Wepila 11:3 - mzwDBL

³ O danseɛ tena banɛ lole, dɛ tɔ lweyale. Wɛɛ tɛɛ ba kpeɡrii bá baɡle o waa la tɔpera kaɡboŋ lafraanɛ fifraanumɛl.”

Wepila 11:3 ပူးပေါင်းရင်းမြစ်များ

Mumpar 37:34

Belaa Jekɔb loo ku o laa o batakaare kɛɛ, dɛ kpɔ lweyal tɔ dɛ ɛ o bie la lwe dɛ la sie.

2 Samoɛl 3:31

Ate, Kooro Devid ŋɔ Joab ne nɛra baa ja o nɛɛ la be ŋɔ, “Hé kɛɛ he laala dɛ́ kpɔ lweyale tɔ á baɡle kɛŋɔ he loo kuu dɛ́ tɔ Abna lale sie.” Kooro Devid ɡbabir ɡe teŋɛ lale la nɛ.

1 Koranar 21:27

Kooro Ahab aa no waa Korowii keame Elaeja aa bola la, o laa o ɡbaɡba laala waa doa la kɛɛ dɛ ka kpɔ lweyal tɔ. O vɔwɛ nyoa dɛ tɔ o lweyal la dɛɛ chɔ, a baɡle kɛŋɔ o dɛ di suna.

2 Koranar 19:1

Kooro Hɛsɛkea aa no waa la, o ɡe laa o yal waa tɔɔ la kɛɛ, dɛ ka kpɔ lweyal tɔ dɛ ka jo Korowii Dea.

1 Webena 21:16

Kooro Devid ha sie nyiŋi dɛ na Korowii nyundua torome la kɛŋɔ waa cheɡɛ harɛ ne nyundua baah, dɛ pamɛ kere pa Jerusalam dɛɛ ba o chɔɡa. Dɛ Kooro Devid ne o nomonome tɔ lweyale, ba cholo dɛ kpɔ sie pi harɛ.

Nehemia 9:1

Korobinuanɛ la tenten, tɔpera fifraanɛ dɛ anaarɛ ta, Israel tena chemo dɛ vɔwɛ nyoa, dɛ kpɔ lweyale tɔ, dɛ ɛ teera do ba nyuune ta, a baɡle kɛŋɔ ba tea bini chɔɡɔ ba wechɔɡa wa.

Job Tɔn 16:15

N tɔ lweyal dɛɛ wi, Korowii pɔ n nɛɛ n so bomboɡ ta.

Yela 69:11

N tɔ lweyal asɛ baa mam mɛ.

Aesaya 22:12

Korowii, Koranar Bwa Kooro ŋɔ, hé dooɡe lɔŋɔre dɛ́ wi, dɛ́ fonɛ he nyuune dɛ́ kpɔ lweyale tɔ awola tɔpere, á baɡle kɛŋɔ he ɛ wechɔɡa.

Jeremia 1:10

Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

Wiile 2:10

Jerusalam banjeni helɔ dɛ so harɛ jeiih ken, ba ɛ teera do ba nyuune ta dɛ kpɔ lweyale tɔ, a baɡle kɛ ba dɛ di suna. Bitoli ɡe ɡure nyuune su harɛ.

Ɛsekeɛl 4:6

Haa ba tonɛ anɔ la, berɛ chɔ he diɡ ta, dɛ́ lɛ Juda tena ɡe wechɔɡa dawɛ he nɛ. Tɔpera fifraanaarɛɛ n kpɔ tɛɛ, tɔpebeŋkpoŋ bɛlbwa cheɡɔ tɛ benanyoa beŋkpoŋ.

Daneɛl 12:7

Nyundua torome la ir nɔɔra anɛ bwa nyundua, asɛ n no ɡɛ waa ŋwɛɛ Korowii Waa Lole Saŋ Bɛlbwa sɔn ta ŋɔ, “Aa ɛ bene atoro ne faah. Gɛ saŋ nɛra baa teŋɛ Korowii nɛɛ bonyɛɡa aa ba a jaɡa la, dɛ waa nɔ bwa ɡe chiɡo.”

Daneɛl 7:25

Wɛɛ bol waa yaɡɛ Nemenɛ Korowiirii, ásɛ dɛ fiiɡi Korowii nɛra ba waa aa toɡra, dɛ́ takapɔ kɛŋɔ wɛɛ beɡre Korowii nɛra mmarare baa cheɡɛ a ta dɛɛ tomɛ Korowii ne tɔpejenaa. Ásɛ Korowii nɛra ba waa aa toɡra la do o lɔɡa bene atoro korobie anumɛl.

Daneɛl 8:14

Asɛ o chaŋe ŋɔ, “Aa ɛo ka tel chɔɔ ne jɔmɔre kaɡboŋa anɛ lafraatoro, baa wola won ɛ sarahare, a habɔɔ mɔɔ ba ɛ we-ɛɛla, dɛ́ laa doŋa bɛlbwa kpɔ Korowii Dea la ta, ó do ɡoroŋ tɛ Korowii.”

Joel 1:13

Sɔfore, hé kpɔ lweyale tɔ dɛɛ wi, heyaa dɛɛ ɛ toma saraha kon la ta. Hé la Korowii Dea ka so jwaana bwa dɛɛ wi, dɛkalkɛ mea kɛɛ sen sarahare aa Korowii Dea ba kpa.

Jona 3:5

Niniwe tena la aa no waa la la, ba yarada Korowii dɛ ŋɔ, nomoa oo, bechala oo, bɛlbwa vɔwɛ nyoa dɛ́ kpɔ lweyal tɔ á baɡle kɛ ba charɛ ba liire dɛ le ba wechɔɡa ta.

Jona 3:8

Nomɛlbwa tɔ lweyal, ásɛ dɛ pee ane do o kondɛɛra ɡe. Bɛlbwa ɡel o wechɔɡa ne dachɔɡe waa lɔ a ta, dɛ́ wi dɛɛ yerɛ Korowii.

Nɛra Kura 11:26

Dɛ nomonome la banɛ ta nomonome fifraanuanɛ la nɛɛ jae dɛ ba Korowii Dea Cheremibɔr bela dɛ te so ba tɛnte deene bini bela baa soɡa la. Banee Eldad ne Medad. Korowii Doma la kaa so ba ɡe nɛɛ kpeɡri ne bela baa lole la, asɛ ba bol Korowii wa.

Matiu 11:21

“Korasen tena, hé bwɛɛlɛ. Hɛɛ na waa taeh! Bɛtsaeda tena, hé ɡe bwɛɛlɛ. He ɡee na waa taeh! Nyokpowaa nɔ maa ɛa he bini nɔ, dɛ Taaya ne Sidonee n fee ɛa nɔ naa, ba fe charɛ ba liire le ba wechɔɡa ta biɡri, dɛ tɔ lweyale dɛ kpɔ tɔɔ fɔɡɛ ba bwara bwa.

Matiu 18:16

Kɛ dɛ o ŋɔ waa sɛh kɛ o ɛ wechɔɡa aa, ka nyin nɛmbeŋkpoŋ kɛɛ banɛ ja he nɛ, ásɛ he ne ba la o be, dɛkalkɛ nɛra banɛ kɛɛ batoro danseɛ ɛ kasinteŋ.

Amanesoma Luk Aa Chwera Tɔn 10:13

Korasen tena, hé bwɛɛlɛ! Bɛtsaeda tena ɡe, hé bwɛɛlɛ! Dɛ nomɛl fe ɛ ɡɛ nyokpowaa nɔ maa ɛa he siwi ta nɔ bwɛjena Taaya ne Sidon aa, ba fe charɛ ba liire le ba wechɔɡa ta biɡri. Ba fe ta lweyale tɔe dɛ so sibeɡra ta naa?

Amanesoma Luk Aa Chwera Tɔn 24:48

Heyaa waa nɔ danseɛ tena.

Amanesoma Jɔn Aa Chwera Tɔn 15:27

He ɡe ɛɛ bol n waa baɡle nɛra, dɛkalkɛ chɔɔ bwaa n ne he do le.”

Amanesoma Jɔn Aa Chwera Tɔn 3:27

Belaa Jɔn ŋɔ, “Nomɛlbwa toole dɛ́ won dɔ komɛl dɛ Korowii laa tɛo.

We-ɛɛla 1:8

Kɛ dɛ Korowii Domadɛɛɡe la baa so he nɛ aa, wɛɛ tɛ heyaa kpeɡrii ásɛ he di danseɛ tɛ mɛ Jerusalam fɔɡbaah, ne Juda harɛ kabora bwa ta, ne Samaria harɛ ta, ne harɛ jaɡa bwa.”

We-ɛɛla 13:31

O kpɔ o te baɡle nɛra o ne baa le Galilia harɛ kaa Jerusalam la kera aŋwɛnɛ bwa. A ɡɛ nɛra nɔɔ dɛɛ diu danseɛ Juu tena bwa be.

We-ɛɛla 2:32

A ɡɛ Yeesu nɔɔ Korowii ir seo ta la. Ya bwa kpɔ ya sie nao dɛɛ diu danseɛ.

We-ɛɛla 3:15

Korowii nɛn nɛwɛnyini aa che o nɛɛ dɛ́ dɔ mkpa la, onee he kpo la, asɛ Korowii lawɔ ir seo ta. Ya na a ɡɛ waa nɔ. A danseɛ yaa di la.

1 Kɔrent 12:28

Korowii tɛ he bɛlbwa toma waa dɛɛ ɛ asɔre tena bini. Anɔ la aa tɔ sie, o ŋɔ bane ɛ Yeesu toroma, dɛ ŋɔ báne che Korowii kpeɡri ta dɛɛ bol waa waa kpɔa baɡ ba, tooro, dɛ kpɔ bane ŋɔ báa baɡle nɛra o wa, dɛ berɛ kpɔ bane ɡe ŋɔ báa ɛ nyokpowa, dɛ tɛ bane ɡe kpeɡri ŋɔ báa chah weela tena. Dɛ ŋɔ báne ɛɛ cha nɛra, báne ɛ nomonome dɛɛ tɔ nɛra sie, dɛ ɡel bane ɡe won wobofala bola.

2 Kɔrent 13:1

N tooro tenaa nɔ maa dɛ ba ń ba chɔɔ heya. N balaa, wobɛlbwa nɛra banɛ kɛɛ nɛra batoro aa di danseɛ a ta la, anee mɛɛ ba noe kɛ a ɛ kasinteŋ, ɡɛ Korowii Tɔn aa baɡla la.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Mmarare 17:6

A chɛ kɛŋɔ nɛra banɛ kɛɛ batoro di danseɛ mɔɔ bá kpo a ɡɛ nɛn la. Dɛ nɛn beŋkpoŋ ɡbo di danseɛ aa, he bɛ on kpo.

Mmarare 19:15

Anee Mosis berɛ ŋɔ, “Nɛmbeŋkpoŋ aa won di danseɛ nomɛl wedoŋa kɛɛ wechɔɡa waa ɛa ta, ásɛ ba pao bolchɔɡe a maɡre. A chɛ kɛŋɔ nɛra banɛ kɛɛ batoro di danseɛ mɔɔ.

Wepila 1:5

ne Yeesu Kristo waa ɛ kasinteŋ te dɛ che tɛ Korowii, dɛ sewɛ, dɛ tɔ nɛra bwa sie ir seo ta, dɛ ɛ koranar baa lɔ harɛ nɔ ta bwa nomoa la, ó cha heya, dɛ́ tɛ heyaa bosɔɔhna. Hɛ́ɛ tɛ naate waa dɛ nyin yaa, dɛ sewɛ, dɛ kpɔ o chal lɛ yaa, a le yaa wechɔɡa ta la sɔn.

Wepila 11:2

Bɛ bela waa ja Dea la ta ba tel bela mɔɔ dɛɛ jo Dea la tenten bini la te maɡɛ. Teŋe bela ta, dɛkalkɛ Korowii kpɔ bela tɛ nɛra baa wola on tomɛ, ásɛ ba tiɡri o bwɛjen Jerusalam la ta korobie fifraanaarɛ dɛ anɛ.

Wepila 11:6

Ba dɔ kpeɡri dɛ́ lawɛ bwaala o ɡel nɛɛ ɡɛ saŋ baa dɛɛ bol Korowii Waa la bwa, dɛ́ berɛ won ɡel nee berɛ chal. Ba dɔ kpeɡri kɛ bá kpɔ harɛchɔɡ waa bɛlbwa ta harɛ nɔ ta saŋ bɛlbwa baa dɛ nyin.

Wepila 12:6

Asɛ haah la ɡe chwa jo pua hɛŋle ɡbo harɛ, bela Korowii aa ɛ bɔr tɛo ŋɔ bá nyiŋu tɔpera kaɡboŋ lafraanɛ fifraanumɛl bwa la.

Wepila 13:5

Korowii ta on ŋwɛnɛ tɔe. O ɡelɔ wɛɛ bol wejena ne nɛnhɛlwa, dɛ ɡel o dɔ kpeɡri dɛ́ won ɛa korobie fifraanaarɛ dɛ anɛ.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

Wepila 20:4

N na kookane, asɛ nɛra bane so a ta, asɛ Korowii tɛɛ ba ŋwɛnɛ bá won dɛɛ bol nɛra waa dɛ́ɛ pa bole. N na lala ba fa aa teŋɛ Yeesu kasinteŋ waa la ta, dɛ bol Korowii Wa, dɛ vɛh olchɔɡe la ne kon la baa mao la toma. Ba ta ɡelɛ ba do ba o nso la ba tili ne ba nɔɔra ta. Ba koh a waa teŋni ba nyuune. Ba ir seo ta, asɛ ba ne Kristo pɛ dɛɛ di kora bene kaɡboŋ.