Wejereme 9:5 - mzwDBL

⁵ Weera jemɔ kɛ baa sewɔɔ, kɛ nɛra baa serewa aa wobɛlbwa jemɛ, ba ta kembɔr bɛlbwa dɔe, nɛra aa ba waa kwaraa lii kpa.

Wejereme 9:5 ပူးပေါင်းရင်းမြစ်များ

2 Samoɛl 14:14

Ya bwa ɛɛ serewoo kɛŋɔ baa fuɡe nee ta aa palɛ harɛ, baa wola won berɛ boa a nyoa kpa la ken. Kɛ Korowii aa ɡel nɛn waa sewa berɛ ba mkpa ta, kɛ kooro fe ɛɛ won che ŋwɛnɛ bɛl ta, dɛ́ ɡel nɛn baa lawɔ laa ta kaa bojaŋ harɛfale ta berɛ ba o harɛ ta.

Job Tɔn 14:21

O bibaala dɔ jirima kwaraa naa waa jemɛ, ba di sihiih ɡe aa, waa no.

Job Tɔn 30:23

N jemɔ kɛŋɔ seo binii hɛɛ kaa n ne, bela haa lea cheɡ nomɛlbwa la.

Yela 109:15

N Naa Korowiirii dɛ́ lii ba wechɔɡa saŋ bɛlbwa, dɛ́ ɡel nomɛlbwa bɛ ba waa lii harɛ nɔ ta kpa.

Yela 6:5

Nɛn sewaa, waa he waa lii kpa. Umee dɛɛ kpɛɛre lalabwɛ ɔ?

Yela 88:13

N Naa Korowii, n wio dɛɛ noe kɛ he cha mɛ, chɔɔ bɛlbwaa n kpɔ n wesoŋa dɛɛ bil he sie.

Wejereme 1:11

Nomɛlbwa aa saŋ la baala waa lii kpa, hale banɔ la ba taa dɛ ba ba lola, nɛra baa lol ba, ba ɡe habɔɔ la, aa ba waa lii.

Wejereme 2:16

Baa wejerema ne ɡɛna bwa waa liira ba, baa soh ba bwa waa, tɔpera a taa dɛ ba bala ta. Gɛ ɡɛne aa sewɛ la, ɡɛɛ wejereme ɡe ɛɛ ba sewa.

Wejereme 7:2

A wer kɛŋɔ nɛn la lwe mun, dɛ ɡwaa kɛ waa la bela baa dɛ di kondikonjena, dɛɛ lɛ ba sie, dɛkalkɛ nomɛlbwa ɛɛ sewɔɔ. A chɛ kɛ nomɛlbwa ɛɛ do waa nɔ dɛɛɡɔ.

Wejereme 8:10

N berɔ na nyubinikpeɡ tena baa huɡ ba, kɛ nɛra le huɡribɔr bela ba naa, ba yon berɛ dɛɛ kpɛɛ ba bwɛjen la bini baa soɡa dɛ ɛ wechɔɡa la. Anɔ bwa ɡe ɛ wepuu.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

Wejereme 9:4

Kɛ nomɛlbwa waa wola sewɛ mɔɔ, dɛ ta so harɛ nɔ ta dɔ hwɛɡa. Nyoate waa wola sewɛ ɡwaa nyujente waa sewa.

Aesaya 26:14

Taraken, ɡɛ nɛra la serewɔ, ba toole kpa, ba lala aa ir kpa. He tɛr ba deŋne dɛ chɔɡ ba, nomɛlbwa aa ba waa lii kpa bwa.

Aesaya 63:16

Dɛ ya nabaa Abraham ne Jekɔb ŋɔ baa yaa jemɛ kwaraa naa, he te aa yaa ta, henee ya mɛɛ.

Amanesoma Luk Aa Chwera Tɔn 20:32

A habɔɔ la, haah la ɡe baa sewɛ.

Hibru 9:27

Kerabeŋkpoŋii nɛwɛnyini bɛlbwa ɛɛ ba sewa, ásɛ a habɔɔ la, Korowii bol o waa dɛ́ pa bole.