Bɔr aa joa la, Abram bɔne o bonɔɔna la bini kuore ta, asɛ ba ka yo nɛra la dɛ pɔ ba nɛ. Ba doŋ ba ɡɛ naaa dɛ ka tel bobɛl baa dɛ yerɛ bela Hoba waa lɔ Damaskɔs weekaŋle nyunduabɔr.
Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”
N Naa Korowii, henee dɛɛ tɛ mɛ bokpeɡa, dɛ do kɛ danjwɛkpeɡ n chwa baa marɛ n sibeɡra wee. Harɛre nɛra bwa ɛɛ le harɛ jaɡaa dɛ́ ba he be ba ŋɔ, “Ya naawa ta komɛlbwa dɔe, ka ja voɡare aa ɛ konsale aa wola tɔnɔ bɛlbwa dɔe ta.
Korowii berɔ ŋɔ, “Taaya tena teŋɔ dɛɛ ɛ wechɔɡa, a chɛ kɛ ń tɛr ba deŋne. Ba lawɛ harɛbir nɛra laa ta kaa bojaŋ Edom harɛ ta, ba ta beŋkpoŋri fɔo ba ne baa fɔwa la ta teŋɛ.
Korowii ŋɔ, “Gɛ peteɡre yon yo lɛ pee le nyujente nyoa, dɛ o nakpale anɛ ɡbo kɛɛ o deŋnekera ɡboo kaa la, ɡɛ tentenee mɛɛ ba Israel tena lɛɛ, banɔ la baa lɔ Samaria ne Damaskɔs dɛ yale ba kanedɛɛɡa ta bwa.
Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”
Koranar Bwa Kooro ŋɔ, “Mɛɛ tomɛ tɔn nyotaahna aa lɔ o ta laanee o kaa dem bɛlbwa baa dɛ ŋwɛ ta, ne dem bɛlbwa baa teŋe nyosone dɛɛ ŋwɛɛ n sɔn ta. Wɛɛ ka do dem la taa dɛ́ taɡɔ ɡo, dɛ́ kuuɡi o daa bwa kwaraa.”