Wejereme 9:13 - mzwDBL

¹³ N berɔ na waane aa ɛ wejemwaa aa lɛ n sie harɛ nɔ ta.

Wejereme 9:13 ပူးပေါင်းရင်းမြစ်များ

2 Samoɛl 20:22

Ate, haah la kpɔ o liire waa ba a ne la tɛ nɛra la bwa, asɛ ba sɛh dɛ teŋe Seeba nyu dɛ kpɔ viɡru. Belaa o hoh bɛla la, asɛ o laa tena la bwa peɡre le bwɛjen la ta, asɛ bɛlbwa kaa o dem. Asɛ Joab ɡe berɛ kaa kooro be Jerusalam.

Wejereme 6:1

N berɔ na wechɔɡa ane harɛ nɔ ta, aa do tɔɡre kohona kɛŋɔ bone, dɛ dawɛ nɛra nɛ.

Wejereme 7:15

N soɡa maa soɡa aa wola mun dɔe nɔ, webele anɛ aa teŋa nɔɔ n na, nɛn o wa aa toɡra dɛ́ sewɛ o wedɛɛɡa ɛɛ wa, ásɛ nyubinikpeɡ te so dɛ́ biɡri o wechɔɡa ta.

Wejereme 7:19

Wejema ɛɛ won ɡel nɛmbeŋkpoŋ di kpeɡri, dɛ́ ɡwaa koranar fi baa lɔ bwɛjen ta.

Wejereme 8:16

N siwi beɡrɔ n nyiŋi ɡɛ wejema aa doa, dɛ na nɛwɛnyini koeh waa dɛ koh harɛ nɔ ta. N nao kɛŋɔ nɛn aa wone dɛɛ chɔ dom chɔɔ ne jwaana,

Wejereme 9:11

N berɔ na waane ɡe harɛ nɔ ta. Nɛra baa won chwae kohona laa chwaa dɛɛ tɔ sie, banyoola bwa laa wona yo laa dɛɛ pɔ nɛra nɛ. Wejema laa dɛɛ tɛ kondikwa, kɛɛ nɛn o liire bini aa chaahna laa dɛɛ dɔ kondɔɔh. Nɛn waa hweli tɔn kaa sie bwa laa dɛ́ won ɛ nomonjen. Kɛ wedɛɛɡa ne wechɔɡa dɛ ba ba bwa nɛ.

Wejereme 9:12

Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Wejereme 9:14

Dɛ bwɛjen bɛl waa wola kanɛ kohonaa fa lole, nɛra baa lɔ o ta ɡe aa kanɛ. Kɛ kooro bɛl waa kpeɡa kohona kpɔ o laa tena ba chɔ baro, dɛ ma kwaa baa che a ta jo bwɛjen la ta.

Daneɛl 2:14

Dɛ baa bɛl sɔne Areɔk, onee chɔ nɛra baa dɛ daah kooro la nyoa. Waa laŋa dɛɛ la ka kpoo Babelɔn harɛ ta wejerema la, Daneɛl kpɔ wejema ŋwɛnɛ ta, dɛ bol wobodɛɛɡa nomoa la be.