Wepila 10:1 - mzwDBL

¹ Anɔ bwa habɔɔ la, n berɔ na nyundua torome bokpeɡa te bɛl, o le nyundua dɛɛ tu. O kpɔ baama tɔ kɛŋɔ yal ken. Bwaala deŋɡare bar o nyu, o siebɔr ɛɛ chaah kɛŋɔ wee, asɛ o nakpale ɡe do kɛŋɔ nii.

Wepila 10:1 ပူးပေါင်းရင်းမြစ်များ

Yela 104:3

dɛ ma he sobɔr baama baŋ nyundua. He kpɔ baama berɛ kon waa do kɛŋɔ torɔɡo, dɛ so o bini dɛɛ kaa, a do kɛŋɔ peu aa dɔ kena dɛɛ kaa he ne la ken.

Yela 97:2

Baama ne biro baro cheme, waa aa toɡra ne kasinteŋ nee wɛɛ di kora.

Kaala 16:10

Arɔn aa dɛ bol waa la Israel tena bwa be la, ba nyiŋo dɛ na pua hɛŋle ɡbo harɛ ta bela kɛŋɔ Korowii jirima aa chaahna le bam bɛl ta nyundua.

Yelsom 5:15

O nakpale wer dɛ do kpeɡri kɛŋɔ pilare baa kpɔ bwedɛɛɡa aa toa ɛa, asɛ a chɔŋɛ suuɡaswɛm loɡa ta. O mar wer dɛ dɔ jirima kɛŋɔ Lɛbanɔn peleme dajaŋa.

Aesaya 19:1

Waa aa chiɡ Ijipt harɛ ta, Korowii bol baɡle Aesaya chaahna ta laanee nɔ. Hé na! Korowii cheɡɛ bam ta, dɛɛ ba Ijipt harɛ ta wɔrɔbe nɛ. Voɡare aa lɔ bela bwa jum jah o sie, asɛ bela tena bwa bwara yɔr.

Aesaya 54:9

A do kɛŋɔ Nowa ber saŋ ken n be, ɡɛ maa ŋwɛɛra kɛ maa ɡel nee su bɔle harɛ bwa kpa la. Gɛɛ taraken mɛɛ ŋwɛɛ kɛŋɔ n baah aa he nɛɛ di ń tɛr he deŋne kpa.

Wiile 3:44

He kpɔ bandia bɔle he te kɛŋɔ bam, ásɛ ya wesoŋa bɛ won tel he be.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Daneɛl 10:6

O bwara do kɛŋɔ bwedɛɛɡa ane aa dɛ nyɛɡle baa yera kresolɛt, o siebɔr do kɛŋɔ bwaala aa dɛ nyɛɡle ken, o sibie do kɛŋɔ kapɛle aa dɛ hɔ, o nɔɔra ne nakpale do kɛŋɔ ayaawa baa looru ken, asɛ o taa do kɛŋɔ nɛnlaa aa bol waa dɛɛ nyɛɡ ken.

Daneɛl 7:13

Wepila la ta jwaana la ne la, n na nomɛl kɛŋɔ nɛwɛnyini bie ken, o le nyundua baama bini dɛɛ ba. O baa tel Nɛn Waa Lole Saŋ La Bwa la jwɛh, asɛ dɛ ba che o sie.

Lewi Dea Tena 16:2

O ŋɔ, “Ŋɔ he dɔɔ Arɔn be kɛŋɔ, o bɛ pateesan waa tɔ Boɡoroŋ Tenten la habɔɔ jo kaa bela N Ne Nɛwɛnyina Fɔo Daka tɔ la aa lole la warawara, dɛ́ ba sewɛ. Dɛkalkɛ Daka la tɔ doa belaa n che dɛɛ ba he be bam ta.

Matiu 17:2

Baa soɡa la, dɛ Yeesu beɡrɔ, o siebɔr do kɛŋɔ wee ken, asɛ o laala waa doa la ɡe to dɛɛ nyɛɡle al-al ken.

Amanesoma Luk Aa Chwera Tɔn 21:27

Belaa baa ba Men Nɛn Bie nae kɛŋɔ maa lɔ bam bini dɛɛ ba kpeɡri ne jirima a dɔŋa aa wola toole ne.

We-ɛɛla 26:13

N Naa kooro, yaa lɔ ŋwɛnɛ ta dɛɛ kaa la, ɡɛ saŋ wee aa cheɡɛ nyufala la, n ne nyiŋa dɛ nii le nyundua dɛ chaah bɔr ɡwaa wee, dɛ chaah bɔr bar n ne nɛra yaa dɛ valɛ la.

Wepila 1:7

Hɛ́ɛ no! Wɛɛ bao. Baama taa o che dɛɛ ba bala. Nomɛlbwa ɛɛ na o balaa. Nɛra ba fa aa yaɡɔ dɛ kpoo la, ba ɡba ɛɛ nao. Harɛ nɔ ta nɛra bwa ɛɛ nao, dɛ́ koh o bala waa dɛ ba la waa dɛ́ wi. Aa ba ɡɛɛ. Aamen.

Wepila 18:1

A habɔɔ la, n na nyundua torome bɛl o le nyundua dɛɛ tu. O dɔ kpeɡri kɛrɛdɛ. O jirima nomanta, harɛ bwa chaahnɔ.

Wepila 18:21

Belaa nyundua torome bokpeɡa te bɛl ɡɔɔ bwe bɛl waa do kan kɛŋɔ nambwejen, dɛ kpɔ ta mpo ta, dɛ ŋɔ, “Kenii baa ba bwɛjen Babelɔn la kpɔe dɛ́ ta kpeɡri nɛɛ baa wola on na kpa bwa.

Wepila 20:1

Belaa n berɛ na nyundua torome bɛl o le nyundua dɛɛ tu. Waa dɛ tu la, dɛ o kpoŋe Bɔnsam Bɔluŋ la safoa ne jɔɡrɔjen bɛl.

Wepila 4:3

Naate waa soɡe o ta la dɛ nyɛɡle al-al kɛŋɔ bwedɛɛɡa answɛɛma aa dɛ nyɛɡle. Dɛ bwaala deŋɡare bɛl bar o kookara la, dɛ do kɛŋɔ bwelwɛɛne ane aa dɛ nyɛɡle.

Wepila 5:2

N na nyundua torome bokpeɡa te bɛl wɛɛ bol waa takpeɡ ne ŋɔ, “Umee ń dɔ ó laa kwaa baa kpɔa marɛ tɔn la kera anuanɛ la swe, dɛ́ pilu wɔ?”

Wepila 8:13

N berɛ nyiŋi dɛ na kee bɛl waa dɛ ɡah nyundua dɛ kpɔ takpeɡ dɛɛ si, “Waa dɛ ba! Waa dɛ ba! Waa ɛɛ pu nɛra baa lɔ harɛ taa. Dɛ nyundua toroma batoro la baa kaa dɛ hoh ba bɛle la hoɔh waa, waa ɛɛ pu harɛ ta tenaa.”