Wepila 11:13 - mzwDBL

¹³ Buɡ la ta, harɛ jiɡri kohona, asɛ bwɛjen la deene choɡli. Dɛ ba bɔne bwɛɛ la bini bɔre fi aa, deene aa choɡla la ɛɛ tel bɔr beŋkpoŋ deenee, nɛra kaɡboŋa banuanɛ serewɔ, asɛ ɔmee lawɛ banɔ la baa kaa la, asɛ ba kpɛɛ Korowii Waa Dɛ Di Kora Nyundua la.

Wepila 11:13 ပူးပေါင်းရင်းမြစ်များ

Mumpar 6:4

A ɡɛ saŋ ne a habɔɔ bwa la, dɛ nɛra bane lole baa yer ba Nefilim dɛ do harɛ nɔ ta, ba kpeɡo kohona dɛ do kpeɡri. A ɡɛ nɛra nɔ ɛ harɛ nɛra la bihaahna baa lol ba ne nyundua nɛra la naanar. A ɡɛ nɛra nɔɔ kpeɡa kohona a ɡɛ saŋ tena la bini dɛ dɔ sɔna la.

Aesaya 29:6

Koranar Bwa Kooro ɛɛ ba lɛ heyaa bwaala kɔɡra nee, harɛ jiɡri, ɡbɔɡa tɔ kohona, peukpeɡ ta, bwaalachɔɡe nɛ, nii chɔɡ kwa.

Jeremia 13:16

Hé tɛ Korowii haa dɛ tomɔ nɔ jirima mɔɔ o ɡel bɔr bir, ásɛ he bɛ naa lɔ deŋɡarere dor. Hé dɛ nyin kɛ bɔr chaah he nɛ, kɛ wɛɛ berɔ ɡel bɔr chaahna la berɛ biro ta he nɛ, dɛ́ bir kpirkpir ken.

Malakae 2:2

dɛ he vɛh n waa nɔ noe, dɛ vɛh jirima kpɔe dɛ́ tɛ n sɔn he bambile bwa ne naa, taahnaa mɛɛ ba heyaa taahna, dɛ́ ɡel kɛ n fe aa swee andɛɛɡa tɛ heya. N dɔɔ taah heya, dɛkalkɛ he ta he liire ɛɛ kɛŋɔ he kpɔ jirima tɛ mɛ.

Amanesoma Jɔn Aa Chwera Tɔn 9:24

Ba berɔ yerɛ baa la o fa aa nyoŋa la nɛɛtena, asɛ dɛ ŋɔ o be ŋɔ, “Nyiŋi Korowii dɛ bol kasinteŋ. Ya te jemɔ kɛ baa nɔ waa chaeh nɔ ɛ wechɔɡ-ɛɛ.”

We-ɛɛla 1:15

Aa baa di tɔpera anɛ la, ba bala la bwa chemo. Baa tel nɛra lafa fifraanɛɛ. Asɛ Pita ir che ba baah ta dɛ ŋɔ,

Josua 7:19

Anee Josua ŋɔ Akan be ŋɔ, “N bie, ɔmɛ Korowii, kpɔ duure tɛ Korowii Israel tena aa dɛ tomɔ la, dɛ́ bol he wechɔɡa haa ɛa la, dɛ bɛ nyosone teŋe. Bol wobɛlbwa haa ɛa, bɛ kpɔ sɔɔh mɛ.”

Wepila 11:11

Asɛ tɔpera atoro ne fah habɔɔ la, hweera le Korowii be, dɛ jo ba nɛɛ ba dɔ mkpa dɛ ir, asɛ ɔmee lawɛ nɛra baa cheɡa dɛɛ nyiŋ ba la taeh.

Wepila 11:19

Asɛ Korowii Dea waa lɔ nyundua la pili, ba na Korowii Ne Nɛwɛnyina Fɔo Daka la. Bwaala ɛɛ nyɛɡle pelɔpelɔ ken, dɛɛ kɔɡre, harɛ ɛɛ jiɡri, dombwea ɛɛ lee kohona.

Wepila 14:7

O kpɔ takpeɡ dɛ ŋɔ, “Hɛ́ɛ ɔmɛ Korowii dɛ́ɛ tɛo jirima, dɛkalkɛŋɔ tɔpere la telo kɛŋɔ ó bol nomɛlbwa waa dɛ́ pa bole. Hɛ́ɛ duu Korowii waa ta nyundua ne harɛ, ne mpo ne neerare bwa aa lɔ harɛ ta la.”

Wepila 15:4

Oo, n Naa Korowii, umee lole waa wola hen ɔmɔɔ? Umee wola hen sɔnee tɛɔ? He ɡboo do ɡoroŋ ka tonɛ. Harɛ ta nɛn te bɛlbwa ɛɛ ba ɡuŋi he siee dɛ́ tomɛ, dɛkalkɛŋɔ waa haa ɛa la toɡrɔ nomɛlbwa jemɛ.”

Wepila 19:7

Hé ɡel ya sie lɛ ya hɛɡre kohona. Yá tɛo sɔn, dɛkalkɛŋɔ Pebie la hanfale lawa telo. O haah ɡe kpɔ o te cheɡ.

Wepila 3:4

He ta dɔ nɛra tama baa wola ɡelɛ a do kɛŋɔ wechɔɡa doŋa do ba nɛ. Mɛɛ tɛɛ ba yapoŋaa bá tɔ, n ne ba valɛ, dɛkalkɛŋɔ ba chɛ ɡɛ.

Wepila 6:12

N berɔ na Pebie la swe kwaa baa kpɔa marɛ tɔn numɛlte la. Waa sweo la, harɛ jiɡro kohona, asɛ wee bir kɛŋɔ birisie ken, asɛ korobie swɛɛ kɛŋɔ chal.

Wepila 8:5

Asɛ nyundua torome la kpɔ kon la baa kpɔa dɛɛ fuh daawiile la, dɛ buh konsɔɔhsoma fuih bɔr nii la ane dɛ kpɔ ta harɛ. Asɛ bwaala jiɡri dɛɛ kɔɡre, dɛɛ nyɛɡle bobɛlbwa pelɔpelɔ ken, asɛ harɛ ɡe ɛɛ jiɡri.

1 Samoɛl 6:5

Hé kpɔ suuɡaswɛm konɡuleɡule anue la ne mari anue la aa dɛ chɔɡ he ne he harɛre ta nɛra bwa la, ásɛ dɛ kpɔ duure tɛ Korowii Israel tena aa dɛ tomɔ la. O ken ɛɛ laa deŋnetɛra laanee kpɔ he ne he harɛ dɛ he voɡa bwa nɛ.