Wepila 11:17 - mzwDBL

¹⁷ dɛɛ ŋɔ, “Korowii Haa Ɛ Koranar Bwa Kooro dɛ do le dɛ le saŋ la bwa ba le fini, ya dɛ jaame kɛŋɔ haa kpɔ he kpeɡri dɛɛ di kora komɛlbwa nɛɛ nɔ.

Wepila 11:17 ပူးပေါင်းရင်းမြစ်များ

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Yela 21:13

N Naa Korowii, ya dɛ kpɛɛre he kpeɡri kohona wa, yaa ɡo yelaa kpɛɛre a wa.

Yela 57:11

N Naa Korowii, ɡel ya na he kan haa doa nyundua, ásɛ he jirima tɔ harɛ nɔ ta bwa.

Aesaya 52:10

Wɛɛ ɡeloo harɛre nɛra bwa na ɡɛ o kpeɡri aa do ɡoroŋ. Nɛra baa lɔ harɛ jaɡa bwa ɛɛ na ɡɛ Korowii yaa dɛ tomɔ aa wona lɛ yaa.

Daneɛl 2:23

N Naa Korowii ya naawa aa tomɛ, n dɛ jaame dɛɛ kpɛɛre. He tɛ mɛ wejema ne kpeɡri, dɛ pili waa yaa soŋe bini baɡ mɛ, he ɡelɔ ya jemɛ kooro deera.”

Daneɛl 6:10

Daneɛl aa noa kɛ ba chwerɛ mmara la la, o la dem dɛ teeh kaa o abrɔsane doa dea bini. Dɛ dea la tokorore pilo dɛ chaɡɛ Jerusalam. O dɛ ɡuŋi dɛɛ soŋe Korowii keraatoro tɔpere bɛlbwa, dɛɛ kpɛɛro. Dɛ ɡɛɛ wɛɛ ɛ wubwa.

Matiu 11:25

Belaa Yeesu kpɛɛ Korowii ŋɔ, “N Mɛɛ, nyundua ne harɛ bwa Dɔɔ! N dɛ jaame kɛ haa kpɔ he waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ.

Amanesoma Luk Aa Chwera Tɔn 10:21

Gɛ saŋ dɛ Korowii Domadɛɛɡe la ir Yeesu nɛɛ dɛ ɡel o sie lɛ, asɛ o ŋɔ, “N Mɛɛ, nyundua ne harɛ bwa Dɔɔ! N dɛ jaame kɛŋɔ haa kpɔ waa nɔ sɔh sipila tena ne wejerema, dɛ kpɔ baɡle nɛra baa wola wobɛlbwa jemɛ nɔ. Jam, n Mɛɛ. Gɛɛ wera he be.”

Amanesoma Jɔn Aa Chwera Tɔn 11:41

Ba laa bwe la ɡbili le bɔɔ la nyoa, asɛ Yeesu ha sie nyundua dɛ ŋɔ, “N Mɛɛ, n dɛ jaame kɛ haa dɛ no n wa.

2 Kɔrent 2:14

Korowii jam kɛ waa cheɡɛ ya Dɔɔ Yeesu Kristo nɛɛ dɛ ɡel ya yo dɛɛ le nɔ. Korowii cheɡɛ ya nɛɛ dɛ ɡel nɛra ɛɛ no Yeesu Kristo waa la bobɛlbwa kɛŋɔ, konsɔɔhsoma sɔɔh aa dɛ le nomɛlbwa ɛɛ no la.

2 Kɔrent 9:15

Ya dɛ jam Korowii kohona. Yaa won jemɛ baɡle o koŋkɛɛle damanta waa kɛ yaa la wa.

1 Timoti 1:12

N dɛ jam ya Dɔɔ Yeesu Kristo waa tɛ mɛ o kpeɡri la kɛ waa yarada mɛ dɛ kpɔ o toma nɔ do n nɔn ta nɔ.

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Wepila 11:15

Nyundua torome waa teŋa nuanɛ la hoh o bɛla. Waa hoah la, asɛ n no takpeɡa kohona nyundua o ŋɔ, “Harɛ nɔ ta kora bwa berɛ N Naa Korowii ne o Kristo waa tomɔ la kora. Wɛɛ di koraa saŋ bɛlbwa.”

Wepila 15:3

dɛɛ ɡo Korowii bonɔɔ Mosis ne Pebie la yel ŋɔ, “Oo, Korowii Haa Ɛ Koranar Bwa Kooro, he we-ɛɛla kan ɡa. Harɛ nɔ bwa Kooro, he ŋwɛnɛre toɡrɔ dɛ ɛ kasinteŋ.

Wepila 16:14

Bɔnsam kwaa, asɛ a won dɛɛ ɛ nyokpowa. A leɔ dɛɛ kaa harɛ nɔ ta koranar bwa be, dɛ́ ka lawɛ ba bwa cheme bá yo Korowii Waa Ɛ Kpeɡri Bwa Dɔɔ laa o tɔpejen la ta.

Wepila 16:5

Asɛ n no nyundua torome la waa chɔ neerare nyoa la kɛ waa ŋɔa, “Hen haa lole saŋ la bwa dɛ ba le fini, henee ɛ Korowii Waa Do Goroŋ dɛ ka tonɛ la, he waa haa bola dɛ pa nɛra bolchɔɡe la toɡrɔ,

Wepila 16:7

Asɛ n no taa bɛl konsɔɔhsoma fuih bɔr, o ŋɔ, “Korowii Haa Ɛ Koranar Bwa Kooro la, he waa haa ɛa dɛ tɛr ba deŋne toɡrɔ dɛ ɛ kasinteŋ.”

Wepila 18:8

Anomanta, tɔpebeŋkpoŋii wahala ne weela ne tebinichɔɡ ne lɔr ɛɛ ba o kpoe, ásɛ nii fuuh, dɛkalkɛŋɔ N Naa Korowii waa dɛ ba o waa bola dɛ́ pa bole laanee dɔ kpeɡri bwa.”

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Wepila 19:6

N berɔ no nɛnlaa tenten baa dɛ bol waa kɛŋɔ chuubu aa dɛ si la, a berɛ do kɛŋɔ bwaala aa dɛ kɔɡre kohona la. Ba ŋɔ, “Hé kpɛɛ N Naa Korowii! Korowii Waa Ɛ Koranar Bwa Kooro la dɛ di kora.