Wejereme 9:12 - mzwDBL

¹² Ane a bwa, nomɛlbwa aa o tɔpere jemɛ, ɡɛ ba yon kpɔ asau lawɛ pɛŋe, kɛɛ dɛ́ kpɔ bel lawɛ jumbie la, ɡɛɛ ba yon harɛ nɛra bela dɛ́ piɡri laɡ ba tɔpechɔɡe wee.

Wejereme 9:12 ပူးပေါင်းရင်းမြစ်များ

Yela 11:6

Wɛɛ fuɡe ninhɔla, ne jebɔrɔwe niinii ta ɡɛ nɛra la nɛ, dɛ́ tɛr ba deŋne peuwɔb ne.

Sɛɡla 24:22

Wekpeɡa ane ɛɛ won piɡri le Korowii kɛɛ kooro la be dɛ ba. Umee dɛ won jemɛ wahala aa le ba bɛlbwa be dɛ́ ba nɔ?

Sɛɡla 29:6

Nɛnchɔɡe bɛlbwa wechɔɡaa dɛɛ lawɔ, kɛ nɛn o wa aa toɡra te, silɛɛ ne hɛɡraa o bwa.

Sɛɡla 6:15

Anomanta, kerabeŋkpoŋii wekpeɡa ɛɛ ba ba nɛɛ bala, buɡ taa aa ba ba nɛɛ chiɡa, dɛ́ chɔɡ ba, ba chah kahonɛ.

Wejereme 3:19

Webeŋkpoŋii chɔ le dɛ tɛ nɛwɛnyina ne ola bwa, ɡɛ bɛl aa sewɛ la, ɡɛɛ o dɔŋ ɡe ɛɛ ba sewa. Hweera beŋkpoŋii lɔ a bwa bini. Nɛwɛnyina ta ola ɡwaalɛ. Wobɛlbwa ɛ wepuu.

Wejereme 8:11

Nɛn ɛ wechɔɡa ba ta o deŋnetɛra kpɔe tɛo warane naa, nɛra dɛ dɔ liifala dɛ kpɔ dɛɛ ɛ wechɔɡa.

Wejereme 8:8

Nomɛlbwa ta kpeɡri dɔe o doma nɛ, nomɛlbwa aa jemɛ tɔpere waa dɛ ba sewa. Gɛ baa wola won lawɛ nɛn le laa ta la, ɡɛɛ wechɔɡa aa wola nɛra baa dɛ ɛ wechɔɡa bini le.

Wejereme 9:13

N berɔ na waane aa ɛ wejemwaa aa lɛ n sie harɛ nɔ ta.

Aesaya 24:18

Nomɛlbwa waa no ɔmewaa ɡbɔɡa dɛ́ chwa la, wɛɛ ka le bɔɔ binii. Nomɛlbwa ɡe waa le bɔɔ bini dɛ́ takapɔ ir la, wɛɛ le bel taa. Nyundua ɛɛ piluu nee fuɡe, kwaa harɛ aa cheɡɛ a ta ɡe yiiɡi kohona.

Aesaya 30:13

he wechɔɡa ɛɛ ɛ heyaa kɛŋɔ danjwɛɛ waa pera dɛɛ ba chola, asɛ dɛ piɡri chole buɡ ta la.

Ɛsekeɛl 32:3

Anomanta, mɛɛ ta asawii lawɛ, ásɛ dɛ ɡel nɛra warɛ, dɛ́ tɛɡre ba ta baŋ.

Hosia 7:12

Mɛɛ ta asawii dɛ́ laɡ ba, kɛŋɔ baa dɛ lawɛ jumbii ken, dɛ́ tɛr ba deŋne wechɔɡa baa ɛa la wa.

Hosia 9:8

Korowii kpɔ men Hosia keame dɛ tom mɛ ŋɔ ń bol waa baɡle o nɛra Israel tena. Kɛ bobɛlbwa maa la la, ba dɛ har mɛ bela kɛŋɔ jumbie ken. Korowii Dea kwara, banee n dɔma.

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

Amanesoma Luk Aa Chwera Tɔn 12:39

Hɛ́ɛ no. Dɛ dem te fe jemɛ ɡɛ saŋ ŋwɛɛ aa ba ŋwɛo waa, o fe aa ɡel ó won ba jo o dem dɛ́ ŋwɛo.

2 Kɔrent 6:2

Korowii bolɔ ŋɔ, “Saŋ aa tela kɛŋɔ ń na he sum la, n no he be. N ta he chae vɛɛh a ɡɛ saŋ, n lɛ heya.” Hé no! Tɔpere telo kɛŋɔ he no Korowii be ó na he sum. Finii he lɛɛ tɔpere.

1 Tesalonika 5:3

Gɛ saŋ nɛra aa ba ŋɔ, “Bobɛlbwa sɔɔhnɔ, ya dɔ deŋnesɔɔhna name te” la, belaa dɛ harɛchɔɡ la ɛɛ ba ba piɡra. Wɛɛ piɡruu kɛŋɔ haah naa kpoŋe tea asɛ lol tea lɔɔ la ken. Gɛ saŋ la, baa bɔree dɔ dɛ chwa ka sɔh.

2 Timoti 2:26

ásɛ ba sie ba harɛ bá chwa le Bɔnsam bel waa laɡ ba dɛ ɡel baa ɛ o waa waa dɛ nyin la ta, ásɛ dɛ dɔ ba te.

1 Pita 2:12

Haa lɔ nɛra baa wola Korowii tomɛ baah nɔ, hé ɡel he wobɛlbwa toɡre, ásɛ dɛ ba dɛ bol he waa ŋɔ he ɛ wechɔɡ-ɛɛra aa, a habɔɔ la, bá na he we-ɛɛla kɛŋɔ a wer, dɛ kpɔ jam tɛ Korowii awola waa ba ya ne o na dɔŋa la.

2 Pita 2:12

Nɛra nɔ te do kɛ kpɔɡ bini ola Korowii aa taa ŋɔ báa kpoa la ken. Baa liire kpɔe dɛɛ ɛ wa. Waa mun noe kpeɡri ba be naa, sisa wobolee ba bol dɛɛ yaɡa. Baa serewoo kɛŋɔ ola ken.