Wepila 11:4 - mzwDBL

⁴ Gɛ nɛra banɛ nɔɔ ɔleve daa anɛ ne kandea daa anɛ a cheɡɛ harɛ bwa Dɔɔ la sie la che tɛ la.

Wepila 11:4 ပူးပေါင်းရင်းမြစ်များ

1 Koranar 17:1

Korowii keame bɛl fa lole baa yerɔ Elaeja, o ɛ Tisbe te dɛ le Gelead harɛ ta. Awola bɛl, o la Kooro Ahab be dɛ ka ŋɔ, “N cheɡɛ Korowii waa lole saŋ bɛlbwa Israel tena ɛɛ tomɔ sɔn ta dɛɛ ŋɔ he be ŋɔ mɛn aa ta, bwaala ɡe aa nɛɛ ba bene aa lɔ sie dɛɛ ba nɔ ta, nemenɛ a le n nyoa mɔɔ.”

Yela 52:8

Kɛ n te, n do kɛŋɔ ɔleve da, dɛ che Korowii Dea dɛɛ kpeɡ. N dɛ hwɛɡɛ Korowii nyina aa wola jaɡa dɔe saŋ bɛlbwa la ta.

Kaala 8:22

Kɛ awola tɔpere la, Ijipt harɛ Gosen n nɛra aa soɡe bela la te aa ɡɛ waa nɔɔ na. Chwɛɛhne la aa ba te nɛɛ ba, ásɛ he jemɛ kɛŋɔ menee Korowii maa lɔ n nɛra baah ta.

Aesaya 54:5

Naate waa tae laanee dɛ́ do kɛ he jaa, o sɔne Nemenɛ Korowii. Israel Nɛŋɡoroŋ laanee he Lɛɛ, onee harɛ nɔ bwa Dɔɔ.

Jeremia 11:16

N fa ŋɔ ba do kɛŋɔ ɔleve daa waa kpeɡa kohona dɛ dɔ papooni, asɛ nɔndɛɛɡa su o bwa, dɛ do wer. Mɛɛ ɡeloo peukpeɡ ta kerabeŋkpoŋ, ásɛ nii le o papooni ta, dɛ́ kuuɡi o kpala.

Maeka 4:13

Korowii ŋɔ, “Jerusalam tena, hé ir ka yo he dɔma, mɛɛ ɡeloo he do kpeɡri kɛŋɔ nabal waa dɔ bune nyeɡlare, o nafikokore ɡe do kɛŋɔ ayaawa ken. Hɛɛ yo harɛre ɡalɡa nɛraa, dɛ́ pɔ ba nɛ, ásɛ dɛ kpɔ kondɔɔh baa yo nɛra dɛ lɛa la, ba tɛ men Korowii maa ɛ harɛ nɔ bwa dɔɔ la.”

Amanesoma Luk Aa Chwera Tɔn 11:33

“Nomɛlbwa aa kandea choŋi asɛ dɛ kpɔ dɛɛ sɔh dea bini, bela nomɛlbwa aa wola on na, kɛɛ dɛ kpɔ kon pi o ta. Ba choŋi kandea aa, ba kpɔɔ dɛɛ chɔŋɛ kon ta, ásɛ wɛɛ chaah nomɛlbwa waa dɛ ba bela.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

Tɔn Pɔɔl Aa Chwerɛ Rom Tena 11:17

Moo laa pala dɛɛ kaa nyundua la aa? Israel tena do kɛ kobaah ɔleve da. Ba teŋe o kpala ane ta, dɛ kpɔ hen haa wola Israel te ɛɛ dɛ do kɛ kpɔɡ baah ɔleve daa kpale, dɛ ba vɔrɔwe marɛ kobaah kon la bɛl buɡ ta, asɛ hɛɛ nyɔ o nedɛɛɡa dɛ di, dɛ dɛɡ.

Mmarare 10:8

Gɛ saŋee Korowii le Lewi dea tena ŋɔ baa nyiŋi O Ne Nɛwɛnyina Fɔo Daka la ta, dɛ́ berɛ ɛ sɔfore dɛ́ che o sɔn ta dɛɛ swee andɛɛɡa dɛɛ tɛ nɛra. A ta chɔ ɡɛ ba le fini.

Wepila 1:20

Weweela anuanɛ haa naa a do n nɔndiɡ ta la, ne suuɡaswɛm kandea daa anuanɛ la, n dɛ baɡle a mun dɛ tɛɛ. Weweela anuanɛ la ɛ nyundua toroma baa cheɡa tɛ asɔrere bele anuanɛ aa lɔ bwɛɛre anuanɛ la ta la. Kandea daa anuanɛ la ɡe cheɡɔ tɛ asɔrere anuanɛ la.”