Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Sekaria 9:4 - mzwDBL

4 Kɛ Korowii ɛɛ laa Taaya kondɔɔh bwaa kpɔ, dɛ́ paa ka ta mpo ta, ásɛ nii fuh o bwa dɛɛboo ken.

အခန်းကိုကြည့်ပါ။ ကော်ပီ




Sekaria 9:4
14 ပူးပေါင်းရင်းမြစ်များ  

Wechɔɡa ŋwɛnɛ kpɔe dɛ́ dɔ kondɔɔh ta tɔnɔ bɛlbwa dɔe, kɛ dɛ he waa toɡraa, a dɛ lee seo ta.


Kondɔɔh ta tɔnɔ dɔe seo tɔpere, kɛ he waa toɡrɔ aa, a dɛ lee seo ta.


Korowii tɛr o nɔn pa mpo ta, o ir mpo nyoa koranar ɡalɡa. O bol Keenan harɛ nɛra baa soɡe mpo nyoa la wa, dɛ chɔɡ ba dekpeɡa.


Baa taa wiilee ŋɔ, ‘Ba chɔɡ bwɛjen o sɔn aa lea la. Ba pa o stiimaere bwa le mpo ta kaa. A ɡɛ nɛra baa soɡe bwɛjen nɔ ta laanee dɛɛ di kpeɡri mpo ta, dɛɛ aah nɛra baa soɡe o nyoa la.


He sie fa beɡrɔ hɛɛ di bona, a che a ta he ɛ naɡrenyini, dɛ ɛ wechɔɡa. Asɛ n doŋi le n bwejen waa do ɡoroŋ la ta, dɛ ɡel Kerob la waa dɛ daahne la le he ne bwea aa dɛ nyɛɡle la baah ta.


He wechɔɡa ne kasinteŋ bɛ dii he bona dii ta ɡelɔ he kpɔ doŋa kah deene haa dɛ tomɛ a bini. A waa n ɡel nii ba le bwɛjen la ta, dɛ fuh o bwa dɛɛboo. Nomɛlbwa na ɡɛ bwɛjen la aa fuah dɛ berɛ tɔɔ.


“Nɛwɛnyini bie, bol Taaya kooro be ŋɔ men Nemenɛ Korowii ŋɔ, ‘He dɛ ɡɔɔ he te dɛ ŋɔ he ɛ voɡ, he dɛ so voɡ kara ta mpo bare cheme. Kɛ nɛwɛnyinii hen, he ta voɡ ɛɛ, he dɛ lii kɛ he ne voɡ wejema kɛrɛdɛ.


Baa kpoe dɛ́ kpɔe ta mpo ta kɛŋɔ baa huɡe la ken.


Mɛɛ yoɡ he bibaala ne bihaahnaa tɛ Juda harɛ ta tena, ásɛ ba ɡe yoɡ ba tɛ Seba tena baa soɡe bojaŋ harɛ ta la.” Korowiirii bola.


Anomanta, mɛɛ ɡeloo nii ba fuh danjwɛjena aa bar bwɛjen Taaya, dɛ́ fuh o dekpeɡa, dɛ́ chɔɡa.”


Bwɛjen Askɛlɔn tena ɛɛ nao dɛ́ ɔmɛ, bwɛjen Gasa tena ɡe na ba bambile wee ba, ásɛ Ekron tena ɡe hwɛɡa bwa tonɛ. Gasa tena kooro ɛɛ le ba nɔn taa, ásɛ Askɛlɔn chɔ pɛɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ