Wepila 10:3 - mzwDBL

³ dɛ si kpeɡri nɛɛ kɛŋɔ nyujente yon dɛɛ si la. Waa sia la, bwaala kɔra anuanɛ la ɡe sɛoh.

Wepila 10:3 ပူးပေါင်းရင်းမြစ်များ

Aesaya 31:4

Waa Korowii aa bol men Aesaya be laanee nɔ. “Gɛ nyujente onjen yon lawɛ ol dɛ́ kpoo dɛɛ ŋoo, ásɛ ba yerɛ peteɡra warɛ ŋɔ, bá doŋu, waa wola aahra baa dɛ aahro la ɔmɛ, waa wola ba ɡbɔɡa chaŋe la, ɡɛ tentenee men Koranar Bwa Kooro ɛɛ ba bala bá ɛ Saayɔn Bwejen ta, dɛ́ ba yo Jerusalam dɔma nomɛlbwa aa wola won kah mɛ.

Wepila 4:5

Dɛ kookara la waa lɔ baah ta la bɔr dɛ ɡbɔɡre kɛŋɔ, bwaala aa dɛ nyɛɡle dɛɛ jiɡri dɛɛ kɔɡre la. Kandere anuanɛ ɡe cheɡɛ kookara la sie dɛɛ hɔ. Korowii Domare anuanɛ laanee.

Emɔs 1:2

Emɔs ŋɔ, “Korowii baah diu o kɔr le Saayɔn Bwejen ta, o taa kpeɡri kɛŋɔ bwaala aa dɛ kɔɡre ken, o le Jerusalam dɛɛ ba. Kondɛɛra dibɔra bwa holɔ, Kaamɛl Bwejen doa kpɔɡa bwa serewe.”

Joel 3:16

Korowii ɛɛ kɔroo le Saayɔn Bwejen ta, o taa do kɛŋɔ bwaala aa dɛ kɔɡre ken, o le Jerusalam dɛɛ ba, nyundua ne harɛ ɛɛ jiɡri. Korowii ɛɛ doo kɛŋɔ danjwɛkpeɡ ken, ásɛ o nɛra chwa kaa marɔ.

Wepila 15:1

N berɔ na wejena ane Korowii doa, a do kan dɛ baɡle waane. A ɛ nyokpoa taeh. N na nyundua toroma banuanɛ ba kpoŋe hɔhɔrɔwa bele anuanɛ. Anee hɔhɔrɔwa aa ka mun ba ɛ, dɛkalkɛŋɔ anee dɛɛ ba ɛɛ mɔɔ Korowii baah sɔɔh.

Wepila 14:2

Asɛ n no ɡbɔɡa nyundua kɛŋɔ chuubu aa dɛ si ken, a berɛ do kɛŋɔ bwaala aa kɔra kohona la. Dɛ o dɛ si kɛŋɔ baa dɛ lɔ janjela la.

Wepila 8:5

Asɛ nyundua torome la kpɔ kon la baa kpɔa dɛɛ fuh daawiile la, dɛ buh konsɔɔhsoma fuih bɔr nii la ane dɛ kpɔ ta harɛ. Asɛ bwaala jiɡri dɛɛ kɔɡre, dɛɛ nyɛɡle bobɛlbwa pelɔpelɔ ken, asɛ harɛ ɡe ɛɛ jiɡri.

Emɔs 3:8

Nyujente kɔraa, umee wola ɔmɔɔ? Nemenɛ Korowii bol wa aa, umee wola la ka bol o waa aa dɛ ba bala laɔ?

Jeremia 25:30

Hen Jeremia, bol n waa la ba be ŋɔ, ‘Korowii dɛ kɔɡre kɛŋɔ nyujente dɛ le nyundua dɛɛ ba. O taa do kɛŋɔ bwaala kɔra, dɛ le o soŋnibɔr waa do ɡoroŋ bela, dɛɛ nyɛɡ o nɛra baa lɔ o harɛ nɔ ta nɛ. Wɛɛ tiɡri ba nɛɛ kɛŋɔ ba yon dɛɛ tiɡri ɡrepo daa nɔna la ken.

Aesaya 42:13

Korowii ɛɛ leo kɛŋɔ banyoo o siwi aa swɛɛra, o kpɔ takpeɡ kɔɡre dɛɛ yerɛ laa tena, dɛɛ yo o dɔma kpeɡri nɛ.

Aesaya 5:29

Ba ɡbɔɡa do kɛŋɔ nyujentena aa dɛ si. Gɛ nyujente lawɛ ol dɛ́ yon tuuɡu dɛɛ kaa dɛɛ kɔɡre la, ɡɛɛ ba lawɛ n nɛra dɛɛ kaa, dɛɛ ɛ, nomɛlbwa aa wola won lɛɛ ba.

Sɛɡla 19:12

Kooro bandia do kɛŋɔ nyujente aa sia ken, asɛ o silɛɛ ɡe do kɛŋɔ mɛn aa ta kpɔɡa ta ken.

Wepila 15:7

Asɛ hweera kwaa anaarɛ la bɛl kpɔ suuɡaswɛm loɡa anuanɛ tɛɛ ba. Korowii waa lole saŋ te bɛlbwa la bandia su a bwa.

Yela 29:3

Korowii taa bɔle mpo ta, Korowii waa dɔ jirima kɔrɔ kɛŋɔ bwaala ken, a ka le mpo ta bobɛlbwa.

Ɛsekeɛl 10:5

Kerobim la kena dɛ si, dɛ nɛn lɔ dembaah la baŋ kwaraa naa, o dɛ no sii la. A sii la do kɛŋɔ Korowii Waa Ɛ Kpeɡri Bwa Dɔɔ la taa ken.

Hosia 11:10

Dɛ n kɔr n nɛra dɔma nɛɛ kɛŋɔ nyujente aa, baa teŋɛ n nɛɛ. Baa le wee cholibɔree dɛ́ ba n be warane.