Wepila 11:18 - mzwDBL

¹⁸ Nɛra baa lɔ harɛ ta baah diu, kɛ tɔpere baa nyɔ he danana nee la ɡe telo. He bole pae tɔpere telo, hɛɛ ba dɛ́ ba bol nɛra baa serewa la waa dɛ́ pa bole, dɛ́ bɔ he bonɔɔna baa ɛ he keamere ne he nɛra ne banɔ la baa dɛ ɔmɛ la kem, ba bini nɛnjena ne nɛmpɛɛne bwa, dɛ́ chɔɡ banɔ la baa dɛ chɔɡ harɛ la.”

Wepila 11:18 ပူးပေါင်းရင်းမြစ်များ

Yela 103:11

Gɛ harɛ ne nyundua baah aa do jaŋa la, ɡɛɛ o nyina do kan nɛra baa dɛ ɔmɔ la nɛ.

Yela 110:5

Korowii ɛɛ che he mun taa, o baah diu waa, wɛɛ yo koranaree dɛ́ pɔ ba nɛ.

Yela 147:11

o sie dɛ lɛ nɛra baa dɛ ɔmɔ, ne nɛra baa kpɔ ba te dawɛ o nɛ, ne o nyina aa wola jaɡa dɔe la ta.

Yela 2:5

O bol waa baɡ ba bandia kohona ne, dɛ aah ba ŋɔ,

Yela 85:9

Kasinteŋ, nomɛlbwa waa dɛ tomɔ la, wɛɛ lɛo, ásɛ o jirima do ya harɛ nɔ ta.

Wejereme 12:13

No waa la bwa name, a jaɡa bwaa kɛŋɔ, ɔmɛ Korowii dɛɛ teŋɛ o Mmarare ta, waa aa chɛ kɛ nɛwɛnyina bwa ɛ laanee.

Wejereme 8:12

A lole kɛŋɔ wechɔɡ-ɛɛ ɛɛ won ɛ wechɔɡa kera lafa dɛ́ ta so biɡri. Kɛ n jemɔ kɛŋɔ nɛra baa dɛ ɔmɛ Korowii dɛɛ duuru la, wobɛlbwa ɛɛ do werii tɛɛ ba.

Daneɛl 11:44

Kɛ wɛɛ ba no waa aa chiɡ wee leebɔr ne weekaŋle nyunduabɔr nɔɔ, ásɛ o jum jah, á ɡel o ir kpɔ sibeɡra kohona ka yo dɛ́ kpoo nɛra warɛ.

Daneɛl 7:26

Nomonome ɛɛ soo dɛ́ bol o wa, dɛ́ laa kpeɡri waa dɔa la lɛ o be, dɛ́ chɔɡo kwaraa a tonɛ.

Daneɛl 8:25

Wɛɛ che kasinteŋ bɛ bola taa dɛ́ do wer. Wɛɛ dɛɛ liiruu kɛŋɔ o ɡwaa nomɛlbwa, dɛ che a ta chɔɡ nɛra ɡalɡa ɡɛ saŋ baa so dɛɛ lii kɛŋɔ deŋnesɔɔhna lole. Wɛɛ muɡli koranar bwa kooro baahnee, kɛ a bwa habɔɔ la, wɛɛ chɔɡoo dɛ nɛn kpeɡri ta laa.

Matiu 5:12

Hé ɡel he sie lɛ kohona, dɛkalkɛ he kembɔr kan taeh Korowii be. Gɛɛ ba kpɔ ɛ Korowii keamere baa tɔ sie la.

Amanesoma Luk Aa Chwera Tɔn 1:50

Nɛra te bwa baa dɛ ɔmɔ la, o dɛ na ba sum, dɛɛ na ba biirere sum, dɛɛ na ba ɡe biirere ne ba naanar bwa sum.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.

Wepila 10:7

Nyundua torome nuanɛte la bɛla la hoeh saŋee Korowii wesɔɔhla waa baɡle o bonɔɔna baa ɛ o keamere la bwa ɛɛ ba ɛɛ tonɛ.”

Wepila 11:2

Bɛ bela waa ja Dea la ta ba tel bela mɔɔ dɛɛ jo Dea la tenten bini la te maɡɛ. Teŋe bela ta, dɛkalkɛ Korowii kpɔ bela tɛ nɛra baa wola on tomɛ, ásɛ ba tiɡri o bwɛjen Jerusalam la ta korobie fifraanaarɛ dɛ anɛ.

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.

Wepila 13:16

O ɡelɔ ba do nomɛlbwa, ne nɛmpɛɛne ne nɛnjena, ne dɔɔhna ne nyaara, ne yoma dɛ nɛra baa wola yoma ɛɛ, nso ba nɔndiɡ ta kɛɛ ba tili ta.

Wepila 14:10

onee dɛɛ ba Korowii danana nee a nyoa aa kpeɡa kohona kɛŋɔ sen baa wola komɛlbwa a ta pule la nyɔe. Wɛɛ na hɔhɔrɔwa kɛrɛdɛɛ jebɔrɔwe ninlao ta, nyundua toroma ne Pebie la sie,

Wepila 15:1

N berɔ na wejena ane Korowii doa, a do kan dɛ baɡle waane. A ɛ nyokpoa taeh. N na nyundua toroma banuanɛ ba kpoŋe hɔhɔrɔwa bele anuanɛ. Anee hɔhɔrɔwa aa ka mun ba ɛ, dɛkalkɛŋɔ anee dɛɛ ba ɛɛ mɔɔ Korowii baah sɔɔh.

Wepila 15:7

Asɛ hweera kwaa anaarɛ la bɛl kpɔ suuɡaswɛm loɡa anuanɛ tɛɛ ba. Korowii waa lole saŋ te bɛlbwa la bandia su a bwa.

Wepila 18:6

O chɔɡra, hé ɛo ɡɛ o fa aa ɛa la. Hé bɔɔ o tonchɔɡa la kem kera anɛ. Sen la o yon ɛ tɛ nɛra bá nyɔ dɛ́ɛ dɛɛ la, hé ɡe ɛ ane tɛo á do kpeɡri ɡwaa ɡɛ kera anɛ ó ɡe nyɔ.

Wepila 19:15

Asɛ tokobii waa nyɛɡa ɛɛ le o nyoa, o kpɔ dɛɛ ba harɛ ta nɛra bwa yoi, dɛ́ pɔ ba nɛ. Wɛɛ nyiŋi ba nɛɛ kpeɡri ne aŋwɛnɛ taa, dɛ́ ɛɛ ba kɛŋɔ baa dɛ sa daa nɔna baa kpɔa dɛɛ ɛ sen ta a nee ɛɛ le la. Korowii Waa Ɛ Kpeɡri Bwa Dɔɔ bandiaa a nee la.

Wepila 19:18

Koranar ne soojanomonome, ne nɛnjena, ne jaɡre ne a dɔɔranar, ne nɛra bwa, ba bini banɔ la baa dɔ ba te ne yoma, ne nomonjena, dɛ bechale bwa serewɔ. Anomanta, hé ba di ba ola.”

Wepila 19:5

Asɛ taa bɛl le kookara la ta dɛ ŋɔ, “He nɛra haa ɛ N Naa Korowii bonɔɔna ne o toli la, hɛ́ɛ tɛo sɔn. He bini nɛŋɡwɛɡra ne nɛnjena haa dɛ ɔmɔ bwa, hɛ́ɛ tɛo sɔn.”

Wepila 20:12

Belaa n na nɛra baa serewa bwa, ba bini nomonjena ne bechale bwa, asɛ ba che kookara la sie. Ba pili tɔne ane, asɛ dɛ berɛ pili onɔ la waa ɛ Mkpa Tɔn la. Belaa Korowii che toma nɛra la aa ɛa mɔɔ dɛ serewe a do tɔne la bini la ta, dɛ bol ba waa dɛ pa bole.

Wepila 20:15

Nomɛlbwa baa nyiŋi Mkpa Tɔn la bini dɛ nyin o sɔn kahonɛ la, dɛ ba kpɔɔ ka ta nii la ta.

Wepila 22:12

Yeesu bolɔ ŋɔ, “Hɛ́ɛ no bonɔ! N dɛ ba taraken. N dɛ ba kembɔr maa dɛ ba nɛra tɛɛ la ne. Gɛ nomɛlbwa toma aa doa laanee mɛɛ ba on kem bɔe.