Wepila 13:15 - mzwDBL

¹⁵ Baa mao tonɛ la, Korowii tɛ olchɔɡe la waa teŋa nɛɛ la ŋwɛnɛ o tɛ kon la baa mao la hweera o won dɛɛ bol wa. Olchɔɡe nɛɛte la ŋɔ bá kpoo nɛra baa wola sɛh dɛ́ tomɛ kon la baa mao la bwa.

Wepila 13:15 ပူးပေါင်းရင်းမြစ်များ

Mumpar 2:7

Asɛ Korowii kpɔ teera ma baa, dɛ hwee do o mebɔɔne bini, o dɔ mkpa dɛ so.

Yela 115:5

A dɔ nyoo, aa won bol wa, dɛ dɔ sibie, aa na.

Jeremia 10:14

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Jeremia 10:5

Ba ɛa a do kɛŋɔ yakwane baa saɡa koo, dɛ kpɔ dɛɛ doŋi jumbii la ken, ba voɡare la aa won waa bol. Cheɡaa baa chea, dɛkalkɛ aa won valɛ. He bɛ an dɛɛ ɔmɛ, wobɛlbwa toole á won ɛ, kɛɛ dɛ́ won ɛ wedɛɛɡa ane tɛ heya.”

Jeremia 51:17

Nomɛlbwa ta liire dɔe, ba ɡɛnɔ, sihiih kpo nɛn waa kpɔ suuɡaswɛm kwaa o voɡare la. Kwaa waa ɛa la bwa ɛ nyosone, a ta hweera dɔe.

Daneɛl 7:20

N berɔ dɛɛ nyin ń jemɛ nyeɡlare fi aa paaɡe o nyu ta, ne nyeɡle bɛl o ɡe aa lea pa asɛ nyeɡlare atoro tu la mun. O dɔ sibie ne nyoa dɛɛ bol mbarafo wobol. A ɡɛ nyeɡle laanee do ɔma ɡwaa o bala bwa la.

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Habakuk 2:19

Nɛn waa ŋɔ dakpul be ŋɔ ó dɔ mkpa, kɛɛ dɛ ŋɔ bwe waa wola hweera dɔe be ŋɔ ó ir la, ó bwɛɛlɛ! Wɛɛ won baɡle wa aa? Suuɡaswɛm ne suuɡapoŋee ba kpɔ fɔɡle o bwa, o ta hweera bɛlbwa dɔe.

Jems 2:26

Anomanta, ɡɛ nɛn ta hweera dɔe yaa dɛ o sewɔ la, ɡɛɛ yarada wedɛɛɡa ɛɛ aa wola a ta jae la ɛ yaradapuu.

Wepila 13:1

A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.

Wepila 13:12

Loɡle olchɔɡe la kpɔ o kpeɡri bwa tɛo, o che o naa ta dɛɛ ɛ wejena, dɛ ɡel nɛra bwa baa lɔ harɛ ta la ɛɛ duu loɡle olchɔɡe la ba fa aa doo bol o sewɛ dɛ berɛ ir o bol la tonɛ la.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 14:11

ásɛ chuu le bela baa dɛ na hɔhɔrɔwa la dɛɛ kaa nyundua saŋ bɛlbwa. Nɛra baa dɛ tomɛ olchɔɡe la ne kon la baa mao la, ne nɛra baa kpɔ o sɔn do ba nso la, baa hɔhɔrɔwa la taa le bwa, dɛ́ɛ na waa chɔɔ ne jwaana.”

Wepila 14:9

Toorote ɡe iro teŋɛ banɛ la nɛɛ dɛ kpɔ takpeɡ dɛ ŋɔ, “Dɛ nomɛlbwa sɛoh dɛɛ tomɛ olchɔɡe la ne o chaa la baa mao la, dɛ ɡel ba doo nso o tile ta kɛɛ o nɔn ta naa,

Wepila 16:2

Nyundua torome waa tɔ sie la kaalɔ, dɛ ka fuɡe o kwaa ta harɛ. Asɛ ŋwɛrchɔɡa aa dɛ we kohona lee nɛra baa dɔ olchɔɡe la nso dɛɛ tomɛ kon la baa mao la nɛ.

Wepila 16:5

Asɛ n no nyundua torome la waa chɔ neerare nyoa la kɛ waa ŋɔa, “Hen haa lole saŋ la bwa dɛ ba le fini, henee ɛ Korowii Waa Do Goroŋ dɛ ka tonɛ la, he waa haa bola dɛ pa nɛra bolchɔɡe la toɡrɔ,

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 17:17

dɛkalkɛŋɔ Korowiirii kpɔ ɡɛ do ba bambile bini kɛŋɔ bá ɛ waa waa dɛ nyin, dɛ́ ɡel ba ɛ liire beŋkpoŋ, dɛ́ kpɔ ba kpeɡri tɛ olchɔɡe la ó di ka tel kɛŋɔ waa Korowii aa bola la aa ɛa.

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 18:24

Korowii keamere ne o nɛra ba wa aa toɡra, ne nɛra baa kpoo ba harɛ nɔ ta bwa la, ba chalee bá na bwɛɛ la ta la.”

Wepila 19:20

Kɛ ba lawɛ olchɔɡe la, ne keamechɔɡe la o fa aa dɛ ɛ wejena dɛɛ tɛ olchɔɡe la, dɛɛ neɡre nɛra baa dɔ olchɔɡe la nso dɛɛ tomɛ kon baa mao o do kɛ olchɔɡe la. Ba kpɔ ba bwa ne ba siweela ka ta bela nii ne jebɔrɔwe aa yɛɛra chɔ kɛŋɔ moo dɛɛ fuh.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.