Wepila 1:17 - mzwDBL

¹⁷ Maa nao la, n cholo chɔ o sie kɛŋɔ serewe ken. O kpɔ o nɔndiɡ dawɛ n nɛ, dɛ ŋɔ, “Bɛ ɔmɛ. Menee komɛlbwa Sitɔɔ ne a Muŋkaa bwa.

Wepila 1:17 ပူးပေါင်းရင်းမြစ်များ

Mumpar 15:1

Waa la habɔɔ la, Korowii pili waane bini baɡle Abram dɛ ŋɔ, “Abram, bɛ ɔmɛ. Mɛɛ tɔe ɡbemɡbee dɛ́ tɛɛ kembɔr kohona.”

Yela 139:5

He lɔ n sie dɛ do n habɔɔ, dɛ kpɔ nɔn dɛɛ tɔ n nɛɛ he kpeɡri ne.

Kaala 14:13

Asɛ Mosis chaŋ ba ŋɔ, “He bɛ ɔmɛ, hé che kiŋkiŋ dɛ na lɛɛ Korowii aa dɛ ba heyaa lɛɛ fini. Ijipt tena haa dɛ na ba fini nɔ, haa ban na kpa bwa.

Kaala 20:20

Asɛ o ŋɔ nɛra la be ŋɔ, “He bɛ ɔmɛ. Korowiirii bala dɛ́ ba daah heyaa na, ásɛ hɛɛ ɔmɔ dɛ́ ɡel wechɔɡa ɛɛ.”

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 41:4

Umee ɛ waa nɔ dɛ ɡel a maɡre, kɛŋɔ waa yerɛ nɛra ne ba naanar ne ba ɡe naanar le mumpar bá ɛ o toma ɔ? Men Korowii maa lole le mumpar la, menee ɛa, menee dɛɛ ba nɛra baa ka mun ɡe nɛɛ jae.

Aesaya 44:6

Nemenɛ Korowii waa ɛ Israel tena Kooro ne ba Lɛɛ la ŋɔ, “Menee komɛlbwa Sitɔɔ, ne a Muŋkaa bwa, n habɔɔ Dɔɔ bɛlbwa toole.

Aesaya 48:12

Korowii berɔ ŋɔ, “Hé no n be, Israel tena maa yerɛ heya. Menee Korowii, menee komɛlbwa sitɔɔ, ne muŋkaa.

Wiile 3:57

He no n wesoŋa la, dɛ ŋɔ n be ŋɔ n bɛ ɔmɛ.

Ɛsekeɛl 1:28

Gɛ bwaala deŋɡare yon le baama ta bɔr chaah la, ɡɛɛ bɔr waa chaahna bar kookara la do. A dɛ baɡle ɡɛ Korowii jirima aa doa. Maa nao la, n cholo dɛ kpɔ sie pi harɛ, asɛ dɛ no taa bɛl.

Daneɛl 10:12

Ate, o ŋɔ n be ŋɔ, “Daneɛl, dɛɛ berɛ ɔma, le awola haa ɛ he liire kɛ he pwɛr he te tɛ Korowii haa dɛ tomɔ, dɛ no waa nɔ mun la taa o no he wa. N balɔ dɛ́ ba chae he wesoŋa la wa.

Daneɛl 10:15

O ta aa dɛ bol waa n be la, n kpɔ sie pi harɛ dɛ bol waa kahonɛ.

Habakuk 3:16

N noɔ asɛ n bambile teŋe, n nyoa kpo a ɡɛ ɡbɔɡa la wa, n bwara yɔrɔ, n nakpale bwa ɛɛ sa. Kɛ n sɔɔh bwara dɛɛ kpa tɔpechɔɡe wee Korowii aa ba tɛr nɛra baa dɛ yo yaa deŋne.

Matiu 14:27

Yeesu den ŋɔ, “Hé lawɛ bambile. Menee! He bɛ ɔmɛ!”

Matiu 28:4

Soojare baa dɛ daah bela la aa nao la, ba ɔmɔ taeh, ba bwara ɛɛ sa, ba bwa chɔɔɡe kɛŋɔ nɛra baa serewa ken.

Matiu 28:5

Anee nyundua torome la ŋɔ haahna la be ŋɔ, “He bɛ ɔmɛ. N jemɔ kɛ Yeesu baa kpaaro pɛl daɡaɡre ta o sewɛ la bɔree hɛɛ nyin.

Amanesoma Jɔn Aa Chwera Tɔn 13:23

Dɛ ba bini bɛl Yeesu aa dɛ nyinu kohona la soɡo kpaɡɔ.

Amanesoma Jɔn Aa Chwera Tɔn 21:20

Baa dɛ kaa la, Pita keo nyiŋi dɛ na kɛŋɔ o dɔŋ habɔteŋre Yeesu aa dɛ nyinu kohona la teŋɛ ba nɛ. Onee fa soɡa kpaɡɛ Yeesu ɡɛ saŋ o ne o habɔteŋra la aa chema tiɡ ta, asɛ dɛ bɔɔro naate waa dɛ ba o lee tɛ la.

Wepila 1:11

O ŋɔ n be ŋɔ, “Waa nɔ haa dɛ ba nae nɔ, chwera do tɔn bini, dɛ́ kpɔ ka tɛ asɔrere anuanɛ aa lɔ Ɛfesos ne Smɛɛna ne Pɛɛɡamɔm ne Tiatra ne Saades ne Feladɛlfea dɛ Laodisia la.”

Wepila 1:4

Men Jɔnee chwerɛ waa nɔ dɛɛ tɛ asɔrere bele anuanɛ aa lɔ Eesia harɛ ta la. Korowii waa lole saŋ la dɛ ba le fini, dɛɛ ba le doe saŋ bɛlbwa la, o ne o Domare anuanɛ aa lɔ o kookara mun la,

Wepila 1:8

Nemenɛ Korowii Waa Ɛ Kpeɡri Bwa Dɔɔ dɛ do le saŋ la dɛ ba le fini, dɛɛ ba le doe saŋ bɛlbwa la, o ŋɔ, “Menee komɛlbwa Mumpar ne a Jaɡa.”

Wepila 2:8

Tɔn nɔ dɛ kaa nyundua torome waa cheɡa tɛ asɔre tena baa lɔ Smɛɛna la be. “Kenii men maa ɛ komɛlbwa Sitɔɔ ne a Muŋkaa, dɛ sewɛ, dɛ ir la ŋɔ,

Wepila 22:13

Menee komɛlbwa Sitɔɔ, menee a Muŋkaa. Menee wobɛlbwa Mumpar ne a Jaɡa.