Wepila 12:7 - mzwDBL

⁷ Asɛ laa chole Korowii doa. Maekel waa ɛ nyundua toroma la bwa nomoa la ne o dɔm kaa pu kontuuɡi damanta la ne o ɡe bala ba yo,

Wepila 12:7 ပူးပေါင်းရင်းမြစ်များ

Yela 78:49

O kpɔ o bandia kohona ba ta ba nɛ, dɛ ɡel ba waa do sum kohona, a do kɛŋɔ baa tomɛ toroma ŋɔ, bá ba kpoo ba ken.

Aesaya 34:5

Korowii kere baa tonɛ o toma nyundua aa, wɛɛ berɔɔ ba Edom tena nɛ. O pa ba bolchɔɡe cheɡ, dɛ́ kpoo ba.

Aesaya 55:4

Menee ɛo harɛre nɛra sitɔɔ ne nomoa, ásɛ a che o nɛɛ ń baɡle n kpeɡri.

Daneɛl 10:13

Asɛ nyundua torome waa dɛ di Pɛɛsea harɛ kpeɡri la ba tɔ mɛ ŋwɛnɛ tɔpera fifraanɛ dɛ beŋkpoŋ. Ate, Maekel waa ɛ nyundua toroma nomonome la bini bɛl ba cha mɛ, lawa baa laɡ mɛ n so Pɛɛsea harɛ ta la wa.

Daneɛl 10:21

kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

Daneɛl 12:1

Nyundua torome waa do laalapoŋa la ŋɔ, “A ɡɛ saŋ la, nyundua toroma nomoa Maekel waa dɛ daah he nɛra la ɛɛ leo ba. Gɛ saŋ ɛɛ ɛ wahala saŋee, le harɛ nɔ mumpar ba le fini a dɔŋa ta balɛ bwa. Gɛ saŋ la, he harɛ ta nɛra baa chwerɛ ba sɔna do Korowii tɔn bini la, ɛɛ dɔ lɛɛlee.

Matiu 13:41

Men Nɛn Bie la ɛɛ tomɛ n nyundua toromaa ba n kora nɔ ta, bá ba kpɔ nomɛlbwa waa dɛ do nɛra wechɔɡa ta ne wechɔɡ-ɛɛra bwa,

Matiu 16:27

Men Nɛn Bie nɔ ɛɛ kpɔ n Mɛɛ jirima laanee, n ne n nyundua toroma le nyundua ba, dɛ́ ba bɔ nomɛlbwa kem ɡɛ o toma aa doa.

Matiu 24:31

Nɛra ɛɛ no Korowii bɛla la sii, ásɛ Korowii tomɛ o nyundua toroma bá ba harɛ nɔ ta bobɛlbwa, dɛ́ ka boa o nɛra waa chal ba dɛ lɛɛ ba la bwa nyoa.

Matiu 25:41

Ásɛ n berɛ ŋɔ banɔ la baa lɔ n ɡal ta la be ŋɔ, ‘He banɔ Korowii nyotaahna aa lawɛ heyaa la, hé le n sie bonɔ, dɛ́ ka jo nii aa wola dime bwa ba mara tɛ Bɔnsam ne o toroma la ta,

Matiu 26:53

Haa jemɛ kɛŋɔ n fe ɛɛ wonoo yerɛ n Mɛɛ ŋɔ ó ba cha mɛ, ásɛ o ɡel nyundua toroma baa wola nyoa dɔe ba dɛ́ ba yo lɛɛ mɛ kɛɛ?

2 Kɔrent 12:7

Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

Ɛfesos 6:12

dɛkalkɛŋɔ nɛn laa ya ne wɛɛ yo. Ya ne konchɔɡa aa bea yaa wola an na a dɔ kpeɡri harɛ nɔ ta nɛra baa wola Korowii tomɛ dɛ do biro ta la nɛ, ne konchɔɡa bwa soo siwi aa wara kohona laanee dɛɛ yo la.

2 Tesalonika 1:7

dɛ ɡel he bwara sɔɔh heya. Ya ne he bwaa dɛɛ ba bosɔɔhna la dɔe ɡɛ saŋ ya Dɔɔ Yeesu Kristo aa forɛ le nyundua o ne o nyundua toroma baa dɛ di kpeɡri ne nii nɛɛ ba la.

Hibru 2:10

Korowiirii ta komɛlbwa, asɛ a che o kpeɡri ta komɛlbwa ɡe do le. Waa ɡela Yeesu na wahala la, maɡraa a maɡre kɛrɛdɛ. Waa dɛ nyin o lɛ nɛndamanta dɛ ɡel ba ɛ o bii, dɛ do o be dɛ dɔ jirima la waa o ɡel Yeesu waa ɛ ba Sitɔɔ la ɡbaɡba kpɔ a ɡɛ ŋwɛnɛ la ta, dɛ na wahala dɛ won ɛ ba Sitɔdɛɛɡe kaih ka tonɛ dɛ lɛɛ ba la.

2 Pita 2:4

Nyundua toroma ba fa aa ɛ wechɔɡa la, Korowii ta ban ɡelɛ. O kpɔ ba ta deŋnetɛra bɔr waa ɛ bɔluŋluŋ dɛ bir kpirikpiri la dɛ ka tel awola waa ba bol nɛra bwa waa dɛ́ pa bole la.

Tɔn Jud Aa Chwera 1:9

Nyundua toroma bwa nomoa Maekel ɡba ta a dɔŋa ɛɛ bwa. O ne Bɔnsam aa dɛ yo dɛɛ tɔŋle dɔŋa Mosis lale waa dɛ́ jemɛ ba bini onɔ la waa dɔɔ la, Maekel kwaraa ta liire kɛ ó bol Bɔnsam wobochɔɡe. O waa waa bola bwaa kɛŋɔ, “Korowiirii dɛ́ dii kasinteŋ.”

Wepila 12:8

asɛ Maekel ne o dɔm pɔ ba nɛ. Belaa ba ta bɔr dɔe dɛ so Korowii doa kpa,

Wepila 12:9

asɛ Korowii kpɔ kontuuɡi damanta waa ɛ harɛkon la yaa jemɛ o waa mumpar bwa, baa yerɔ Baradeɛre Te ne Bɔnsam, wɛɛ neɡre nɛra bwa baa nyoɡre la, ne o bala bwa ta harɛ.

Wepila 13:7

Korowii tɛo ŋwɛnɛ ó yo o nɛra ba wa aa toɡra dɛ́ pɔ ba nɛ, dɛ ɡel o dɔ kpeɡri wobol te bɛlbwa nɛra baa lɔ harɛ nɔ ta bobɛlbwa nɛ.

Wepila 20:2

O kaa lawɛ kontuuɡi damanta o fa aa ɛ harɛkon ya jemɛ o waa le mumpar la, baa yerɔ Baradeɛre Te kɛɛ Bɔnsam la. O kpɔ jɔɡrɔre la vɔrɔwo bil bene kaɡboŋ,