Sekaria 8:19 - mzwDBL

¹⁹ “Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”

Sekaria 8:19 ပူးပေါင်းရင်းမြစ်များ

Jeremia 39:2

Kooro Sedekia aa di kora bene fi dɛ beŋkpoŋ ta, korobinaarɛ tɔpenuanaarɛ ta la, ba kuuɡi Jerusalam danjwɛjen la, dɛ jo ba be.

Sekaria 8:16

Waa aa chɛ kɛ he ɛ laanee nɔ, hé bol kasinteŋ dɛɛ tɛ dɔŋa, dɛ nomɛl ne o dɔŋ dɔ waa kɔɔto aa, hé bol a kasinteŋ a ba deŋnesɔɔhna ne,

Sekaria 7:5

“Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?

Sekaria 7:3

dɛ́ bɔɔ sɔfore baa lɔ bela ne Korowii keamere ŋɔ, “A chɛ kɛ yá wi chɔɡa baa chɔɡ Korowii Dea la, dɛ́ vɔwɛ nyoa korobinuete la ta ɡɛ yaa ɛa bene aa baa kaa bwa ta la aa?”

Jeremia 52:4

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

2 Koranar 25:25

Korobie anuanɛ ta la, Nɛtanea bibaa Ismael, waa ɛ koobie, iro dɛ lawɛ baala fi ja o nɛɛ ba la Gedalia be Mispa, dɛ ka kpoo o ne Juda ne Babelɔn tena baa lɔ bela. Ismael nabaa sɔne Elisama.

Yela 30:11

He ɡelɔ n suna dii berɛ silɛɛ, mɛɛ sa, dɛ ɡel n soh n wii, dɛ kpɔ silɛɛ tɔ mɛ kɛŋɔ yal.

Aesaya 35:10

Baa valɔɔ ɡo silɛɛ yela ka jo Jerusalam, hɛɡra aa wola nyoa dɔe ne. Ba sie ɛɛ lɛo ba bwara sɔɔh ba, suna dii ne tebinichɔɡ le ba bini kwaraa.

Aesaya 12:1

Awola tɔpere la, hɛɛ ɡo yelaa ŋɔ, “Korowii jam kɛ o baah fa aa di n nɛɛ dɛ berɛ sɔɔh dɛɛ larawe n bwara taraken nɔ.

Ɛsta 9:22

dɛɛ lii tɔpera Juu tena aa lɛ ba te le ba dɔma nɔn ta, ne tɔpera ba suna dii aa ber ba silɛɛ, ba wii ɡe berɛ hɛɡra la. Mɔdekae ŋɔ, dɛ ba dɛ di tɔpera la aa, báa di kondikonjena dɛɛ lɛ ba sie, dɛɛ tɛ dɔŋa ne nyaara bwa kondikwa.

Wepila 22:15

Nɛndoŋa, ne nɛra baa dɛ ɛ bebeewa, ne jwamane tena, ne nɛra baa dɛ kpoo nɛra, ne voɡtoroma, ne banɔ la bwa ba sie aa dɛ lɛ nyosone teŋa, ne nɛra neɡra la te, ba ka bwɛɛ la dahare.

Aesaya 51:11

Nɛra haa lɛɛ ba la ɛɛ berɔɔ ba jo Jerusalam, dɛ́ ɡo yela dɛɛ hɛɡre silɛɛ ne. Ba sie ɛɛ lɛo saŋ bɛlbwa, ásɛ sum ne hima le kwaraa.

Ɛsta 8:17

Harɛ bɛlbwa ne bwɛɛ bɛlbwa ta toroma la aa la mmarafale nɔ ne la, Juu tena baa lɔ bela la bwa sie dɛ lɛ baa hɛɡre, dɛ so di kwaa dɛɛ lɛ ba sie. Nɛra baa wola Juu tena ɛɛ la bini bane ɔmɔ, dɛ kpɔ ba te berɛ Juu tena, dɛkalkɛ ba we-ɛɛla la ɡelɔ ɔmee laɡ ba.

Jeremia 36:6

anomanta, ir la bela awola tɔpere baa dɛɛ vɔwɛ nyoa la, ásɛ dɛ kure tɔn la bini waa maa ɡela he chwerɛ do tɔn bini la bwa baɡle ba. Kura baɡle Juda tena baa le ba bwɛɛre ta ba la bwa.

Sekaria 8:3

Mɛɛ berɔɔ ba Jerusalam, bela n Saayɔn Bwejen aa lole dɛ́ ba so. Baa yerɛ Jerusalamee Kasinteŋ Bwɛjen, ásɛ dɛɛ yerɛ men Koranar Bwa Kooro Bwejen la Bwejen Waa Do Goroŋ.”

Sekaria 8:18

Koranar Bwa Kooro bol waa men Sekaria be ja ŋɔ,

2 Koranar 25:1

Kooro Sedekia aa di kora bene anuanaarɛ, korobie fi tɔpera fi ta la, Babelɔn Kooro Nebukadnesa kpɔ o laa tena bwa kaa Jerusalam, dɛ ka yoo ba. Ba baŋre ba tɛnte deene bwɛɛ la dahare, dɛ ma kwaa sawɛ bwɛjen la danjwɛɛ baa che a ta teeh jo o bini.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Ɛsekeɛl 18:8

Waa suuɡa kemɛ dɛɛ lɛ a nee dɛɛ ja. Waa wechɔɡa ɛ, o dɛ bol kasinteŋ nɛn ne o dɔŋ baah waa ta.

Ɛsekeɛl 24:1

Baa lawɛ yaa laa ta kaa Babelɔn bene anuanaarɛ, korobie fi tɔpera fi ta habɔɔ la, Korowii bol waa men Ɛsekeɛl be ŋɔ,