Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.
Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.
Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.
Korowii Nyoa Wobol la baa berɛ nɛwɛnyini, dɛ ba so ya be. Ya na o jirima waa dɔa, dɛ jemɛ kɛŋɔ Korowii Bibeŋkpoŋ laanee on. Dɛ o wobɛlbwa wer, asɛ o dɔ kasinteŋ ɡe kohona.
asɛ o do Korowii Tɛnte Dea la bini. Pateesan teŋe dea la doonyoa, asɛ bɛl ɡe bɔne dea la bini anɛ. Dea la boloɡle la sɔne Boɡoroŋ. A ɡɛ Boɡoroŋ la bɔr belaa kandea da ne teebur, dɛ paanoo baa kpɔa dɛɛ cheɡ Korowii sie la do.
Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.
Bela la, ɡɛ baala banɛ la no takpeɡ bɛl nyundua o ŋɔ ba be ŋɔ, “Hé ir ba bonɔ!” Asɛ ba ir, bam bɛl kpɔ ba kaa nyundua asɛ ba dɔma che dɛɛ nyiŋ ba baa kaa.
Anomanta, Korowii doa tena, hé ɡel he sie lɛ. He banɔ la haa lɔ harɛ ta ne mpo ta ɡe la, hé bwɛɛlɛ, dɛkalkɛŋɔ Baradeɛre Te la tuo ba he be. O baah diu kɛrɛdɛ, o jemɔ kɛ o tɔpere aa kanɛ kpa.”
Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”
Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.
Anɔ bwa habɔɔ la, n nao kɛŋɔ doonyoa bɛl pilo ta Korowii bwɛɛ la ta, dɛ no taa bɛl n fa aa noo kɛŋɔ bɛla la. Taa la ŋɔ n be ŋɔ, “Teeh ba bonɔ ń baɡle waa aa dɛ ba ɛɛ anɔ nɔ habɔɔ.”
Asɛ n berɛ no komɛlbwa Korowii aa taa a do nyundua, ne komɛlbwa waa lɔ harɛ nɔ ta ne mpo bini bwa, ne nɛra baa serewa kwaara bwa aa dɛ ŋɔ, “Naate waa soɡe kookara la ta la ne Pebie la chɛ kpɛɛra ne duure ne jirima, dɛ dɔ kpeɡri bwa saŋ bɛlbwa dɛɛ la.”
Anɔ la habɔɔ la, n nyiŋo dɛ na nɛnlaa nomɛlbwa aa wola won kur ba bela. Ba le wobol te bɛlbwa nɛra baa lɔ harɛ nɔ ta bobɛlbwa ta. Ba bwa do batakaarepoŋa, dɛ kpoŋe bambie daa a papooni do a ta, dɛ che kookara la ne Pebie la sie,