Wepila 13:1 - mzwDBL

¹ A habɔɔ la, n na olchɔɡe bɛl wɛɛ le mpo ta. O dɔ nyuune anuanɛ dɛ nyeɡlare fi. Kooɡbɛrɛ pi o nyeɡlare la bɛlbwa ta, ba chwerɛ sɔnchɔɡe ɡe dawɛ nyuune la bɛlbwa ta, a ɛ chɛɡa tɛ Korowii.

Wepila 13:1 ပူးပေါင်းရင်းမြစ်များ

Jeremia 5:22

Menee Korowii, amɔ haa men ɔmaa? A ta chɛ kɛ hɛɛ chel n sie naa? Menee ɡela hɛŋle ɛ mpo jwɛh, o do le saŋ bɛlbwa mpo aa wola won su ɡale. Nehɛma ɛɛ won ta ɡɛ bɛlbwa, kɛɛ dɛɛ si kohona, kɛ aa won ɡale kaa hɛŋle baŋ.

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Daneɛl 2:41

Gɛ haa na kon baa mao kɛŋɔ nɛn la napaala ne nanie pera ɛ choh, a pera ɛ buni la, ɡɛɛ kora la bini ɛɛ ba peɡra. Kora la pera ɛɛ do kpeɡrii kɛŋɔ buni ken, ásɛ o pera ɡe aa kpeɡrii do kɛŋɔ choh ken.

Wepila 11:7

Dɛ danseɛ tena la bol waa la tonaa, olchɔɡe bɛl ɛɛ le Bɔnsam Bɔluŋ la taa, dɛ́ ba yoo ba, dɛ́ pɔ ba nɛɛ dɛ́ kpoo ba,

Wepila 12:3

Nyokpowaa ane ɡe aa dɛ baɡle waane berɔ ɛ nyundua bela ja. Kontuuɡi damanta bɛl waa le lɛŋɔ leɔ. O swɛɛrɔ dɛ dɔ nyuune anuanɛ dɛ nyeɡlare fi. Asɛ kooɡbɛrɛ pi o nyuune la bɛlbwa ta.

Wepila 13:11

Belaa n berɛ na olchɔɡe bɛl kɛŋɔ onɔ la, o ɛɡɛ dɛɛ le harɛ bini. O dɔ nyeɡlare anɛ kɛŋɔ pebale ken, o taa do kɛŋɔ kontuuɡi damanta taa ken.

Wepila 13:14

Waa cheɡɛ loɡle olchɔɡe la naa ta dɛɛ ɛ wejena la nomanta, o wono neɡre nɛra baa lɔ harɛ nɔ ta dɛ ŋɔ bá ma komɛl kɛŋɔ olchɔɡe la ba fa aa kpɔ kere doo bol o sewɛ dɛ ir la.

Wepila 13:15

Baa mao tonɛ la, Korowii tɛ olchɔɡe la waa teŋa nɛɛ la ŋwɛnɛ o tɛ kon la baa mao la hweera o won dɛɛ bol wa. Olchɔɡe nɛɛte la ŋɔ bá kpoo nɛra baa wola sɛh dɛ́ tomɛ kon la baa mao la bwa.

Wepila 15:2

N na bobɛl o do kɛŋɔ mpo aa chɔa dɛ do ɡereŋ asɛ nii do o ta. Asɛ nɛra baa pɔ olchɔɡe la ne kon la baa mao la nɛɛ dɛ vɛh o namba waa cheɡa tɛ o sɔn la kpoŋe Korowii janjelare dɛ che nee la jwɛh,

Wepila 16:13

N berɔ na kwaa aa dɛ ir nɛra nɛɛ atoro a do kɛŋɔ sapone ken, bɛl le kontuuɡi damanta la nyoa, anɛ aa kaa la ɡe le olchɔɡe la ne keamechɔɡe la nyoa bini.

Wepila 17:16

Nyeɡlare fi la haa naa a che tɛ koranar fi la ne olchɔɡe la ɛɛ hah hanjwamane laanee, dɛ́ foo o bwara komɛlbwa, dɛ́ ɡelo dakpaŋ ɡɛ. Baa chwe o olii, ásɛ dɛ fuh o kabora,

Wepila 17:3

Belaa Korowii Domadɛɛɡe ir n nɛ, asɛ nyundua torome la kpɔ mɛ kaa pua hɛŋle ɡbo harɛ ta, asɛ n na haah bɛl o so olchɔɡe bɛl nɛ. Olchɔɡe la swɛɛrɔ dɛ dɔ sɔnchɔɡa o bwa, a bwa ɛ chɛɡa dɛɛ yaɡɛ Korowii. O dɔ nyuune anuanɛ, o nyeɡlare ɡe ɛ fi.

Wepila 17:5

Ba chwerɛ sɔn bɛl pɛl haah la tile ta. O ɛ sɔn o mun aa sɔah. Sɔn laanee babelɔnjen, jwamane tena ne harɛ nɔ ta wedoŋa bwa nya.

Wepila 19:19

Belaa n na olchɔɡe la, ne harɛ ta koranar, ne ba dɔm aa kpɔ ba te dɛɛ ba, dɛ́ ba yo naate waa soɡe jaaɡɔ ta la ne o dɔm.