Wepila 13:18 - mzwDBL

¹⁸ Dɛ he dɔ wejema aa, no. Nomɛlbwa waa dɔ liire dɛ́ won jemɛ olchɔɡe la namba la mun la, ó lii. Onee 666, o ɛ nɛn sɔn.

Wepila 13:18 ပူးပေါင်းရင်းမြစ်များ

Yela 107:43

Nɛra baa jemɛ waa la, bá kpɔ ɡɛ waa nɔ do ba liire bini, dɛ́ lii Korowii nyina aa wola jaɡa dɔe la wa.

Daneɛl 12:10

Baa laa doŋaa kpɔ nɛra ɡalɡa nɛɛ bá waa toɡre wechɔɡa aa ba nɛɛ do, kɛ nyubinikpeɡ tena ɛɛ teŋɔɔ dɛɛ ɛ nyubinikpeɡ. Nyubinikpeɡ te bɛlbwa aa a munii no, kɛ wejerema te ɛɛ no a munii.

Hosia 14:9

Umee wejereme ɔ? Naate ɛɛ jemɛ waa nɔɔ. Umee dɛɛ pese waɔ? Naate ɛɛ no a munii. Korowii ŋwɛnɛre toɡrɔ, nɛra ba wa aa toɡra dɛ teŋɛ a ta, kɛ deŋnekpeɡ tena dɛ lɔ naa a ta.

Amanesoma Mak Aa Chwera Tɔn 13:14

Hɛɛ na konchɔɡechɔɡe waa dɛ paɡre bwɛɛ laanee kɛŋɔ o cheɡɛ bela aa wola chɛɛ kɛŋɔ ba nao. Bonɔ kpeɡri. Anomanta, nomɛlbwa waa kuro la kwaa nyiŋu kɛrɛdɛ. He baa na ɡɛ naa, a chɛ kɛŋɔ Juda harɛ tena chwa ka nyin sɔɔhbɔr ba bwea la ta.

Tɔn Pɔɔl Aa Chwerɛ Rom Tena 3:5

Nɛwɛnyini te ɛɛ ŋɔɔ, “Dɛ a cheɡɛ ya wechɔɡa ta asɛ nɛra na kɛŋɔ Korowii ɛ nɛndɛɛɡe aa, amɔ ya ta wedɛɛɡa ɛɛ kɛɛ? Dɛ Korowii tɛr ya deŋne aa, dɛ o waa toɡraa?” Nɛwɛnyini liiree nɔ!

Mmarare 3:11

Dɛ Kooro Ɔɡ ɡboo fa baa ka Refa tena baa kpeɡa la bini. Bunii ba kpɔ ɛ o mpa, dɛ o jaŋne ɛ naɡale fi dɛ atoro ne tama, o paɡri ɡe ɛ naɡale anumɛl. Mpa la ta lɔ Amɔn tena bwɛɛ Raba la ta, dɛ ba le fini.”

Wepila 1:3

Naate waa kure tɔn nɔ bini wa, dɛ baɡle wa aa dɛ ba chiɡa nɛra no la, o na som. Banɔ la ɡe baa no waa baa kure la, dɛ́ ɛ waa waa baɡla la, ba ɡba na som. Tɔpere waa kaa ásɛ waa nɔ bwa chiɡ la aa kanɛ kpa.

Wepila 15:2

N na bobɛl o do kɛŋɔ mpo aa chɔa dɛ do ɡereŋ asɛ nii do o ta. Asɛ nɛra baa pɔ olchɔɡe la ne kon la baa mao la nɛɛ dɛ vɛh o namba waa cheɡa tɛ o sɔn la kpoŋe Korowii janjelare dɛ che nee la jwɛh,

Wepila 17:9

Dɛ he ta wejema dɔe yaa, haa won no waa nɔ mun. Olchɔɡe la nyuune anuanɛ la cheɡɔ tɛ bwejena anuanɛ. A taa haah la so. A berɔ che tɛ koranar banuanɛ ɡe.

Wepila 21:17

O maɡɛ danjwɛɛ la. O kpeɡa del ɡe lɔ naɡale lafraanɛ dɛ fi dɛ anumɛl. Gɛ nɛwɛnyini aa dɛ maɡɛ kwaa la, ɡɛɛ o maɡa.