛ ba harɛ nɔ ta nɛra bwa bini la ɡbo.

Wepila 15:5

Anɔ habɔɔ la, n berɔ na Korowii Dea waa lɔ nyundua la baa pilu cheɡ. Korowii Dea Cheremibɔr baa baŋro wɛɛ baɡle kɛŋɔ Korowii lɔ o nɛra bini laanee.

Wepila 22:4

dɛ́ɛ nao, ásɛ o sɔn ɡe dawɛ ba tili ta.

Wepila 3:12

Naate waa won yo le la, mɛɛ ɡeloo ó ɛ kɛŋɔ pila n Mɛɛ Korowii Dea bini, waa wola belaa le kpa bwa. Mɛɛ chwerɛ n Mɛɛ Korowii sɔn ne o bwɛjen Jerusalam sɔnee dawɛ o nɛ. Jerusalamfale waa dɛ ba n Mɛɛ Korowii be nyundua lee dɛ́ ba he be la sɔnee mɛɛ ba chwera dawɛ o nɛ, dɛ́ berɛ chwerɛ n sɔnfale dawɛ o nɛ.

Wepila 4:1

Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”

Wepila 6:8

Asɛ n nyiŋi dɛ jaaɡɔkɔl bɛl leɔ, asɛ nɛn so o ta baa yerɔ Seo. Bɛl ɡe le teŋɛ o nɛ, o ɡe sɔne Lalabwɛ. Ba tɛɛ ba kpeɡri bá kpɔ laa ne lɔr ne weechɔɡa ne kpɔɡ bini ola kpoo harɛ nɔ ta nɛra. He bɔne harɛ nɔ ta nɛra bwa bini bɔre anaarɛ naa, banɔ la baa tɛɛ ba kpeɡri bá kpo la ɛɛ tel bɔre anaarɛ la bini beŋkpoŋ nɛraa.