Sekaria 7:5 - mzwDBL

⁵ “Bɔɔ harɛ la ta nɛra bwa ne sɔfore la ŋɔ, ‘Haa vɔwɛ nyoa dɛ wi korobinuete ne korobinuanɛte ta bene fifraanuanɛ aa baa kaa ta la, dɛ n waa he koh vɔwɛ nyoa aa?

Sekaria 7:5 ပူးပေါင်းရင်းမြစ်များ

2 Koranar 25:23

Juda laa nomonome la bwa ne ba laa tena baa wola ban lawɛ kaa la aa noa kɛŋɔ Babelɔn kooro le Gedalia o ɛ ba harɛ nomoa la, ba la o be Mispa. Banee Nɛtanea bibaa Ismael, ne Karea bibaa Johanan, ne Tanhumet bibaa Seraya, o ɛ Nɛtɔfa te. Dɛ Jaasania, waa ɛ Maaka te bɛl bie, dɛ ba bala.

2 Koranar 25:25

Korobie anuanɛ ta la, Nɛtanea bibaa Ismael, waa ɛ koobie, iro dɛ lawɛ baala fi ja o nɛɛ ba la Gedalia be Mispa, dɛ ka kpoo o ne Juda ne Babelɔn tena baa lɔ bela. Ismael nabaa sɔne Elisama.

Aesaya 43:23

Hé ta peera kpoe dɛ fuah ɛ sarahare tɛ mɛ, á ba ɛ kɛŋɔ hɛɛ kpɔ saraha bɛlbwaa ba duu mɛ. N ta mea sarahare waa kpɔe dawɛ he nɛɛ a ɛ heyaa bontɔɡa, n ta daawiile ɡe waa pɛɛrɛ le he be he mee le.

Aesaya 58:3

Ba dɛ ŋɔ, “Ɛrɛɛ ya vɔwɛ nyoa Korowii aa wola na, dɛɛ pwɛr ya te waa wola jemɛ nɔɔ?” Korowii ŋɔ, “Haa vɔwɛ nyoa la, he ɡbo nɛɛ he sie lɛ dɛ yon dɛɛ ɛ he tom-ɛɛra hɔhɔrɔwa.

Jeremia 25:11

He harɛ nɔ bwa ɛɛ berɛ dimɡbiaa, nɛra na ba nyoa kpo, ásɛ harɛre aa baro cheme la nɛra do Babelɔn kooro lɔɡa, dɛɛ tomɔ bene fifraanuanɛ.

Jeremia 29:10

Waa Korowii aa dɛ bol laanee nɔ, “Bene fifraanuanɛ la ba a jaɡa Babelɔn aa, mɛɛ berɔ ba he be, dɛ́ che suna maa sune he nɛɛ dɛ baɡɛ nyoa ŋɔ, mɛɛ berɔ ba he ne Jerusalam bonɔ la ta.

Jeremia 52:12

Babelɔn Kooro Nebukadnesa aa di kora bene fi dɛ anuanaarɛ, korobie anue tɔpera fi ta la, o laa sitɔɔ Nebusaradan la Jerusalam.

Daneɛl 9:2

A bena waa di kora la, men Daneɛl nyiŋi tɔne bini, dɛ na waa Korowii aa cheɡɛ o keame Jeremia nɛɛ bol ŋɔ, Jerusalam ɛɛ berɛ dimɡbia, dɛ́ ka tel bene fifraanuanɛ.

Hosia 7:14

Baa men soŋe kasinteŋ ne, ba chɔ harɛ dɛɛ wi kɛŋɔ voɡtoroma. Ba boa nyoa dɛɛ soŋ mɛ mea ne senfala, kɛ dɛ laa ba te kpɔ n nɛɛ kɛ voɡtoroma. Deŋnekpeɡ tena bane le!

Sekaria 1:12

Ate, Korowii nyundua torome la ŋɔ, ‘Koronar Bwa Kooro, bene fifraanuanɛɛ nɔ he baah aa di Jerusalam ne Juda bwɛjena tena nɛ. Saŋ besoo hɛɛ ba ba sum nae yɔ?’

Sekaria 7:3

dɛ́ bɔɔ sɔfore baa lɔ bela ne Korowii keamere ŋɔ, “A chɛ kɛ yá wi chɔɡa baa chɔɡ Korowii Dea la, dɛ́ vɔwɛ nyoa korobinuete la ta ɡɛ yaa ɛa bene aa baa kaa bwa ta la aa?”

Sekaria 7:4

Asɛ Koranar Bwa Kooro bol waa n be ŋɔ,

Sekaria 7:6

Haa di kwaa dɛɛ nyɔ sene la, dɛ he ɡbaɡba silɛɛ waa laa hɛɛ ɛ aa?

Sekaria 8:19

“Nyoa haa dɛ vɔwɛ korobinaarɛ, ne korobinue, ne korobinuanɛ dɛ korobifi ta la, hé kpɔ ɛ tɔpejena dii silɛɛ aa lɔ a ta, dɛ́ tɛ Juda tena. Anomanta, hɛɛ nyin kasinteŋ ne deŋnesɔɔhna.”

Matiu 23:5

Ba we-ɛɛla bwa la, nɛraa baa nyin kɛ bá na ba dɛɛ tɛɛ ba duure. Gɛ nɛra yon chwerɛ Korowii wobol dɛ kpɔ vɔwɛ ba tili ne ba vaama ta la, hé na ɡɛ ba te kwaa yon do paɡri. Hé na ɡɛ ba batakaani nyoo jɔɔra aa dɛ do jaŋne.

Matiu 6:16

Anee Yeesu berɛ ŋɔ, “He dɛ vɔwɛ nyoa aa, he bɛ dɛɛ ŋwe kɛ nɛra baa dɛ na nɛra sie mɔɔ dɛɛ ɛ wa, aa dɛ ɛ la. Dɛ ba te dɛ vɔwɛ nyoa aa, ɡɛɛ ba ŋwe dɛ́ laa ba siebɔr chɔɡ, ásɛ nɛra na kɛŋɔ ba dɛ vɔwɛ nyoa. Kasinteŋ, ba te dɔ ba kembɔr tonɛ.

Matiu 6:2

Anomanta, dɛ he dɛ ba nɛn kon kɛɛ yaa, he bɛ kpɔ lɔ dawuro dɛ́ ɡel nɛra jemɛ, ɡɛ nɛra baa na nɛra sie mɔɔ dɛɛ ɛ waa yon dɛɛ ɛ cheremi deene ne fɔɡbaahna la. Ba te dɛ́ nyin kɛ nɛra na ba wedɛɛɡa ɛɛ dɛ́ kpɛɛ ba. Kasinteŋ, ba te dɔ ba kembɔr tonɛ.

Matiu 6:5

Yeesu berɔ ŋɔ, “He dɛ ba Korowii soŋa aa, he bɛ he te ɛ kɛŋɔ nɛra baa dɛ na nɛra sie mɔɔ dɛɛ ɛ waa la. Banee yon dɛɛ nyin cheremi deene ne fɔɡbaahna cheɡa dɛɛ soŋe Korowii, ásɛ nɛra na ba. Kasinteŋ, ba te dɔ ba kembɔr tonɛ.

1 Kɔrent 10:31

Anomanta, wobɛlbwaa hɛɛ ɛ oo, kwaa hɛɛ di oo, komɛlbwaa hɛɛ nyɔ oo, hé ɛ dɛ́ kpɔ jirima dɛɛ tɛ Korowii.

2 Kɔrent 5:15

O sewɔ tɛ nɛra bwa. Anomanta, nɛra baa soɡe le la ta chɛ kɛ ba so ba ɡbaɡba soɡa kpa. Bá so tɛ naate waa sewa tɛɛ ba asɛ Korowii iru seo ta la.

Kolosi 3:23

Wobɛlbwa haa dɛɛ ɛ la, hɛ́ɛ ɛa bambile bwa ne kɛŋɔ he Dɔɔ Yeesu Kristoo he ɛ dɛɛ tɛ. Nɛn laa he ɛ dɛɛ tɛ.