Wepila 13:11 - mzwDBL

¹¹ Belaa n berɛ na olchɔɡe bɛl kɛŋɔ onɔ la, o ɛɡɛ dɛɛ le harɛ bini. O dɔ nyeɡlare anɛ kɛŋɔ pebale ken, o taa do kɛŋɔ kontuuɡi damanta taa ken.

Wepila 13:11 ပူးပေါင်းရင်းမြစ်များ

Daneɛl 7:8

Maa dɛ nyiŋi nyeɡlare la la, nyeɡlejeɡaa bɛl berɔ ba le pa a baah ta, asɛ wubwa kwaa atoro la tu le onjeɡa la sie. Nyeɡlejeɡa la dɔ sibie kɛŋɔ nɛn ken, o dɔ nyoa dɛɛ bol mbarafo wobol.

Daneɛl 8:3

asɛ n na pebal bɛl o dɔ nyeɡlejaŋa anɛ. A habɔɔ la, nyeɡle la bɛl berɔ ba kpeɡ dɛ do jaŋne ɡwaa o dɔŋ la.

Matiu 7:15

Hɛ́ɛ nyiŋi nyosonteŋna baa ŋɔa Korowii keameree ban la kɛrɛdɛ. He na ba aa, ba pwɛre kɛŋɔ peera ken. Kɛ ba bini te, ba sie beɡre kwaa kɛ ɡboli ken.

Tɔn Pɔɔl Aa Chwerɛ Rom Tena 16:18

A ɡɛ nɛra nɔ, ya Dɔɔ Yeesu Kristo laa baa tomɛ. Waa ba sie aa dɛ lɛ a ta la, anee baa ɛ. Nyotor ne nyosone nee baa neɡre nɛra baa wola wobɛlbwa jemɛ la.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Wepila 11:7

Dɛ danseɛ tena la bol waa la tonaa, olchɔɡe bɛl ɛɛ le Bɔnsam Bɔluŋ la taa, dɛ́ ba yoo ba, dɛ́ pɔ ba nɛɛ dɛ́ kpoo ba,

Wepila 12:17

Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

Wepila 13:1

A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.

Wepila 13:17

Dɛ nomɛlbwa ta nso la dɔe yaa, o ta ŋwɛnɛ dɔe kɛŋɔ ó yawɛ kon kɛɛ ó yoɡ komɛlbwa. Nso la ɛ namba waa cheɡa tɛ olchɔɡe la sɔn.

Wepila 13:4

Nomɛlbwa tomɛ kontuuɡi damanta la, dɛkalkɛ o kpɔ o kpeɡri tɛ olchɔɡe la. Ba duu o ne olchɔɡe la bwa kɛ Korowii ken, dɛɛ ŋɔ, “Ume dɔŋee olchɔɡe nɔɔ? Umee dɛ́ won puu yo laa lɔ?”

Wepila 16:13

N berɔ na kwaa aa dɛ ir nɛra nɛɛ atoro a do kɛŋɔ sapone ken, bɛl le kontuuɡi damanta la nyoa, anɛ aa kaa la ɡe le olchɔɡe la ne keamechɔɡe la nyoa bini.

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Wepila 17:8

Olchɔɡe la haa nao la, o siwi fa lole. Kɛ taraken te o siwi toole kpa. O dɛ ba teehna dɛ́ le Bɔnsam Bɔluŋ la bini, dɛ́ la Korowii ka chɔɡo. Nɛra baa lɔ harɛ nɔ ta Korowii aa wola ba sɔna chwerɛ do Mkpa Tɔn la bini nyundua ne harɛ mumpar bwa la, ba nyoa ɛɛ kpoo ɡɛ saŋ baa na olchɔɡe la kɛŋɔ o fa aa lole waa wola berɛ do le kpa dɛ berɛ le la.