Sekaria 8:8 - mzwDBL

⁸ Mɛɛ berɔ ba bane ba so Jerusalam, ásɛ ba ɛ n nɛra, n ɡe ɛ Korowii baa dɛ tom mɛ, ásɛ n nyiŋi ba nɛɛ kasinteŋ ne waa aa toɡra ne.

Sekaria 8:8 ပူးပေါင်းရင်းမြစ်များ

Ɛsekeɛl 36:28

Harɛ maa kpɔa tɛ he naawa laanee n berɛ dɛɛ ba kpɔe tɛ heyaa hé so o ta, ásɛ he ɛ n nɛra, ń ɡe ɛ Korowii haa dɛ tom mɛ.

Ɛsekeɛl 11:20

Ásɛ baa teŋɛ me Mmarare ne n waa ta kɛrɛdɛ. Mɛɛ kpɔ baa ɛ n nɛra, ásɛ n ɛ Korowii baa dɛɛ tom mɛ.

Wepila 21:3

Asɛ n no takpeɡ bɛl o le kookara la ta, dɛ ŋɔ “Hɛ́ɛ no! Taraken Korowii dobɔree nɛwɛnyini bini. O ne banee dɛ́ so, bá ɛ o nɛra ásɛ o ɡe ɛ ba Korowii, ba ne o so.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Jeremia 4:2

dɛ́ kpɔ kasinteŋ ŋwɛnɛ ne waa aa toɡra ta ŋwɛɛ n sɔn ta naa, amɔ mɛɛ swee andɛɛɡaa tɛ harɛre nɛra bwa ásɛ ba kpɛɛ mɛ.”

Wepila 21:7

Naate waa wona yo le la ɛɛ dɔ kwaa nɔ bwaa. Mɛɛ ɛ Korowii waa dɛ tom mɛ, ásɛ o ɡe ɛ n bie.

Sekaria 13:9

Bɔrbeŋkpoŋ nɛra nɔɔ mɛɛ ba kpɔe kpɔ nii ta kɛŋɔ baa kpɔ suuɡapoŋ ne suuɡaswɛm do nii ta dɛ laa a doŋa dɛɛ kpɔ a ta la. Baa yerɛ n sɔnee, ásɛ n ɡe sɛh ba be. Mɛɛ ŋɔɔ, ‘N nɛraa ban,’ ásɛ ba ŋɔ, ‘Korowii yaa dɛ tomɔɔ laanee la.’ ”

Ɛsekeɛl 37:27

Ba baahnee mɛɛ ba soɡa, dɛ́ ɛ Korowii baa dɛ tom mɛ, ásɛ ba ɡe ɛ n nɛra.

Ɛsekeɛl 37:25

Harɛ maa kpɔa tɛ n bonɔɔ Jekɔb la taa baa ba soɡa, harɛ ba naawa fa aa soɡe o ta la. Ba ne ba bii ne naanar, dɛ ba ɡe bii ɛɛ so o taa saŋ bɛlbwa dɛɛ la, ásɛ kooro waa do kɛ n bonɔɔ Kooro Devid ɛ ba kooro saŋ bɛlbwa dɛɛ la.

Lewi Dea Tena 26:12

Mɛɛ ja he nɛɛ, dɛ́ ɛ Korowii haa dɛ tom mɛ, ásɛ he ɡe ɛ n nɛra.

Sekaria 2:11

Harɛre ɡalɡa nɛra ɛɛ ba Korowii bee a ɡɛ saŋ, dɛ́ ba ɛ o nɛra. Wɛɛ so he baah taa, ásɛ he jemɛ kɛŋɔ Koranar Bwa Kooroo tom mɛ he be.

Joel 3:20

Nɛra ɛɛ so Juda ne Jerusalam harɛ saŋ bɛlbwaa, ka tel naanar baa ka ba bwa saŋ.

Jeremia 30:22

Gɛɛ hɛɛ ba n nɛra ɛɛ, ásɛ n ɡe ɛ Korowii haa dɛɛ tom mɛ.”

Sekaria 10:10

Mɛɛ berɔɔ le ba ne Ijipt harɛ taa ba, dɛ́ boa ba nyoa le Asiiria harɛ ta. Mɛɛ kpɔ baa ba Gelead ne Lɛbanɔn harɛre ta, ásɛ ba warɛ harɛre la ta baa wola a taa jo.

Jeremia 32:41

N sie ɛɛ lɛo kɛŋɔ mɛɛ ɛɛ ba wedɛɛɡaa, dɛ́ ɡel ba so harɛ nɔ ta saŋ bɛlbwa dɛɛ la.

Jeremia 31:1

Korowii ŋɔ, “Saŋ bɛl ɛɛ bao ásɛ Israel deene bwa kpɔ mɛ ɛ Korowii baa dɛɛ tom mɛ, ásɛ n ɡe kpɔ ba ɛ n nɛra.

Jeremia 23:8

Kɛ baa ŋɔɔ, ‘Korowii waa lole saŋ bɛlbwa, dɛ lawɛ Israel tena le weekaŋle nyunduabɔr harɛ ta, ne harɛre waa lɔ ba peɡre a ta.’ Ásɛ ba dɔ ba ɡbabir harɛ dɛ́ so o ta.”

Jeremia 11:4

A ɛ waa maa do ba naawa ɡɛ saŋ maa laɡ ba le Ijipt harɛ waa do wɔrɔbe ba nɛɛ kɛŋɔ nii aa won buni mwɛɛla la. N ŋɔ ba be ŋɔ, baa duu mɛ dɛɛ teŋɛ wobɛlbwa maa do ba a ta la ta, ásɛ ba ɛ n nɛra, n ɡe ɛ Korowii baa dɛɛ tom mɛ.

Jeremia 24:7

Mɛɛ ɡeloo ba dɔ nyina bambile, á ɡel ba jemɛ kɛŋɔ menee Korowii baa dɛ tom mɛ. Mɛɛ ɛ Korowii baa dɛ tom mɛɛ, ásɛ ba ɡe ɛ n nɛra, dɛkalkɛ baa kpɔ ba bambile bwaa tɛ mɛ, dɛ́ berɛ ba n be.

Ɛsekeɛl 36:33

Nemenɛ Korowii ŋɔ, “Awola maa ba laa he doŋa bwa kpɔ he nɛɛ la, mɛɛ berɔ ɡel he ba so he bwɛɛre la ta, dɛ́ berɛ kwaa vɔrɔwe anɔ la aa ɛ dimɡbeeni la bwa.

Sekaria 10:6

Mɛɛ ɡeloo Juda dea tena do kpeɡri dɛ́ lɛ Josef dea tena. Mɛɛ berɔɔ ba ba ne bela ba fa aa lole, dɛkalkɛ n dɔ tedoma tɛɛ ba. Baa doo kɛŋɔ nɛra n fa aa wola ban vɛɛh ken, dɛkalkɛ menee Korowii baa dɛ tom mɛ la. Mɛɛ dɛɛ chaŋ baa ba wesoŋa taa.

Mumpar 17:8

Mɛɛ tɛ he ne he naanar Keenan harɛ haa ɛ hɔɔhra dɛ so o ta taraken nɔ bwaa, ásɛ o ɛ he kon saŋ bɛlbwa dɛɛ la, ásɛ n ɛ Korowii haa dɛɛ tom mɛ.”

Hosia 11:11

Baa kpɔ bochelaa dɛ́ ba kɛŋɔ Ijipt harɛ ta jumbii ken, kɛŋɔ Asiiria harɛ ta kwehre ken. Mɛɛ kpɔ baa ba so ba deremi ta ja. Men Korowiirii bola.”