Wepila 12:5 - mzwDBL

⁵ Haah la lolɛ bibaa waa dɛ ba kpeɡri kpɔe dɛɛ nyiŋi harɛ nɔ ta nɛra bwa nɛɛ aŋwɛnɛ ta. Waa lolɔ la, ba lao kee kaa Korowii be o do o kookara la bɔr.

Wepila 12:5 ပူးပေါင်းရင်းမြစ်များ

Aesaya 66:7

N bwɛjen waa do ɡoroŋ la do kɛŋɔ haah waa lolɛ bie waa wola weweele bɛlbwa nae.

Aesaya 7:14

Korowii ɡbabir ɛɛ ɡeloo he na waane, á baɡle waa nɔ kasinteŋ. Hé no! Bitolo waa wola baa jemɛ bwa ɛɛ kpoŋe teaa dɛ́ lolɛ bibaa, ásɛ ba yerɔ Imanoɛl.

Jeremia 31:22

Nɛra he wa aa wola kasinteŋ dɔe, saŋ besoo hɛɛ ba he ɡaaɡe bala nɔ ɡela ɔ? He fa do kɛ bitolo o wa aa wola kasinteŋ dɔe. Mɛɛ beɡre wobɛlbwa anfalaa harɛ nɔ bwa taa, kɛŋɔ haah aa kpɔ nɔn dɛɛ tɔ o jaa nɛɛ la ken.”

Maeka 5:3

Anomanta, Korowii ɛɛ vɛh o nɛra Israel tenaa tɛ ba dɔma, ka tel kɛŋɔ haah la loltea aa lɔɔ aa lolɛ o bie. Israel tena baa lɔ bojaŋ harɛfale ta ɛɛ berɔ ba ja ba bala Israel tena nɛ.

Matiu 1:25

Kɛ o ne o ta chɔe bwa dɛ ka tel kɛŋɔ waa lolɛ o bibaa la. Waa lolɔ la, Josef pa o sɔn Yeesu.

Amanesoma Mak Aa Chwera Tɔn 16:19

Ya Dɔɔ Yeesu aa bol waa ba be tonɛ la, Korowii kpɔɔ kaa nyundua, o ka so nomombɔr o diɡ ta.

2 Kɔrent 12:2

N jemɛ asɔre te baa bɛl. Dɛ ɛ bene fi dɛ anaarɛɛ nɔ Korowii aa keeru kaa o be nyundujaɡla. Dɛ o nɛndaa ɡbabirii kaa nyundua oo, dɛ o lileo ɡboo kaa bela oo, maa jemɛ. Korowii ɡboo jema.

2 Kɔrent 12:4

Korowii la o ne o be, o ka no waane nɛwɛnyini aa wola won bola. Korowii ta ŋwɛnɛ tɛɛ kɛ nɛwɛnyini bola.

Wepila 11:12

Bela la, ɡɛ baala banɛ la no takpeɡ bɛl nyundua o ŋɔ ba be ŋɔ, “Hé ir ba bonɔ!” Asɛ ba ir, bam bɛl kpɔ ba kaa nyundua asɛ ba dɔma che dɛɛ nyiŋ ba baa kaa.

Wepila 12:13

Korowii aa kpɔ kontuuɡi damanta la ta harɛ la, o iro dɛɛ ti haah la waa lolɛ bibaa la.

Wepila 12:2

Haah la tea beɔ, loltea lɔɔ wɛɛ ba lola dɛɛ dooɡe lɔŋɔre.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.