Wepila 10:4 - mzwDBL

⁴ Bwaala kɔra la aa dɛ bol waa la, n fe dɛ nyin n chwerɛ, dɛ berɛ no taa bɛl nyundua o ŋɔ, “Gel waa bwaala kɔra anuanɛ la aa bola la do he ɡbo nyu bini. Gel a chwera!”

Wepila 10:4 ပူးပေါင်းရင်းမြစ်များ

Aesaya 29:11

Waa aa dɛ ba chiɡa kerekere ba naa kɛŋɔ chaahna ta nɔ, he bee a do kɛŋɔ waa chwera do tɔn ta, dɛ marɛ o nyoa. Asɛ dɛ he kpɔɔ tɛ nɛn waa jemɛ kura dɛ ŋɔ, “N poori, kure ń no aa,” o ŋɔ, “Maa won kure, ba marɛ o nyoa.”

Aesaya 8:1

Korowii berɔ ŋɔ n be ja ŋɔ, “Nyin tɔnjen ásɛ dɛ chwerɛ waa maa dɛ́ ba bola nɔ do o ta. Chwera a do bare. Anee kɛŋɔ Mahɛr Salal Has Bas. O munii kɛŋɔ, ‘Bá ɛ warane dɛ́ ka kam anɔ la baa won, bá kpɔ chwae dɛ́ ka pa laala aa kaa.’

Aesaya 8:16

Pa waa Korowii aa kpɔa tɛ mɛ la bwa pɛ. Marɛ o nyoa dɛ́ kpɔ cheɡ n habɔteŋra be.

Daneɛl 12:4

Ate, nyundua torome la ŋɔ n be ŋɔ, “Daneɛl, laa tɔn la tɔ dɛ́ kpɔ kwaa marɛ o nyoa ka tel waa bwa jaɡa saŋ. Nɛra ɛɛ warɔɔ dɛ́ la dɛɛ ba, dɛɛ nyin Korowii waa la dɛ́ jemɛ, ásɛ wejema warɛ taeh.”

Daneɛl 12:9

O ŋɔ, “Daneɛl, kaa taraken, dɛkalkɛ a ɡɛ waa nɔ ɛ waa aa chɛ kɛ ba laa tɔ, dɛ marɛ o nyoa ka tel waa bwa jaɡa saŋ.

Daneɛl 8:26

Chɔɔ ne jɔmɔre sarahare wepila baa baɡle a mun tɛɛ la ɛɛ ɛ kpelaa. Anomanta, marɛ wepila la nyoa, dɛkalkɛŋɔ aa la sie tama mɔɔ á chiɡ.”

Mmarare 29:29

Waane lole Korowii yaa dɛ tomɔ aa wola yaa baɡlɛ dɛ kpɔ sɔh yaa, kɛ o pili o Mmara waa bini ásɛ ya ne ya naanar baa ka ba la ɛɛ teŋɛ a ta saŋ bɛlbwa dɛɛ la.”

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 1:19

Chwerɛ waa haa naa nɔ, ne anɔ la aa lole taraken, ne anɔ la aa dɛ ba bala anɔ nɔ habɔɔ.

Wepila 10:8

N berɛ no taa la waa le nyundua dɛ bol waa n be la. O ŋɔ, “La ka lɛ tɔn la waa pila dɛ do nyundua torome la o naa bɛl aa lɔ mpo ta, bɛl che baŋ la nɔn ta.”

Wepila 22:10

O ŋɔ n be ŋɔ, “Bɛ waa aa dɛ ba bala kerekere dɛ do tɔn nɔ bini kpɔ sɔh. Ka baɡla, dɛkalkɛŋɔ tɔpere la telo tonɛ kɛŋɔ waa nɔ bwa ba ɛ.