Wepila 11:5 - mzwDBL

⁵ Dɛ ba dɔm bɛlbwa ŋɔ o ɛɛ ba wechɔɡa aa, nii ɛɛ le Korowii danseɛ tena la nyooree, dɛ́ kpo naate. A ɡɛ seo nɔɔ nomɛlbwa waa ŋɔ ó ɛɛ ba wechɔɡa la ɛɛ ba sewa.

Wepila 11:5 ပူးပေါင်းရင်းမြစ်များ

Yela 18:8

Ninchuu le o mebɔɔne bini, ninlao aa dɛ chɔɡ kwaa le o nyoa, ninhɔla aa dɛ fuh kwaa ɡe ɛɛ le o nyoa.

Aesaya 11:4

Ŋwɛnɛ waa toɡra taa wɛɛ ba cheɡa, dɛɛ bol nɛra aa hiah ba wa, dɛ́ pa bole, kasinteŋii wɛɛ ba kpɔe dɛ́ bol harɛ nɔ ta nyaara waa tɛɛ ba. O nyoa wobolee wɛɛ ba kpɔe tɛr nɛn deŋne, waa waa bol la ɛɛ kpoo wechɔɡ-ɛɛraa.

Jeremia 1:10

Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

Jeremia 5:14

Anomanta, waa Korowii Waa Ɛ Koranar Bwa Kooro aa dɛ bol laanee nɔ, “Nɛra nɔ aa bol ɡɛ nomanta, n wobol maa kpɔ do he nyoa la ɛɛ doo kɛŋɔ nii ken. Ba ɡe ɛɛ doo kɛŋɔ daa nii aa dɛ fuah.”

Ɛsekeɛl 43:3

Wepila la do kɛŋɔ anɔ la Korowii aa baa chɔɡ bwɛjen Jerusalam, ne Keba Moo nyoa kwaa maa naa la, asɛ n ba harɛ dɛ kpɔ sie pi harɛ.

Hosia 6:5

A waa n tomɛ n keamere he be, waa bola dɛ́ pa bole ne he kpoora wa. N waa bola dɛ́ pa bole do kɛŋɔ bwaala aa nyɛɡla ken he nɛ.

Sekaria 1:6

N cheɡɛ n bonɔɔna baa ɛ n keamere nɛɛ dɛ kpɔ me Mmarare ne n waa tɛ he naawa dɛ ja ba, kɛ ba vɛah dɛ dɔ a deŋnetɛra. Belaa ba charɛ ba liire ŋɔ men Korowii Maa Ɛ Koronar Bwa Kooroo tɛr ba deŋne ɡɛ aa chɛa. Deŋnetɛra aa chɛ ba laanee ba dɔ le Korowii Waa Ɛ Koranar Bwa Kooro be ɡɛ waa ŋɔa wɛɛ ɛo la.”

Sekaria 2:8

He waa hiah mɛ kɛŋɔ n siwinyiŋi ken, anomanta, dɛ nomɛlbwa leɡe heyaa kɛɛ dɛ ɛ heyaa waane aa, dɛ menee o ɛ la.

Wepila 13:13

O wono dɛɛ ɛ wejena ne nyokpowa, dɛ ɡel nii le nyundua lee harɛ, nɛra na.

Wepila 9:17

N na jaɡre la kɛ chaahna ken, a dɔɔranar so a ta, dɛ do laa batakaare bune aa dɛ bɔle bambile la, asɛ a swɛɛ kɛŋɔ chal, ane do kɛŋɔ burum, asɛ ane ɡe kɔl kɛŋɔ solmen. Asɛ jaɡre la nyuune do kɛŋɔ nyujentena nyuune. Asɛ nii ne chuu ne jebɔrɔwe ninlao ɛɛ le a nyoo.