Wepila 12:17 - mzwDBL

¹⁷ Asɛ kontuuɡi damanta la baah di haah la nɛɛ kohona, o kpɔ ka tɔ haah la naanar baa kaa dɛɛ no Korowii Waa dɛɛ teŋɛ Yeesu danseɛ waa ba dɛ di la ta la nɛ.

Wepila 12:17 ပူးပေါင်းရင်းမြစ်များ

Mumpar 3:15

Mɛɛ kpɔ danchɔɡee ta he ne haah la baah ta, ásɛ he naanar ne o naanar hah dɔŋa dɛɛ la. Saŋ bɛlbwa waa nae la, wɛɛ paɡre he nyuu, ásɛ he ɡe choɡe o nalume.”

Daneɛl 11:36

Siiria kooro la ɛɛ ɛ ɡɛ waa dɛ nyinii, dɛɛ ɛ mbarafo, dɛɛ ɡɔɔ o te ŋɔ o ɡwaa voɡ bɛlbwa, hale Nemenɛ Korowii waa kana la. Wɛɛ ɛ ɡɛ waa nɔ bwaa ka tel saŋ Korowii aa tɛr o deŋne. Korowii ɛɛ ɛ waa waa bola ŋɔ wɛɛ ɛo laanee.

Matiu 28:20

ásɛ dɛ chaɡ ba ŋɔ báa teŋɛ n waa maa chaɡle heyaa la bwa ta. Kasinteŋ, mɛɛ che he habɔɔ, dɛ́ ja he nɛɛ tɔpere te bɛlbwa, dɛ́ ka tel wobɛlbwa jaɡa saŋ.”

Amanesoma Jɔn Aa Chwera Tɔn 8:44

Bɔnsam biirii heya. Waa waa dɛ nyin ɛɛ laanee he ɡee nyin ɛɛ. Chɔɔ bwaa o le nɛŋkpoa we-ɛɛla ne, waa kasinteŋ ŋwɛnɛ kpɔ nemenɛ nyosone ɡbo. O ŋɔ o bol wa aa, nyosone ɡboo wɛɛ teŋe, dɛkalkɛ o daa. O ɛ nyosonteŋni, asɛ nyosone bwa kooroo on.

1 Kɔrent 2:1

Yabala, a ɡɛ saŋ n fa aa ba he be dɛ ba di Korowii waa danseɛ he be la, nyotor ne nɛwɛnyini wejema laa n kpɔ bol waa baɡle heya.

1 Pita 5:8

Hé ɡel he sie chɔ harɛ, hɛɛ nyiŋi kɛrɛdɛ, dɛkalkɛŋɔ he dɔm Bɔnsam lole. Gɛ nyujente yon dɛɛ kɔɡre, dɛ́ ɡaaɡe dɛɛ nyin ola dɛ́ lawɛ la, ɡɛɛ o ɡe ɡaaɡe dɛɛ nyin nɛra dɛ́ lawɛ.

1 Jɔn 2:3

Ya teŋɛ o waa ta naa, anee dɛɛ ba yaa baɡla kɛ ya jemɔ.

1 Jɔn 5:10

Anomanta, nomɛlbwa waa yarada Korowii Bie la, naate dɔ ɡɛ danseɛ nɔ o ɡbabir bambile bini, dɛ won jemɛ kɛŋɔ a ɛ kpela. Kɛ nomɛlbwa waa wola Korowii yarada la ɡelɔ Korowii waa la ɛ nyosone, dɛkalkɛŋɔ naate aa ɡɛ Korowii aa bol o Bie la waa la yarada.

1 Jɔn 5:2

Dɛ ya dɛ nyin Korowii dɛɛ teŋɛ o waa ta naa, a taa ya jemɛ kɛŋɔ ya dɛ nyin o bii.

Wepila 1:2

Jɔn baɡle waa waa naa bwa. Korowii waa ne Yeesu Kristo webaɡla ne waa waa naa dɛ no bwaa o chwerɛ.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

Wepila 11:7

Dɛ danseɛ tena la bol waa la tonaa, olchɔɡe bɛl ɛɛ le Bɔnsam Bɔluŋ la taa, dɛ́ ba yoo ba, dɛ́ pɔ ba nɛɛ dɛ́ kpoo ba,

Wepila 12:16

Kɛ harɛ cha haah la, dɛ pere, dɛ kpɔ nee la bwa nyɔ.

Wepila 13:7

Korowii tɛo ŋwɛnɛ ó yo o nɛra ba wa aa toɡra dɛ́ pɔ ba nɛ, dɛ ɡel o dɔ kpeɡri wobol te bɛlbwa nɛra baa lɔ harɛ nɔ ta bobɛlbwa nɛ.

Wepila 14:12

Anɔ dɛ baɡle kɛ a chɛ kɛ Korowii nɛra ba wa aa toɡra dɛ teŋɛ o waa ta dɛɛ yarada Yeesu la lawɛ bambile dɛ́ che kiŋkiŋ.

Wepila 17:14

Ba ne Pebie la ɛɛ yo laalee, ásɛ Pebie la ne nɛra waa lee ba, dɛ kpɔ ba teŋɛ o nɛɛ ba waa dɔ kasinteŋ la pɔ ba nɛ, dɛkalkɛŋɔ onee Dɔɔranar Bwa Dɔɔ dɛ ɛ Koranar Bwa Kooro.”

Wepila 17:6

N na haah la kɛ waa dɛɛra. Korowii nɛra ba wa aa toɡra dɛ teŋɛ Yeesu nɛɛ ba koh a waa kpoo ba la chalee o nyɔ dɛ dɛɛ. Maa nao la, n nyoa kpoo taeh.

Wepila 18:20

Korowii doa tena ne Korowii nɛra he wa aa toɡra, ne Yeesu toroma, dɛ Korowii keamere, hé ɡel he sie lɛ a wa, dɛkalkɛ Korowii tɛr o deŋne wechɔɡa waa kpɔa ɛ heyaa la wa.”

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 19:19

Belaa n na olchɔɡe la, ne harɛ ta koranar, ne ba dɔm aa kpɔ ba te dɛɛ ba, dɛ́ ba yo naate waa soɡe jaaɡɔ ta la ne o dɔm.

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.

Wepila 22:14

Nɛra baa chɛɡɛ ba laala a do wer la na som, dɛkalkɛŋɔ banee dɛ́ won dɔ Mkpa Daa la nɔna di, dɛ́ won kpɔ doonyoone la ta ba tetoora dɛ́ɛ jo bwɛjen la ta.

Wepila 6:9

Asɛ Pebie la swe kwaa baa kpɔa marɛ tɔn nuete la. Waa sweo la, n nyiŋi Korowii Dea bela baa dɛ ɛ saraha dɛɛ tɛ Korowii la harɛbɔr, dɛ na lala baa koh Korowii Waa la wa, ne cheɡa baa cheɡa tɛo waa dɛ kpoo ba la.