Wepila 10:11 - mzwDBL

¹¹ Anee ba ŋɔ n be ŋɔ, “A chɛ kɛŋɔ hé baɡle waa aa dɛ ba nɛndamanta baa lɔ harɛre bwa ta ne wobol bwa soo siwi dɛ koranar bwa ɛɛ kerekere la ja.”

Wepila 10:11 ပူးပေါင်းရင်းမြစ်များ

Jeremia 25:13

Wɛɛ kpɔ wenaale bwa baa chwera do tɔn nɔ bini, o che men Jeremia nɛɛ ŋɔ wɛɛ kpɔɔ ba ta harɛ la ta laanee ba ta ba nɛ.

Ɛsekeɛl 37:4

Anee Korowii ŋɔ n be ŋɔ, “Bol hoɡa la be, waa aa dɛ ba a nɛɛ bala. Ŋɔ á cheɡ deŋne dɛ́ no men Korowii wa.

Ɛsekeɛl 37:9

Belaa Korowii ŋɔ n be ŋɔ, “Nɛwɛnyini bie, yerɛ peu dɛ́ bol waa aa dɛ ba bala, dɛ́ ŋɔ men Nemenɛ Korowii ŋɔ, ‘Peu, le bobɛlbwa dɛ́ ba jo nɛra baa kpoo ba bil nɔ bini, ásɛ ba dɔ hweera dɛ́ dɔ mkpa.’ ”

Wepila 10:10

Asɛ n lɛ tɔnjeɡa la le o nɔn ta, dɛ kpɔ chwe, o do som n nyoa bini kɛŋɔ tooh ken. Maa lilo la, o berɔ do kpeli n tea bini o ɛɛ mɛ haŋŋ ken.

Wepila 11:1

Ba kpɔ daa bɛl baa kpɔa dɛɛ maɡɛ kwaa o do kɛŋɔ daŋɡbala tɛ mɛ, dɛ ŋɔ n be ŋɔ, “Korowii ŋɔ hé ir kpɔ daa nɔ ka maɡɛ Korowii Dea ne bela baa dɛ fuh kwaa dɛɛ tɛo la, dɛ́ kure nɛra baa dɛ tomɔ o bini la.

Wepila 11:9

Wobol te bɛlbwa nɛra baa lɔ harɛ nɔ ta bobɛlbwa ɛɛ nyiŋi ba lala laanee tɔpera atoro ne fah, baa wola sɛh ba huɡ ba.

Wepila 14:6

Belaa n na nyundua torome bɛl waa ira kpɔ nyundua, dɛ kpoŋe Amanesoma aa wola tonɛ bwa, dɛ kpɔ dɛɛ la ka bol wobol te bɛlbwa nɛra baa lɔ harɛ nɔ ta bobɛlbwa be.

Wepila 17:10

Ba bini banue toole kpa. Bɛl ta dɛ di o kora. Bɛl ɡe ta lole, o ta dii mɔɔ. Dɛ o baa di aa, waa kora taa biɡri.

Wepila 17:12

Nyeɡlare fi haa naa la cheɡɔ tɛ koranar fi baa wola kora dii mɔɔ. Ba tɔpere telaa, baa di koraa dɔŋhwere beŋkpoŋ ɡbo. Ba ne olchɔɡe la bwaa dɛɛ ba pɛɛ di kora.

Wepila 17:15

Nyundua torome la ŋɔ n be ŋɔ “Neerare la haa naa kɛŋɔ jwamane te la soɡe a nyoo la cheɡɔ tɛ wobol te bɛlbwa nɛra baa lɔ harɛ nɔ ta bobɛlbwa.

Wepila 5:9

Ba ɡo yelfale bɛl ŋɔ, “He chɛ tɔn la kpɔe dɛ́ swe o nyoa kwaa la, dɛkalkɛŋɔ ba fa kpoe, asɛ he kpɔ he chal yawɛ nɛra tɛ Korowii dɛ le wobol te bɛlbwa nɛra baa lɔ harɛ nɔ ta bobɛlbwa,